ನಮಗೂ ಕನಸುಗಳಿವೆ..
ನೀರಿನಂತೆ ಕದಡಿವೆ..
ಸುಮ್ಮನಿದ್ದು ತಿಳಿಯಾಗಿಸಬಹುದೆ!!
ಅಳಿಸಬಹುದೆ..
ಅಳಿಸಳಿಸಿ ಮರೆಸಬಹುದೆ..

-

ಮಾಡುವ ಅಪರಾಧಗಳಿಗೆ
ಶಿಕ್ಷೆ ನೀಡಬಹುದೇ ವಿನಃ ಅಪರಾಧಿಗಲ್ಲ..
ಇನ್ನು ನ್ಯಾಯ ಅಸಾಧ್ಯವೆ!!
ಆಸೆಗಳಿವು ಧರ್ಮವಲ್ಲ.. ಕರ್ಮವಲ್ಲ..

-

ಆಯ್ಕೆಗಳಿಗೆ
ಸ್ವತಂತ್ರವಿರಬೇಕು..
ಇಲ್ಲವೇ ಖುಷಿಯೂ
ಪರತಂತ್ರವೇ ಆದೀತು!!
ಸ್ವತಂತ್ರದ ನಗು
ಹಣದಲ್ಲಷ್ಟೇ ಉಳಿದೀತು!!

-

ಪದೇ ಪದೇ
ಹತ್ತಲವು ಕಥೆಗಳಿಂದ
ಒಪ್ಪಿಸಲಾರೆನೆ ನಿನ್ನ; 
ವಿನಃ ಒಮ್ಮೆಯೇ
ಒಪ್ಪಿಕೋ ನನ್ನ..
ನಿಜಕೂ ನಂಬದಾ 
ಪ್ರೀತಿಗಿಂತ ನೀ..
ಮರೆತಿರುವುದೆ ಚೆನ್ನ..

-

ನೆಮ್ಮದಿಗೆ
ಮಾತಿದೆಯೆ ಹೇಳಿ.?
ಮಾತನಾಡಲುಂಟು
ನಿಮ್ಮ ಬಳಿಯೇ..
ಮಾತು; ಚೂರಿರಲು
ನನ್ನ ಬಳಿಯೇ..
ಮೌನದಲಿಲ್ಲ..
ಮಾತಿನಲಿಲ್ಲ..
ಎಲ್ಲಿಯೂ ಇರದರಸಿ
ನಿನ್ನೊಳಗೆ ಹುಡುಕೋ..
ಕಾಣದೆ ಕಣ್ಣನೊರಸಿ
ನಿನ್ನನೇ ನೀನರಸೋ..
ಎದೆಯಾಧಗೆಗೆ ಹನಿದನಿಗಳಿಲ್ಲ..
ಮನದೊಳಗೆ ಮಳೆಯಿಲ್ಲ ಬಿಸಿಲಿಲ್ಲ..
ನೆಮ್ಮದಿಯ ಮಾತಿದೆಯೇ!! ಹೇಳಿ.?

-

ಮುಳುಗುವನಲ್ಲ
ಮುಗುಳುನಗೆಯಲೆ..
ಅಲೆಯುವನಲ್ಲ
ತೇಲಿಹರಿವಲೆಗಳಲೆ..
ನಗುವುದಬಲ್ಲ
ನೋವ ನಗೆಮುಗುಳಲೆ..
ಮರೆಯಾಗಬಲ್ಲ
ಮುಳುಗಿ ಮುಗಿಲಲೆ..

-

ಸೋತ ಮರ್ಯಾದೆಯಿಂದಲೆ,
ಜ್ಞಾನ ಹತ್ತೋದು..
ಅಹಂಕಾರ ಹೆಚ್ಚೋದು..
ಆದಷ್ಟು ಸೋತುಬಿಡಿ;
ಗೆಲ್ಲಲೇ ಬೇಕೆಂದಿಲ್ಲ, ಗೆಲುವಿಗೆ..
ಸೋಲೇ ಮೆಟ್ಟಿಲು ಗೆಲುವಿಗೆ..

-

ಯಾರದೋ
ನಂಬಿಕೆ
ನಿನ್ನಲ್ಲಿಲ್ಲದಾಗ
ನಂಬು ನಿಜವೇ
ನಂಬಿಕೆ
ನೀನೇ ಮುರಿದಿರುವೆ..
ಅವರಲ್ಲೇಕೆ ಹುಡುಕುವೆ??
ನಿನ್ನಲ್ಲಿಲ್ಲದ ನಂಬಿಕೆ..
ಇದು ಮುಗಿಯದ ಸಂಚಿಕೆ..

-

ಬಂದ
ತುಟಿಗಳಲೇನಿಲ್ಲ..
ಹೊರಟ
ಕಂಗಳಲೇನಿಲ್ಲ..
ಮನಕೆ
ಪರಿಚಿತಳೇನಲ್ಲ..
ಹೃದಯಕೆ
ಅಪರಿಚಿತಳೇನಲ್ಲ..
ಪ್ರೀತಿಗೆ
ಕಾರಣಗಳೇನಿಲ್ಲ..
ಕಾರಣ
ಪ್ರೀತಿಯಲೇನಿಲ್ಲ..
ನೆನೆಪಿಗೆ
ನೆನಪುಗಳೇನಿಲ್ಲ..
ನೆನೆಯಲು
ನೆಪಗಳೇನಿಲ್ಲ..
ಏನಿಲ್ಲದೆ??.. ಏನೇನಿಲ್ಲ!!

-

ಭರವಸೆಯ
ಎದುರಲಿಟ್ಟು
ಕಾಣೆಯಾದಳೋ..
ನನ್ನೊಲವ
ಮರೆತುಬಿಟ್ಟು
ಜಾಣೆಯಾದಳೋ..
ಅವಳೆತ್ತ ನಡೆದಳೋ..
ಅವಳೆತ್ತ ನಡೆವಳೋ..

-