Quwadeyda maahee
Qaaliyeey hadaan karo
Murugta aad qosolkiyo
Ku qarineeso dhoolaha
Soow kaama qaadeen

-

Samaan mooyee abid
Xumaan kugu saluugaba
Maan saarin dhaayaha
Sihaamey waxaa tahay
San ku neeflahoo idil
Anshax tii u sidatee
Quruxdana sadkaagii
Waxaa kuu siyaada ah
Dhaqankeena suubane
Gabar adiga kula siman
Hadaan uurka lagu sidin
Maba saarno dunidee
Dhigaa ugu saree abid

-

Kaftankaaga dheeshiyo
Kartidaada dhamideed
Ayaan kugu jecleeystee
Kaalay aan dalxiisnee
Muqdishana kol gaarnee
Nolol aan kadeed wadan
Ku dakeeno guur wacan
Jaceylkeenuna ahaa kor

-

War Nacasoow jaceyloow
Nuxuusiyoow dilaayoow
Markaan nabar bogsiiyaba
Sii nusqaami mooyee
Naxariis miyaad garan?

-

Ma abaalkey baa     Adoo iga maqan
Oo Warba ii heyn     Umulka caashaqa
Intuu igu dhigay      Inaad jees jees
Iga har walaal          Oo iloow wixii
Riyay ahaayeen       Kulli igu tiraah?!

-

Jaceyl dhaba hubaashii
Dhibaatiyo ma wayaaba
Wax dhantaala abidee
Adiga uun dhankaaga
Caashaqa ha dhaawicin

-

Waan dhisi intaad tiri
Ee dheeliyaa badan...

-

Ifka jannada taaliyo
Waa nolol jaceylkuye
Miyaan jawharad iyo
Jawaan lacaga siistaa?

-

Doob wali adoo ahoo
Daar rageedna aan galin
Inaan kala dayoownaa
Dar Alle ma daw baa?

-

Haddii aan quruxdaada
Qunyar aan amaaniyo
Eray aan ku qeexoo
Sidii qaanso roobaad
Qorax sii dhaceysoo
Iftiinkeeda qeebsamay
Dhirtoo wada qoyaana
Sideedaad qureysheey
iL qaboowsi leedahoo
Xilo qeyr qabtaa tahay

-