ସ୍ଵର୍ଣ୍ଣ ଶସ୍ୟ ସବୁଜିମାର ଆବାହନୀ ମନ୍ତ୍ରରେ
ଶରତ ନୀହାର ବିନ୍ଦୁ ମୁକ୍ତାର ସମ୍ଭାରରେ
ମାଆ ତୁମେ ଆସ ଥରେ
କରୋନା ଗ୍ରାସିତ ବିଶ୍ଵରେ
ହରିନିଅ ବିଷାଦିତ ମନର ବ୍ୟାକୁଳତାକୁ
ଅସଜଡ଼ା ପୃଥିବୀର କରୁଣତା କଳୁଷକୁ
ତୁମରି ଆଲୋକିତାର
ସୁଖ ସମୃଦ୍ଧି ସ୍ପର୍ଶରେ
କାଶତଣ୍ଡୀର ସ୍ଵଚ୍ଛ ନିର୍ମଳ ଭୁରୁଭୁରୁ ବାସ୍ନାରେ
ମାଆ ତୁମେ ପରା ଶକ୍ତିମୟୀ ଅନନ୍ତ ବିଶ୍ଵରେ
ଅନ୍ତ ଘଟା ପ୍ରତିକ୍ଷାର
ତୁମ କରୁଣା ମହକରେ
ପୀଡ଼ିତ-ଲାଂଛିତ-ଦଳିତ ବନ୍ଦୀ ସ୍ଵାର୍ଥ ଯଜ୍ଞରେ
ଭରି ଦିଅ ମାଆ ଅହଂକାର କ୍ଲିଷ୍ଟମନରେ
ଶତ ସୁରଭି ବାସ୍ନାରେ
ଅମୃତ ଆଶିଷ ଛୁଆଁରେ
-