#1000

கவிதை
முழுமையும்
கீழே

-

மூன்று பங்கு நீயும்
ஒரு பங்கு நானுமாய்
வேண்டும் - ஓர்
காதல் சூழ் உலகு!

-

கைக்கு எட்டியது வாய்க்கு எட்டவில்லை
வாய்க்கு எட்டாத தூண்டில் புழுவால்
வாழ்நாள் நீண்டது மீனுக்கு

-

சாவி இருக்கும் போதும்
சில பூட்டுகள்
திறக்கப்படுவதில்லை!
சாவி கனமா
பூட்டு கனமா
என்ற கேள்விளூடே
கனத்திருப்பது
திறப்பவர் மனது!

-

மரமாக இருந்தபோது
அமர்ந்திருந்த குருவியை
எதிர்பார்த்து
சன்னல்வழி
பார்த்திருந்தன
அந்த கான்கிரீட்
கட்டிடத்திற்குள் இருந்த
மேசையும் நாற்காலியும்

-

மின்சாரத்தை
கடத்தும்
காற்றை,
மின்கடத்தா
பொருள்
பட்டியலில்
ஏன் வைத்தார்கள்?

-

கன்னங்களில் முத்தமிடும்
மழலையும்
கால்களில் முத்தமிடும்
அலையையும்
நினைவுகளில் முத்தமிடும்
முதல் காதலையும்

-

உன் அழிச்சாட்டியங்களை
சகித்துக் கொள்ளும் மனதுக்கு
உன் மௌனங்களை
மொழிபெயர்க்கும் அளவு
துணிவில்லை!

-

படம் பிடிக்கப்பட்ட
புகைப்படத்தில்
சிறைபிடிக்கப்பட்டது
பூக்களின் புன்னகை

-

மழைக்கு கிடைக்கிறது
தேங்கியிருக்கும் சாக்கடை
உபயம் தார்ச்சாலைகள்

-