ಹೀಗೆ,
ನಿಜವೆಲ್ಲ
ತಮಾಷೆಯಂತೆಯೇ
ಕಾಣುತ್ತದೆ!!
ನಕ್ಕು ಸುಮ್ಮನಿರಬೇಡಿ..
ಸತ್ಯ ಕೆಸರಲ್ಲೆಸೆದ
ಕಲ್ಲಿಗಂಟಿದ ರಾಡಿ..

-

ಪ್ರಕೃತಿಯಲ್ಲಿ
ನಿನ್ನ ಹುಡುಕುವುದು
ಅಸಹಜ ಅನಿಸುತಿದೆ..
ಅಸಾಧ್ಯ ಎನಿಸುತಿದೆ..
ವರ್ತಮಾನಕೆ ನೀನೆ ಬೇಕಾಗಿದೆ..
ಬೇಕಿದೆ ನಿನ್ನ ಪತ್ರ ಪರವಾನಿಗೆ..

-

ಕೆಟ್ಟ್ಹೋದ ಮನ್ಸು
ಕೆಟ್ಟ್ಹೋದ ಮನ್ಶಾ
ಇದಾನೆ.. ಇರ್ತಾರೆ..
ಇವ್ರನ್ನೆಲ್ಲ ದೇವ್ರು ಮೆಚ್ಚಲಿಕ್ಕಿಲ್ಲ!!
ಹೊರತು,
ಕೆಟ್ಟ ಧರ್ಮ
ಕೆಟ್ಟ ಜಾತಿ ಅಂತಿರ್ಲಿಕ್ಕಿಲ್ಲ!!
ಇದ್ರೆ ದೇವ್ರೆ ಇರ್ಲಿಕ್ಕಿಲ್ಲ!!

-

ಓದದೇ ಉತ್ತರಿಸುವಳು!!
ಅವಳಿಗಾಗೆ
ಬರೆದಷ್ಟೂ
ಪದಗಳಿಗೆ ಪದಗಳಿಲ್ಲ..
ಪ್ರಶ್ನೆಗಳಿಗೆ ಉತ್ತರಗಳಿಲ್ಲ..
ಅವಳದೊಂದು
ಲೈಕುಗಳಿಲ್ಲ..
ಕಮೆಂಟುಗಳಿಲ್ಲ..
ಷೇರುಗಳಿಲ್ಲ..
ನಕ್ಕು ಸುಮ್ಮನಿರುವಳೋ..
ಅತ್ತು ಕರಗಿರುವಳೋ..

-

ಕಣ್ಣೀರ್ ಹಾಕೋ
ಪ್ರತಿಯೊಂದು
ಕಂಗಳು ಕೂಡ
ದುಡಿಲೇಬೇಕು
ಇಲ್ಲ..
ಕಣ್ಣೀರ್ ಒರೆಸೋ
ಕೈಗಳಿಗೂ
ಕಷ್ಟವಾಗತ್ತೆ!!

-

ನನ್ನೆದೆಯ ಭಾವಗೀತೆಗಳೆಲ್ಲ
ಅವಳಿಗೆ;
ಅರ್ಥವಿರದ ವ್ಯರ್ಥ ಪ್ರಯತ್ನಗಳು..
ಕನ್ನಡ ಸಾಹಿತ್ಯಕ್ಕೆ
ಅವಳಿಗೊಂದು ಪಿಎಚ್ಡಿ ಬೇಕಿತ್ತು..
ಏನ್ಮಾಡ್ತೀರಿ ಅವ್ಳಿಗೆ
ಪ್ರಥಮ ಪಿಯುಸಿಯಲ್ಲೇ ಲವ್ವಾಗಿತ್ತು..

-

ಮುಖದ್ ಮ್ಯಾಗೈತಿ ಮೆಗಾಪಿಕ್ಸೆಲ್ ಫಿಲ್ಟ್ರು..
ಮನಸೇನ್ ಕೇಳ್ದೋರ್ಗೆಲ್ಲ ಅರ್ಧಲೀಟ್ರು..
ಬಾಡೀಲಿ ಕೆಜಿ ಕೊಲೆಸ್ಟ್ರಾಲ್, ಫುಲ್ ಕ್ವಾಟ್ರು..
ಈಟೈಪ್ಗೆ ಆಟೈಪು ಕಾಲ್ದಲ್ಲಿ ಬದ್ಕಾಕ್ ಬೇಕ್ ಮೀಟ್ರು..

-

ಧನವಿರದ ಜವಬ್ದಾರಿ
ಇಂಧನವಿರದ ಗಾಡಿಯಂತೆ
ಚಕ್ರ ತಿರುಗಲು ಒಂದೇನೋಬೇಕು..
ಜೀವನಚಕ್ರ ತಿರುವಲು ಇನ್ನೊಂದೇನೋಬೇಕು..

-

ಕೈಬಿಟ್ಟ ಬಲೂನಾಗಿರುವೆ
ಗಾಳಿಯಂತೆ ನೀಬಂದು
ಒಂದು ಕ್ಷಣಬಿಂದು
ವ್ಯೋಮದಲಿ ಹೊತ್ತೊಯ್ಯುವೆಯೇ..
ಕಡಲಾಳದಲಿ ಮುಳುಗಿಸುವೆಯೋ..
ಬಾ.. ನೀಲಿಯಲಿ ತೇಲಿಸುವೆಯೇ..
ಭೂಮಿಗೆ ತಂದಪ್ಪಳಿಸುವೆಯೇ..
ನಾ ಯಾರ ಹಿಡಿತ ಸೂತ್ರದಲಿಲ್ಲ..
ನಾನಾಡದ ನಾಟಕ ಪಾತ್ರಗಳಿಲ್ಲ..
ಬಿಟ್ಟಿದ್ದು ನಿನಗೆ..
ನೀ ಬಿಟ್ಟದ್ದು ನನಗೆ..
ಕೈಬಿಟ್ಟ ಬಲೂನಾಗಿರುವೆ!!

-

ಕ್ಷಮಿಸು ಎನ್ನಲು
ಕ್ಷಮೆಗೂ ಅರ್ಹನಲ್ಲ
ನಾನು, ಇರಲಿ..
ಒಂದಷ್ಟು ನೋವು ಶಿಕ್ಷೆ!!
ನೀನಷ್ಟೆ ನೀಡುವ ಭಿಕ್ಷೆ!!

-