കോർത്തു വെച്ചൊരീ താലിച്ചരടിനാൽ തീർത്തതല്ലേ നീയെൻ പ്രണയം....
ചേർത്തു നിർത്താൻ നീയുള്ളിടത്തോളം
മായുകില്ലീ ചിരിപ്പൂക്കൾ....

-

കാണുന്നതിലൊക്കെയും കൗതുകം കാണുന്ന ബാല്യമേ .....ഒരു സുന്ദര സ്വപ്നം പോലെ നീയങ്ങ് മറഞ്ഞു പോയല്ലോ...

-

ഇരുളിന്നും മീതെ തെളിയുന്നു
നിൻമുഖം ഹൃത്തിൽ

-

ആരോ അരങ്ങൊഴിഞ്ഞൊരു വേദിയിൽ
ഇനിയുമാരോ വരാനിരിക്കുന്നു
കാലമേ നീയിതെത്രകണ്ടതാ
ജീവിതത്തിൻ കുടമാറ്റങ്ങൾ..

-

ഉള്ളു നോവുമ്പോഴും
നീയെന്നിൽ നിന്നകലുമ്പോഴും
നീയെനിക്കല്ലെന്നറിഞ്ഞപ്പൊഴും
ചിരിച്ചതേയുള്ളു ഞാൻ...
നിൻ ചിരി മായാതിരിക്കാൻ....

-

ഞാനെന്തോ എടുക്കാൻ മറന്നപോലെ നിൻ്റെ ഹൃദയം മുട്ടി മുട്ടി വിളിച്ചപ്പോഴാണ് ഞാനാ തുറന്നുവെച്ച ജാലകത്തിലൂടെ നിൻ്റെ ഹൃദയത്തിലേക്ക് കയറിവന്നത്. പ്രണയ സുഗന്ധം നിറഞ്ഞു നിന്നിരുന്ന അവിടെ നിന്ന് നിൻ്റെ ഓരോ നിശ്വാസത്തോടും ചേർന്നു നിൽക്കാൻ ഞാൻ കൊതിച്ചു പോയി. ഇനി നീയെന്നെ തിരികെ വിടുകയാണെങ്കിൽ നീയെനിക്കായ് കാത്തു വെച്ചിരുന്ന , എനിക്കു മാത്രമെന്ന് പറഞ്ഞിരുന്ന നിൻ്റെ പ്രണയത്തിൽ വിരിഞ്ഞ ചെമ്പനീർപ്പൂവ് , അതെങ്കിലും നീയെനിക്ക് നൽകണം. ഇനിയൊരു ഹൃദയത്തെ മോഹിക്കാതിരിക്കാൻ.

-

നിന്നോട് പറയാൻ കൊതിച്ചൊരാ വാക്കുകളിന്നെന്റെ
തൂലികത്തുമ്പിൽ
വരണ്ടുണങ്ങുമ്പോൾ
ഹൃദയത്തിൽ നിന്നും
പൊടിഞ്ഞൊരാ
നിണമെടുത്തിന്നു ഞാൻ
നിനക്കായൊരു പ്രണയകാവ്യം
കുറിച്ചീടുന്നു
ഇനിയും വിടരുവാൻ
വൈകിയൊരീ
ചെമ്പനീർ മുകുളവും
നിനക്കായി നൽകുന്നു...

-

ഈ നിലാവും കുളിരും നിന്നെ ഓർമിപ്പിക്കുമ്പോൾ .....ഒരു തലോടലായെങ്കിലും ....പ്രിയനേ നീയൊന്നരികിൽ വന്നിരുന്നെങ്കിൽ...

-

പ്രതീക്ഷയുടെ ഇടനാഴിയിലെവിടെയോ വെച്ച് നമ്മളൊരുമിച്ച് നനഞ്ഞ സ്വപ്നങ്ങളുടെ മഴവെള്ളപ്പാച്ചിലിൽ ഒലിച്ചിറങ്ങിപ്പോയതാണെന്റെ പ്രണയം....
ഇനിയുമൊരു മഴപ്പെയ്ത്തിൽ കടലാസുതോണിയേറി
തിരികെ വന്നേക്കാം...
പുതിയൊരു വസന്തം തീർക്കാൻ.....

-

പലപ്പോഴായി വാടിക്കൊഴിഞ്ഞു പോയോരെൻ ഇഷ്ടങ്ങൾ വീണ്ടും
പെറുക്കിയെടുത്ത് ജീവിതത്തിൽ തിരികെ വെക്കണം. നിനക്കായ് പുതിയൊരു വസന്തം തീർക്കാൻ..

-