hhjii

-

ಈ ಸಂಜೆಯ ಸೊಬಗಿನ ರಮ್ಯ ಗೋಧೂಳಿಯ ಸಮಯ
ಹೊತ್ತು ಹುಟ್ಟಿ ಹೊತ್ತು ಮೀರಿದೆ ಅರ್ಕ ನಿರ್ಗಮನಿಸುವ ಸಮಯ

ಬೆಟ್ಟದ ತಪ್ಪಲಿನ ವೈಭೋಗದ ಅದ್ಧೂರಿತನ ಇಳೆಗೆ ಅನಾವರಣ
ಮುಯೂಖಗಳೆಲ್ಲ ಧರೆಗೆ ಮುತ್ತಿಡುತಿವೆ ಕಣ್ಮನ ಸೆಳೆಸುವ ಸಮಯ

ಪೃಥ್ವಿಗೂ ಅಂಬರಕ್ಕೂ ಒಂದೇ ಆಗಿದೆ ಕೆಂಧೂಳಿಯ ಆರ್ಭಟ
ಇವೆರಡರ ನಡುವೆ ದಿವ್ಯ ಆಡಂಬರದಲಿ ಏಕಾಂತ ಸೃಷ್ಟಿಸುವ ಸಮಯ

ಬಾನಾಡಿಗಳ ಕಲರವದ ರಗಡಿನ ನಭೋಮಂಡಲದ ಸನಿಹವದು
ಹೇಳಿ ಮಾಡಿಸಿದಂತಿದೆ ಕಂಪು ತಂಪಿನ ಸವಿಗಾನವು ಮೇಳೈಸುವ ಸಮಯ

ರೋಮಾಂಚನವಿದು ಅಹರ್ಪತಿಗೆ ಮುಸ್ಸಂಜೆಯ ಅಭಿಷೇಕದಲಿ
ತೇಲಾಡುವ ಮನಗಳಿಗೆ ರಂಗಿನೋಕುಳಿಯನು ಸಿಂಚಿಸುವ ಸಮಯ

ಸಂಧ್ಯಾ ಕಾಲವಿದು ರಂಗಿನ ರಾಗಲಹರಿಯೊಂದಿಗೆ ಮಿಂದೆದ್ದಿದೆ
ಧರಿತ್ರಿಯ ತುಂಬ ಈ ಸಂಜೆಯ ಬೆಡಗಿನ ಐಸಿರಿ ತುಂಬಿಸುವ ಸಮಯ

ಪ್ರತಿ ಮನೆಯಂಗಳದಿ ಚೆಲ್ಲಿದೆ ಹೊಂಬಣ್ಣದ ಬೆಳಕಿನ ಹೊಳಪು
ಮನದೊಳಗೆ ಹೊಂಬಿಸಿಲ ರಾಗ ರಿಂಗಣಿಸಿ ನವಿರೇಳಿಸುವ ಸಮಯ.!

-

ಬಿಂಕದ ಸುಂದರಿ ಕಣ್ಮನ ಧಾರಿಣಿ
ಮಿಂಚುತ ನಲಿವಳು ಪೋರಿ
ಲಜ್ಜೆಯೆ ಮನದ ಭಾಷೆಯು ನೀರೆಗೆ
ಕುಣಿಯುತ ಜಿಗಿವಳು ಪೋರಿ!!

ಬಿಮ್ಮನೆ ಸುಮ್ಮನೆ ಕಾದಿಹೆ ನೋಡಿರಿ
ಜಂಗನೆ ನೆಗೆಯುತ ನಾರಿ
ಮಂದಿರ ಸುಂದರಿ ಹೃನ್ಮನ ಗೆದ್ದಳು
ಬಳುಕುತ ಬರುವಳು ಪೋರಿ!!

ಶ್ವೇತಧಾರಿಣಿ ಮುಗ್ದ ಕುಸುಮದಿ
ನಗುವನು ಬೀರುವ ಕಿನ್ನರಿ
ಬಾನೊಳು ಮಿರುಗುವ ಚಂದ್ರಿಕೆಯಂತೆ
ನಾಚುತ ತರುವಳು ಪೋರಿ!!

ಮೇದಿನಿಯಲ್ಲಿ ನರ್ತಿಸೋ ಕಿಂಕಿಣಿ
ಸುಮಧುರ ನಾಟ್ಯದ ಮನೋಹರಿ
ಶೈಲಾಲಿಯಂತೆ ಮಾಲಿಸ ನೋಟದಿ
ಕಾಣುತ ಮೆರೆವಳು ಪೋರಿ!!!

ಕೇಶರಾಶಿಯೊಳು ತನುಮನ ಗೆದ್ದ
ಸುಹಾಸಿನಿ ಸುಂದರ ಬಂಗಾರಿ
ಪೂರ್ಣಿಮೆ ಹೊಳಪಲಿ ಗೌರವ
ಘನತೆಯ ಪಡೆವಳು ಪೋರಿ!!!

-

ಮೌನ ಶರಧಿಯಲಿ ಓವಣದ ಕನಸುಗಳ
ತಾವಡಿ ಸಿದ್ದವಾಗಿದೆ ಸಖ
ಅಂಬರದ ತುಂಬೆಲ್ಲ ಕವಿದಿದೆ ಕಾರ್ಮೋಡ
ನಿಶ್ಯಬ್ಧತೆ ದಟ್ಟವಾಗಿದೆ ಸಖ||

ಚಿಂತಕರ ಚಾವಡಿ ಪಕ್ಷಿಗಳ ಜೊತೆಗೂಡಿ
ನಡೆಸಲು ಅರ್ಹವಾಗಿದೆ
ಚಂದಿರನ ಬೆಳದಿಂಗಳ ಸೇಚನ ಮೈಮನಕೆ
ಅದೆಷ್ಟು ಸಖ್ಯವಾಗಿದೆ ಸಖ||

ಮನದಲಿ ಮೂಡುವ ಹೃತ್ಫೂರ್ವಕ ಅಭೀಪ್ಸೆ
ಚೆಲ್ಲುತಿವೆ ನವಬೆಳಕು
ಮೊಳಗುವ ಇಂಪುತಂಪಿನ ಚುಕ್ಕಿ ತಾರೆಗಳ
ಚಿತ್ತಾರವದು ಸನಿಹವಾಗಿದೆ ಸಖ||

ಮುಸ್ಸಂಜೆಯ ಸೊಬಗು ಒಲವಿಗದು ಮೆರಗು
ರಾರಾಜಿಸುತಿದೆ ಪ್ರೇಮದುಯ್ಯಾಲೆ
ಮೂಕ ವೇದನೆಯು ರಿಂಗಣಿಸುವ ನಿತ್ಯಸಾಲು
ನೆನೆಯುತಲಿ ದುಃಖವಾಗಿದೆ ಸಖ||

ಅಭಿಮಾನದ ಅಭಿಜ್ಞಾಳ ಆಂತರ್ಯ ಬಯಸಿದೆ
ಸೌಖ್ಯದ ಪ್ರೀತಿಯನು
ದೋಣಿ ಸಾಗುತಲಿ ಒಡಲಾಳದ ನೋವುಗಳ
ಮೆರವಣಿಗೆ ಸ್ತಬ್ಧವಾಗಿದೆ ಸಖ.!

-

ಸ್ಫುರಿಸುವಿಕೆಯ ಸುಂದರ ಕ್ಷಣಕಾಗಿ ತನುವು
ಕಾಯುತಿದೆ ಗೆಳೆಯಾ
ಇರುವಿಕೆಯ ಒಲವ ಸಿರಿವನದಲಿ ನಲಿಯಲು
ಕೂಗುತಿದೆ ಗೆಳೆಯಾ||

ಹಸಿರ ಹಾಸಿನಲಿ ಕುಣಿವ ಮಯೂರ ನರ್ತನ
ಮನಸೂರೆಗೊಂಡಿದೆ
ಮನೋಹರ ಪ್ರೇಮೋತ್ಸವದ ತೇರ ಹತ್ತಲು
ಸೇರುತಿದೆ ಗೆಳೆಯಾ||

ಮುಂಗಾರು ಮಳೆಯ ಕೃಷಿಯಲಿ ತೋಯ್ದಂತೆ
ವಿಸ್ಮಯವಾಗಿದೆ
ಉದ್ಭವದ ಉತ್ಕಟ ಆಕಾಂಕ್ಷೆಗಳೊಂದಿಗೆ
ಹೋಗುತಿದೆ ಗೆಳೆಯಾ||

ಅಪ್ಪಿತು ಚೆಲುವು ತಬ್ಬಿಬ್ಬಾಗದೆ ಜೊತೆಗೂಡುತ
ಎದೆಯಂಗಳದಿ
ನಿನ್ನಿರುವಿಕೆಯ ಮನಗಂಡು ಮನ ತನ್ಮಯದಿ
ನಲುಗುತಿದೆ ಗೆಳೆಯಾ||

ಮಬ್ಬಲ್ಲೂ ಕಾಪಿಟ್ಟ ಅಭಿಜ್ಞಾಳ ಯೋಚನೆಯ
ಕಣಜವದು ತುಂಬಿತು
ಹೆಚ್ಚೆಚ್ಚು ನೆನೆಯುತಲಿ ತಣಿಸುತ ಮೆರೆಯುತಲಿ
ಸಾಗುತಿದೆ ಗೆಳೆಯಾ||

-

ಗಝಲ್

ಗುಡು ಗುಡು ಗುಟ್ಟುತ ಸದ್ದನು ಮಾಡುತ ಮಿಂಚಿನ ಬಾಣವು ನೋಡಾ
ಕವಿದಿಹ ಬಾನು ಮೋಡದ ಕಂಪನ ಭೂಮಿಯು ನಡುಗುತ ನಿಂತಿದೆ ನೋಡಾ

ಮಳೆಯು ಧರೆಯು ಸೇರಿವೆ ನರ್ತನ ಕೀರ್ತನ ನಡೆಯುತಿವೆ
ಮೋಡವು ಕರಗಿ ಬಾನೆಲ್ಲ ತಿಳಿಯಾಗಿ ನೀಲಿಯಂತಾಗಿದೆ ನೋಡಾ

ರಾತ್ರಿಯ ಮಳೆಯದು ಭಯವದು ತರುವುದು ನಿತ್ಯ ಇರುಳಿನ ಧಾರೆಯು
ಗಡ ಗಡ ನಡುಗಿಸಿ ಎಲ್ಲರ ಹೆದುರಿಸಿ ವರುಣನ ಆರ್ಭಟ ಹೆಚ್ಚಿದೆ ನೋಡಾ

ಮಿಂಚಿನ ಸಂಚನು ಹೂಡುತ ಬಂದು ಎಲ್ಲೆಂದರಲ್ಲಿ ಸುರಿಯುತ ನಿಂತು
ಭಾವಾವೇಷದಿ ಮೆರೆದು ಕುಣಿದು ತನಗಿಷ್ಟದಂತೆ ನರ್ತಸಿದಂತಿದೆ ನೋಡಾ

ಆನೆಕಲ್ಲಿನ ಹನಿಯನು ಸುರಿಸಿ ಎಲ್ಲರ ಬೆಕ್ಕಸ ಬೆರಗುಗೊಳಿಸುತ
ವರ್ಷನ ಹರ್ಷದಿ ಮನವದು ನಲಿಯುತ ಒಲವನು ತಂದಿದೆ ನೋಡಾ..!!

-

ಎದೆಯೂರಿನ ವೇದಿಕೆ ಸಜ್ಜಾಗಿದೆ ದಿವ್ಯ
ಭಾಷಣವ ಪ್ರಸ್ತುತಪಡಿಸಲು ಗೆಳೆಯಾ|
ಸದೆಬಡಿಯದೆ ನಿಂತು ಕೇಳಿಸಿಕೊ ಭವ್ಯ
ನುಡಿಗಳನು ಪ್ರಸನ್ನಪಡಿಸಲು ಗೆಳೆಯಾ||

ಅವನೊಲವು ನಿತ್ಯ ಮಿಡಿದಿದೆ ಹೃದಯದಿ
ಉಸಿರುಸಿರಿಗು ಚಣಚಣವು ಸೌಮ್ಯದಲಿ|
ಅವನಿಯ ಒಲವಿನ ಮಂಟಪ ನವ್ಯತೆಯ
ವಿಧಾನವ ಪ್ರಚುರಪಡಿಸಲು ಗೆಳೆಯಾ||

ದೃಕ್ಸಹಸ್ರ ನೋಟದಿ ಮಿಂದಿದೆ ಬೃಹತ್
ಮೇಳದ ಕಂಪುನಿಂಪಿನ ಪ್ರೀತಿಯದು|
ಚಕ್ಷುಷ್ಯ ಹೃದಯ ಸಾಮ್ರಾಟನ ಕೀರ್ತಿಯು
ನಿರಂತರ ಪ್ರಗೀತಪಡಿಸಲು ಗೆಳೆಯಾ||

ಪ್ರಜ್ಞಪ್ತಿಯ ಜೊತೆ ಮುನ್ನಡೆವ ವ್ಯಕ್ತಿತ್ವವು
ಅನವರತ ಸೌರಭದಲಿ ತೇಲುತಿಹುದು|
ತಜ್ಞನಾಗಿ ಬಿತ್ತರಿಸುವ ಹೊಸತು ವಿಷಯ
ಎಲ್ಲೆಡೆ ಪ್ರಕೃಷ್ಟಪಡಿಸಲು ಗೆಳೆಯಾ||

ಅಭಿಯ ಅಂಗಳದಿ ಮಾತಿನ ಹರಟೆಯ
ಪ್ರಕರ್ಷತೆಯಿಂದ ಮೌನವು ಮಾತಾಡಿದೆ|
ನಭದಲಿ ಹೊಳೆವ ತಾರೆಗಳ ಚಿತ್ತಾರವ
ಬೆಳದಿಂಗಳಲಿ ಪ್ರತೀತಪಡಿಸಲು ಗೆಳೆಯಾ||

-

ಮೌನತೇರಿನೊಳಗೆ ಮನವು ಕ್ಷಣಕ್ಷಣವು
ಧಾವಾಂತವಾಗಿದೆ ಬಂಧನ
ಧಾರ್ಷ್ಟ್ಯದ ಹೆಜ್ಜೆಯೊಂದಿಗೆ ಮುನ್ನುಡಿ ಬರೆದು
ಏಕಾಂತವಾಗಿದೆ ಬಂಧನ||

ಕಡಲೂರಿನ ಆಂತರ್ಯದಿ ಮುತ್ತುರತ್ನಗಳ
ನಿರ್ಮಳತೆಯು ಸೊಗಸಾಗಿದೆ
ಕನಸನೂರಿನ ನಕ್ಷತ್ರಗಳೊಂದಿಗೆ ಬಿಗಿದಪ್ಪುತ
ಮಾಯವಾಗಿದೆ ಬಂಧನ||

ಬದ್ದವಣದ ಆಕರ್ಷಣೆ ಹಸಿರ ಹಾಸಲಿ
ಮೈದುಂಬಿ ನಿಂತಿದೆ
ಕೇಳುವವರಿಲ್ಲದೆ ಅನಾಥ ಪ್ರಜ್ಞೆಯ ದಾರಿಗೆ
ದುಃಖಾಂತವಾಗಿದೆ ಬಂಧನ||

ಹೃದಯದ ಬೋಗುಣಿಯಲಿ ಪಚ್ಚೆ ಪೈರಿನದೆ
ಖುಷಿಯಾಗರದ ಘಳಿಗೆಯು
ಕಾಡುತಿರುವ ಚಿಂತೆಗಳಿಗೆ ಉತ್ತರವಿಲ್ಲದೆ ತನು
ದೃಷ್ಟಾಂತವಾಗಿದೆ ಬಂಧನ||

ದೃಶ್ಯಕಾವ್ಯದ ರಸಮಂಜರಿಯಲಿ ಬೆರತ
ಯೋಚನಾಲಹರಿಯ ಪರಿಯಿದು
ಅಭಿಜ್ಞಾಳೊಳಗೆ ಕೊರೆದ ಯಕ್ಷ ಪ್ರಶ್ನೆ ಇಂದು
ಸುಖಾಂತವಾಗಿದೆ ಬಂಧನ||

-

ಅಂತರಂಗದ ಸ್ವಚ್ಛ ಕಾರ್ಯವು ಸಾಗುತ
ಶುದ್ಧವಾಗುತಿದೆ ಮನವು|
ತಂತುವಿನಲಿ ನುಸುಳಿದ ಕೊಳೆ ತೊಳೆದು
ಬದ್ಧವಾಗುತಿದೆ ಮನವು||

ಸಲಿಲದ ನಿರ್ಮಲತೆ ಒಳ ಹೊಕ್ಕಬೇಕು
ನಿರ್ಮುಕ್ತಿಯ ಸಾಧಿಸಲು|
ಕಲಿಕೆಯಲಿ ಸಂಸ್ಕೃತಿ ಸಂಸ್ಕಾರ ಪಡೆದು
ಧೃಢವಾಗುತಿದೆ ಮನವು||

ತನುವಿಗೆ ಅಂಟಿದ ಪಾಪವ ಸರಿಸುತ
ಸದ್ಗುಣನಾಗಿ ಬೆಳೆಸುವುದು|
ಕನಸದು ಕಾಣುತ ನನಸನು ಮಾಡುತ
ಸಿದ್ಧವಾಗುತಿದೆ ಮನವು||

ಭವದ ರೋಗಗಳ ತೊಲಗಿಸಿ ನಿಮ್ಮಳ
ವಿಶಾಲಭಾವ ಪಡೆಯುತಿದೆ|
ನವ ಚೈತನ್ಯದಿ ಆಂತರ್ಯವ ಸೇರುತ
ಸ್ಥಿರವಾಗುತಿದೆ ಮನವು||

ಗುಡಿಯ ಪೂಜೆಯು ಅಭಿಜ್ಞಾಳ ಅಂಗಳದಿ
ಸ್ವಪ್ರೇಮದಲಿ ನಡೆಯುತಿದೆ|
ಕುಡಿತದ ದಾಸದಿಂದ ಬಾಹ್ಯವು ಕೆಡಕಿಂದ
ಶಾಪವಾಗುತಿದೆ ಮನವು||

-

ಜಗದ ಬೆತ್ತಲೆ ಮುಚ್ಚಲು ನಭಕೆ ಅರಿವೆ
ಬಯಸಿದೆಯಾ
ಮನದ ತಮವ ಅಳಿಸಲು ಸುಜ್ಞಾನದ
ದೀಪವ ಕೇಳಿದೆಯಾ|

ನಾಡಿನಲಿ ಬೇರೂರಿದ ಮೌಢ್ಯತೆ ತೊಲಗಿಸಲು
ತಮೋಘ್ನರನು ನೆನೆಯುತ|
ಗಳಿಮೆ ಗರಿಮೆಯ ಹೆಚ್ಚಿಸಲು ಕೌಶಲ್ಯಭರಿತ
ಮಾರ್ಗವ ಅರಸಿದೆಯಾ|

ಕುಶಧಿ ಅಲೆಯ ಆರ್ಭಟವದು ತೀಕ್ಷ್ಣವು
ಮತ್ತೇರಿದ ಸಲಗದಂತೆ
ಒಣಗುವ ಬೆಳೆಯ ಗಟ್ಟಿತನ ಉಳಿಸುವ
ರಹಸ್ಯವ  ಯೋಚಿಸಿದೆಯಾ|

ಮಿನುಗೊ ತಾರೆಯ ಚಿತ್ತಾರದ ಸೂಕ್ಷ್ಮತೆಯಲಿ
ಮುಳುಗಿದ ನವಜೋಡಿ
ನಿರುತದಲಿ ವಿರತಿಯ ನೋಡಲು ಬೇಕಾದ
ಪುರಾವೆ ಹುಡುಕಿಸಿದೆಯಾ||

ಅಭಿಜ್ಞತೆಯ ಪಾಂಡಿತ್ಯದಿ ಸ್ವಾರಸ್ಯದ ಸಾರಾಂಶ
ಕಾಣುತಿರಲು
ಮೇಲು ಕೀಳೆಂಬ ತಾರತಮ್ಯವ ದೂರಮಾಡುವ
ಪ್ರಯತ್ನವ ಮಾಡಿಸಿದೆಯಾ||

-