అటువైపు రవి కాంతుల పలకరింపులు...
ఇటువైపు మది గెంతుల పులకరింపులు..
ఒకే తెరపై...

-

ఉదయపు కాంతులు..
హృదయపు కేరింతలు..
కలిసి ఒకే తెరపై ...

-

జామురాతిరిలో..
జాబిల్లి నుంచి జాలువారుతున్న
జిగేలువెన్నెల్లో ....
ఈ క్షణం...

-

ఉదయం మరో కలవరం..
నువ్వు రాత్రి కలలోనే కరిగిపోతావని..
నా మది మాయాజాలంలో మాయమైపోతావని...

-

ఏ మనిషి జీవం...
ఏ గాలిబుడగలో ఒరిగిపోయిందో...
ఏ గాలి వల్ల ఎగిరిపోయిందో..ఎవరికెరుక...

-

ఆలోచన సిద్ధం..
ఆచరణే ఆలస్యం..

-

కొన్ని సార్లు బాగుండటం కంటే..
బతికుంటే...చాలనిపిస్తుంది...

-

కొన్ని నిజాలను నమ్మడం కంటే ...
భ్రమల్లో బ్రతకడమే సులువెేమో...

-

ఏకాంతం ఎంచుకొని మరీ తెచ్చుకునేది...
ఒంటరితనం వద్దనుకున్నా వదుల్చుకోలేనిది...

-

మా కోసమే ప్రతి క్షణం నీ నిరీక్షణ
మా కోసమే ప్రతి క్షణం నీ తపన
మా కోసమే ప్రతి క్షణం నీ ఆలోచన
మా కోసమే ప్రతి క్షణం నీ ఆవేదన

నీకంటూ నీ గురించి ఆలోచనే నీ దరిదాపుల్లోకి కూడా తావివ్వకుండా ప్రతి క్షణం కొన్ని సంవత్సరాల తరబడి మా కోసమే నీ శ్రమను ధారపోస్తున్నావు ..నీ రుణం మేమెన్నటికీ తీర్చలేం...అమ్మ...

Happy mother's day 🥰

-