#प्राक्तन #माझे #लिहू #पाहते!

कभिन्न काळ्या काळपटावर,
प्राक्तन माझे लिहू पाहते...
विषण्ण जीवन तुझ्या तटावर
घटाघटांतुन जणू वाहते...!
स्वप्न होऊनी आशा फुलते,
आकाशीचा कंदिल रंगित...
प्राणदिव्याची ज्योतहि झुलते,
नादमयी श्वासांचे संगीत...!
काढिन म्हणते सुंदर नक्षी,
विश्वाच्या विस्तिर्ण अंगणी...
जिथे कीर्तनी रंगून गेले,
ज्ञाना,नामा,दास रंगणी...!
भाळावरती टिळा पुरे जो,
बदलून टाकील प्रारब्धाला...
या मातीचा स्पर्श पुरे जो,
अर्थ देतसे तो जगण्याला..!
( #वृत्त- #वनहरिणी, #गोदातीर्थ)

-