ವನಸ್

ಕೈಟ್ ಏತ್ ಇತ್ಂಡಲಾ
ದಾನೆ, ತಿನಿಯರಾಪುಂಡ
ಕಾಸ್..!?
ಬಡವಾನಗ ಬಂಜಿಗ್
ಬೋಡಾಯಿನವು
ಬಂಜಿ ನಿಲಿಕೆ ವನಸ್..!

-

ಓಬೇಲೆ

ಆನಿ,
ನಡೊಂದಿತ್ತೆರ್
ಕಂಡೊಡ್ ನೇಜಿ
ಪನೊಂದಿತ್ತೆರ್ ಓಬೇಲೆ.
ಇನಿ,
ಕಂಡೊ ಇತ್ತ್ಂಡಲಾ
ಮಲ್ಪುಜೆರ್ ಬೆನ್ನಿ
ಪನ್ಪೆರ್ ಆವಂದ್ ಆ ಬೇಲೆ..!

-

ಬುಡೆದಿ

ಇಲ್ಲಗ್
ಬೇಕ ಬತ್ತ್ಂಡ
ಕೇನ್ವಲ್,
ದಾನೆ ಬೇಕ ಬತ್ತರ್?
ಪೊರ್ತಾಂಡ ಪನ್ಪಲ್,
ಇಡೆ ಮುಟ್ಟ
ಓಲ್ ಇತ್ತರ್.!?

-

ಸಂತೆ

ಎನ್ನಾಲೆಗ್
ತೂವೊಡುಗೆ
ವಾರದ ಸಂತೆ.
ಒಟ್ಟಿಗೆ
ಪೋಯೆರ್ಲಾ
ಪೋಡಿವೆ,
ಎತ್ತಿಲೆಕ್ಕ ಕೇನ್ವಲ್
ಕಾಸ್ ಕೊರ್ಲೆ ಒಂತೆ..!

-

ಬರ್ಸ

ಮಾತೆರ್ಲಾ
ಪನ್ಪೆರ್, ಬರ್ಸ
ಬರ್ಪುಜಿ ಬರ್ಪುಜಿ,
ಎಂಚ ಬರೊಡು..?
ಒಟ್ಟಿಗೆ ಪನ್ಲೆ
ಮರನ್
ಕಡ್ಪುಜಿ ಕಡ್ಪುಜಿ..!

-

ಬಸಳೆ

ಆಲ್ ಪಂಡಲ್,
ಕಜಿಪ್ಪುಗ್ ದಾಲ ಇಜ್ಜಿ
ಖಾಲಿ ಉಂಡು ಬಿಸಲೆ.
ಅಯಿಕ್ ಏನ್ ಪಂಡೆ
ಉಂಡತ್ತ ಬಸಳೆ..!

-

ಮೊಬೈಲ್

ಜೋಕುಲ್ ದುಂಬು
ಗೋಬ್ಬೊಂದಿತ್ತೆರ್
ಚಿನ್ನಿ ದಾಂಡು..!
ಇತ್ತೆ ಲಕ್ಕಿ ಪೆಟ್ಟ್ ಗ್
ಕೇನ್ವೆರ್, ಅಮ್ಮ
ಮೊಬೈಲ್ ಓಂಡು..!!

-

ಡ್ರೀಮ್ ಗರ್ಲ್

ಪ್ರೀತಿಡೆ ಏನ್ ಲೆತ್ತೆ,
ಓಲ್ಲದಿ ಎನ್ನ ಡ್ರೀಮ್ ಗರ್ಲ್.
ಆಲ್ ಪಂಡಲ್
ದಾನೆ, ಕಾಂಡೆನೇ
ಸುರು ಆಂಡ ಮರ್ಲ್..!

-

ಎಲ್ಪಿಜಿ

ಆಲ್ ಪಂಡಲ್,
ದಿಕ್ಕೆಲ್ಡ್ ಸೂ
ಪೊತ್ತಾಯರೆ
ಎಂಕಾಪುಜಿ ಆಪುಜಿ;
ಅಯಿಕ್
ಏನ್ ಕನಯೆ,
ಎಲ್ಪಿಜಿ..!

-

ಮಾಯಿ

ಕಾಲ ಬದಲಾಪುಂಡು
ಪೇರಾರ್ದೆ, ಪೊನ್ನಿ
ಮಾಯಿ..!
ಅಂಚನೆ ಕರ್ನಾಟಕಡ್
ಮುಖ್ಯಮಂತ್ರಿಲಾ
ಬರ್ಪಿ ತಿಂಗೊಳ್
ಏರಾ ಗೊತ್ತಿಜ್ಜಿ.!
ಇನಿ ಬಸವರಾಜ ಬೊಮ್ಮಾಯಿ..!!

-