कधी तु... मुक्तछंदातला अल्हडपणा
कधी तु... गझलेतला विरह..

कधी तु..अभंगातली व्याकूळता
कधी तु... कवितेतील संवेदना...

कधी तु....चारोळीतील प्रेम
कधी तु... कांदबरीतील रहस्य..

-

तुझा त्रागा,तुझी चिडचिड,फुगायचे कर की पुरे...
चाफा बोलतेय तुला,दरवळायचे सोडून किती नखरे..

-

ज्या क्षणी मी तुला सुचेल...
त्या क्षणी माझे मी पण सरेल...!

-

किती गोडवा स्वभावात तुझ्या
प्रेमात मी पडता, गोड झाले..!

-

झेपेल का शब्दांना आपल प्रेम सांग खरं..
तुला सगळ्यांपासून लपवणे हेच वाटतं बरं...

-

माझ्या कवितेला तुझा स्पर्श झाला आहे
आता नाही वगैरे काही नाही हं...

-

चंद्र,चांदणे अन् ऋतूसाठी धुसफूसते चारोळी तुझ्यामुळे..
रागवतेय कविताही हल्ली..शेर झालेत लाडके तुझ्यामुळे..

-

ठरवून नियम शक्य तेवढे अंतर दोघेही पाळतात..
क्षण मिठीचा आल्यावर सारे तह मोडीत निघतात..!

-

तुझे नाव न घेता तुझाच उल्लेख होतो..
त्या शेराचा ही मग सव्वाशेर होतो..!

-

अगदी पहिल्या पावसाच्या सरीसारखी..
तुला पाहताच सुचते,ओळ मना सारखी..!

-