Jab jab sajengi mehfilein,
Tab tab tujhe chhod diya jayega...
Aur aane ka tanhaaiyon ka mausam bhi,
Tu dekhna.. tujhe fir yaad kiya jayega...

-

Ye jo ishq me bewafai ki baatein karke khud ko tanha karte hain,
Koi sath nibhane jo aaye , yahi use ruswa bhi karte hain...
Ye khud ishq ki kadr bahot jatate hain,
Fir jab koi sacche iraade se aaye,
To ye uska dil kyun toda karte hain?
Ye jo ishq me bewafai ki baatein karke khud ko tanha karte hain,
Ishq mil jane pe yahi use najarandaj karke , beparwah aage badhte hain...

-

Koshishein to puri ki maine use Haqeeqat banane ki,
Par iraade uske bhi kam nhi the sirf khwaab ban jane ke...
Yun to raasta jeet ka hi chuna tha maine,
Usne gunjaaish hi nhi chhodi sivaay mere haar jane ke...

-

Kal ki fikr ko rakhke pare,
Bas hath thaame hum aage badhe..
Shamein jahan sukun ki dhalein..
Chal dheere se us paar chalein..

Darr ko pichhe chhod kahin,
Ik duje ki aankhon me rahein..
Jahan tum mein mujh mein "main" na rahe,
Bas khamoshi se hum baatein karein..
Chal dheere us paar chalein...

-

Ye Ishq samajhne wale hi aksar Ishq nahi samjha karte hain

-

Mujhe intejaar bhi dekho kiska hai ,,
Jiske aane ke ummeed tak nahi...

-

Main kisi uljhi kahani ki tarah,
Vo nayaab suljhe alfaazo ki tarah..
Main theher si gyi uske dekh manzil ki tarah,
Aur vo fisalta raha hatho se ret ki tarah...

-

Himmat bhi badi chij hai ...
Varna aasaan nhi hai yahan,
Khud tootkar bhi ,
Kisi ko tootkar chahna...

Aasaan nhi hai,
Jab kisi ke aane ki ummeed na ho,
Fir b uske intejaar me palkein bichhana..
Uske lakh bikhrane par bhi,
Tumhara sambhal kar fir khade ho jana..

Aasaan nhi hai,
Uska har baar tumhara dil todna ,
Aur kabhi to vo samjhega tumhe,
Is ummeed mein fir jee jaana...

Maana kisi dard me toota hai vo,
Par kya tum kam toote ho??
Aasaan hai kya?
Uske lafzo me inkaar hone par bhi,
Apne dil mein ikraar rakhna..
Uske door karne par bhi,
Tumhara khud ko usse jode rakhna..
Aur aasaan hai kya??
Khud thik na hone par bhi
Usse ye puchhna ki..
Suno.. tum thik ho naa???

-

Himmat bhi badi chij hai ...
Varna aasaan nhi hai yahan,
Khud tootkar bhi ,
Kisi ko tootkar chahna...

-

Raat kitni pyari hai, kuch haste khwaab dikha kar
Roj meethi neend me sulati hai...
Aur ek ye subah hai ki suraj nikalte hi
Unhi sapno ko fir tod jati hai..

-