మనసు లోన
తలపు వాన
కురిసి గీతికయ్యింది!
పదము కదల
యదలు మురవ
వెరసి వీణ మోగింది!!

-

విరిసిన సుమమా
కురిసిన హిమమా
తాకిన నీవూ పరిమళమా
తలిచిన గుణమా
మొలిచిన వనమా
ఎదిగిన నీవూ పావనమా

-

అలా ఉంది
(Please read in caption)

-

తిలకం దిద్దుకు
జెండా నెత్తుకు
కదిలే భారత యువతంతా
నెత్తురు నొంపుతు
సమరము సలుపుతు
త్యాగము చేసే బ్రతుకంతా

-

మమతల మనమా..
కలతల వనమా..
ఎందుకు? నీవూ నూతనమా.!
కవితల స్వరమా..
కదిలిన కలమా..
ఏమిటి? నీవూ చేతనమా.!!

-

కోకిల ధ్వనిలా..
మురళీ లయలా..
పిలుపే ఏదో కదిలెనలా.!
పొంగిన నదిలా..
అంగన హృదిలా..
వలపే లోలో నలిపెనెలా.!!

-

వినవే మనసా
వేదన నడుమా
వనమున వెదురై పడి ఉండి
సాధన ఫలముగ
వేడుక కదలగ
కృష్ణుని వేణువు నేనయ్యా

-

ఎదురై శిశిరం
తోడై పవనం
జీవన శోభను బాపెనుగా
వచ్చిన ఆమని
పచ్చని దారిని
జీవన పథముకు చూపెనుగా!!

-