Ha ab yahi logo ka sach hai

Ki vo sach kehte hi nahi

Aur ki galtiyo ko dhundh ne me gum 

Is duniya me khud ki galti dekhte hi nahi

Banana chahte hai kisi ko apna puri tarha

Per kudh puri tarha kisi ke hona chahte bhi nahi….
--Mahak

-

Kyu ked hai apne vicharo me

Tu inka karzdar nahi,

Is Duniya ki rasmo ka

Tu akela gulam nahi,

udh kar to dekh ek bar o parinde

Teri soch ke asmano ka

 koi bhi chokkidar nahi...

-

Rokte the door jane se jo
Vahi door jane ki vajha ban gaye
Waqt ki shararte to dekhiye
Yha her Rishte badal gaye,

Khoaf jo zamane ka diya karte the
Vahi aaj khoaf ki vajha ban gaye
Waqt ki shararte to dekhiye
Yha her Rishte badal gaye,

gurur ,maan ,samaan the kal jo
Aaj mere rooh ke daag ban gaye
Dekhte hi dekhte jane kese 
Ye Rishte itne badal gaye….

-Mahak

-

Hume raaz Mohabbat k samjh nahi ate hai,

Akasar log gumraha ho jate hai,

Katal to usne meri rooh ka kiya hai,

Log dil tutne ki duhaai lagate hai…

-

Zindagi ko chota samjhti rhi ab tak
Per Samander ko dekh soch rahi hu main,

Khatm to hona hai kisi kinare per
Usi kinare ke liye ab lahero ke sang chal rahi hu main,

Pani ki awaz me dil ka shor bhula kar
Pathro se takra rahi hu main,

Chand ki roshni se chamkate hue pani main
Apna ashk dekh muskura rahi hu main,

Kitna shaant ho jata h ye samander bhi ek pal ke liye
Bs zindagi ko yhi keh ker jine ja rahi hu main….

-

Chal rahe sab ek hi raha per
Manzil ka jaha kisi ko pta nahi
Humsafar bhi bangye vahi
Jo chal diya saath uhi

Jee bhi rahe hai ye log yha
Ya inke jism hai bas rooh nahi
Dekh rahe hai ye sab
Per ab karte kuch mehsus nahi

Azaadi mili zindagi me to
Samaye ke gulaam ho gaye
Eksi bhid me chalte chalte
Ye khood ki pehchaan bhool gye

Chal rahe sab ek hi raha per
Ye apni hi zindagi ke armaan bhool gye...

-

Ho chala sab kuch purana sa jab
Bas ye yaadein her waqt nayi si hai
Kuch log reh gaye vhi raste me
To kuch modh pe mili awaze nayi si bhi hai

Jane ab kya raho pe milega hume
Isi baat se maji khalbali si hai
Andaaz badal gaye milne ke ab khud se
To khi dil me shabdo ki sansani si bhi hai

Beetne nahi denge waqt uhi ab 
Yhi soch me Kranti nayi si hai
Saath hai sikh bhi purane salo ki
To kuch naye saal ki hawa aladhpan si bhi hai...

-

Mera ishq mohtaaj nahi zamane ki
azmaish ka

Ye zamana to her girne wale ko
sharabi kehta hai.

-

Kuch lafz keh rahe hai
Kuch ehsaas keh rahe hai
Dard is shetaniyat ka ab to
Bezubaan keh rahe hai

Insaniyat nahi mil rahi yha
Aur log janwaro ko insaan keh rahe hai
Sadhu ko chor aur chor ko sadhu keh rahe hai

Sach to ab bikta hi nahi
Isliye jhoot ko Insaaf keh rahe hai
Is duniya me bolne walo ko pagal aur
Nishabd Murti ko bhagwaan keh rahi hai

Dard is shetaniyat ka ab to
Bezubaan keh rahe hai....

-

Hai dard mujhe ya sukun, pta nahi

Khud se hu karib ya door, pta nahi

Uljhane itni hai ab soch me meri

Hongi rubru khud se Kabhi ya nhi, pata nahi

Haa hasle zamana halat pe meri 
Unhe is halat ki vjha jo ,pata nahi

Karte hai jo hume janne ke dawe hazaro
hume vo jante hi nahi the abhi tak
Uhne ye pata nahi.....

-