I MEI
NGA KSAID HAPOH JONG PHI
KYNJAT, KA KJAT KA KTI
LADE SHABAR PHI UD
DA SUR JEMNUD; PANGNUD.

KHYNDAI-KI BNAI BAPHER
PHI KIT KYNDUNG IA NGA
'TIEN KHÑIUM,'TIEN SNIEW PHIM THER
PHI RI KYNDONG IA NGA.

BLUIT NGA MIH SHA PYRTHEI
MYNSIEM JONG PHI KA SHLEI
IA NGA PHI PEIT PHI KHMIED
DA MYNSIEM, DAP JINGIEID.

IA NGA PHI PEIT PHI JNGOH
SUMAR, PYNHEH PYNSAN
KTIEN SNENG KTIEN KRAW PHI AI
LONGBRIEW JONG NGA BAN SHAI.

PHI LONG I BA IAISHAH
BAN DUH IA PHI NGAM KWAH
PHI LONG KORDOR SHISHA
PALAT IA KSIAR NYLLA.

BAN SIEW KYLLIANG IA PHI
KATA BAN KREN RUH JNGAI
TANG DA JINGLONG TIPSNGI
KO MEI HA PHI NGAN AI.

-

Ïa la ka jingim bunsien
Nga pyn wandur sha kiei kiei
Kiba nga iohi tang da ki khmat
Ba ki ïaid ki im kiwei;
Ah nga u ba biej nga tei ïing halor u shyiap,
Nongrim ba skhem nga khlem tih,
Nga kyrkieh ban pyn itynnad,
Nga long uei, mynsiem ka noh shano,
La tynrai ba shisha nga khlem wad,
Tad ynda ka wan ka jingshai na lyndet,
Ba phalang ia ka jingdum ki jingpyrkhat,
Ki rta kiba nang tyllun hi ïanga shata ki ñiat,
Nga shem pat ialade la ka nongrim ba shisha,
Jingshemphang pat ki kner shajrong nang kiew irat.

Ban shlur hala ka jinglong,
Ban ieid shisha la ka malade,
U Blei u ïohi ka dohnud ba dem duwai
Ryngkat ka bor ban pynkhamti u wan syrpai,
Ki sei lung biang ki symbai jong ka sap,
Ha ka jingim ba mutlop kiba la shah kjap.

-

U BNAI
Hala rympei marwei
ba u kynjah tmang.
Ka dohnud ka shlei
da ka sawangka,
bad ki biria iathuh khana.
Ba u khlem shym ioh
ban phla ha ka.

Ha iathuh seh ia nga,
balei sha kumne ia me?
Ha rngai jong ki lyoh
ka pyrkhat ba me jngi.
Haleh mano ba lah rong noh
ka pyrkhat pyrdaiñ na me?
Naduh ba ka Nam ka phet noh
haba u jynroh u wan rong noh
na ka ri ki sahit bneng.

Katba ma me dyngngur
ha sahit bad ki lyoh
shu i sngewsih marwei.

-

Ka Khlam

Hapdeng jingim kaba kmen bad palei
Kaba dap suk jai khlem khuslai eiei
Kynsan kynsan ka la wan ban lynshop
ka khlam jingpang ka da trei hi thop

Kam tieng kam riej ka syllad lut naphang
Ia U rit ne U khraw ka tur khlem sang
Ka dkhat ruh wat ia ka jingim U briew
Ym don jingmap ne ka dawai ban siew

ka jingkitkhlieh kadei ia phi ia nga
Kumno ngin shim ia ki lad jingiada
Ka stieh ka wait ba ngin pyrshah
kyndon sorkar ngin bud kum ba la bthah.

Ka jingdeng mask kadei kawei ba donkam
Ba kane ka khlam kan nym lah ban ksam
Ka jingieng pajih bad ka jinglehkhuid
kane kan pyllait bad ngin im laitluid

ka jingkawang ktieh bad ka jingniew bein
Da leilei ngin ym shah ban ia pein
Mynsiem ka jingieid to ai kan iai shlei
Namar jong ki ba ngin pyni kadei

Ki sngi ki tyllun ki jingeh ngi mad
ka lashai ka ap khmih ban plie ka lad
H'u Nongthaw ngin aiti bad ap kyrmen
ka jingjop ngin ioh bad to ai ngin kmen.

-

Hapdeng ka jingkahdum jong u lyoh,
Jingiaishah ruh ka sdang ban noh.
Jingkylli na jingmut jong ngi ki mih,
Ah! Hato shisha U Blei,ia ngi U la isih.

Hynrei mynsiem Khristan pat ka satar,
Tang ha U Blei ngi shaniah ka jingbishar,
Jingtieng da jingngeit ngin beh sha jngai
Jingshaniahskhem tang ha U ngan ai..

Nga tip U Blei ia nga yn nym iehnoh,
Lada ha U nga iai snoh.
Shisha la jingpang ne jingthngan ha nga ki wan,
Ngan hun ngan tur shaphrang sha U ngan nang kham jan...

Ko! Paralok ko! Parajor kiba iohsngew da la, ki jong ki skhor,
Ka ktien U Blei kam ju shukor.
Kular jong U ki long ba shisha
Halleluia! Ia kyrteng jong u to ngin phla.

-

Ka khubor MP
Ngin ap sa tang khyndiat sngi
Mano ba jop mano ban rem
VPP, NPP, INC ne independent.

Election ka la win
Jingkular minister ngi sngew bunsien
U khaw shini kam don dor
Ka kiad ka la tad dor.

Sangeh noh ka jingiakdew kti
Baroh kito ba kyrshan party
Wanphai sha jinglong kawei
To ri kyndong ia jinglong tipbriew tipblei.

-

Janmiet Sngewthiang

Marwei ba nga ieng hala i phyllaw,
Ryngkat ka jingsep ka sngi kaba saw;
Hangta la u khaw nga ieng ba ngan peh,
Ia u stait ko lyer nangne to wan beh.

Jingrwai ba sngewthiang hangta nga kynud,
Jingtynnad ka sngi ban sep nga bynnud
U ksew ha phalor u dem ruh lyngngai,
Ban jahthait ialade u thiah sadhai.

Sim bneng ruh ki rwai ki sur kiba thiang,
Ban long te kum phi katno ba nga sliang;
U syiar ruh de u kyn-kok, u kyn-ih,
Ban puh ia u khaw na sem ba ki mih.

Jingsep jong ka sngi ka don laka daw,
Ka bor jong u Blei hangi ban pynpaw
La duk ne riewspah ngim dei ban ibeiñ,
Ba sngi jing bishar ngin hap ai jingkheiñ.

-

𝙹𝚒𝚗𝚐𝚒𝚖 𝙿𝚢𝚛𝚝𝚑𝚎𝚒

Pyrthei ba tang shiteng por,
To im da jingñiewkor.
Tei ia ka lawei babha,
Ka burom kan bud ia phi shirta.

Kynmaw ia U Blei,
Katba dang im ha pyrthei.
Ma U ba tip,ma U b'la bsuh,
Jingim bad ka lawei..

-

Ka jingim Thoh Dak

Ka jingim jongno ba khlem thoh dak?
Ka jingim jongno ba la thoh dak?
Khyndiat to ngin ïanujor,
Mano ba kham itynnad?

Ka jingim khlem ki jingïaleh,
Ka khuid kum ka kot sada;
Hato kan itynnad seh?

Aïu ban thoh bad ban khana?
Mano ban peit ïa kaba thylli bad suda?

Ka jingim ba thoh dak,
La sdang na u dieng sympat;
Ki ban sah kynmaw haduh da ïap.

Ka dur ba la dro da u dak saw ne u dak ïong,
La khleh lang sa ki khat-ar rong.

Teng teng la beit hi siak,
Teng teng la noh hi liak,
Haba ngi ïai dro haduh bakut
Jingim kan sa hun hi jrut.

Ïai dro kat dang don ka por;
Ban ïoh ïa ka dur baremdor.

-

Ka Miet ba Jaijai

Ha kane ka miet ba jajai,
To ai ba baroh kin thiah suk kynjai;
Klet noh ki jingeh ki jingkhuslai,
To U Blei un ai jingkyrkhu kyrhai.

Ko Angel Bakhuid to ker to da ïa ngi,
Ko Mynsiem Bakhuid to btin lynti;
Ko jingphohsniew to wanshaw ïa ngi,
Khnang ba ngin lait na ka byndi.

To pyllait noh ïa ngi shiteng lynti,
Ynda poi ka step ngin dup lah khie;
Nga tip ïa kane phi khlem ïohi,
Namar sha ka jingphohsniew phi la ready.

-