Wuxuu Eebbe kuu qoray
Sinna looma waayee
Inta aanad waayaha
Waqtigaaga eedeyn
Sii filo wacnaantoo
Intuu waqalku kuu di'in
Weelasha usii dhigo...

-

Nin ku yiri "wuxuu yiri"
Waxaad tirina wuu yiri,
Waayahay hadaad tiri
Adigaa walhadayoo
Dhabbihii wacnaa iyo
Samihii ka weecdaye
Wiiqmay aniga hay oran
Waayaha adduunyadu
Markeey kula wareegaan

-

Hadaad dhaayo leedahay
Loo dhameeyay aragtida
Dhimirkaagu taam yahay
Waxeey dhagtu maqashiyo
Dhambaalada laguu diray
Dhabta maxaad u moodaa?

-

Waxaan doonayaa adi
Inaan daarta Aakhiro
Janno kula dagaa abid

-

Dhagahaanan waanada
Maqal een dhageeysanin
Madaxeey ku dhaganyihiin
Marka laba cad loo dhigo
Dhankiiseey la soo go'i
Talada madaxu soo dhiso
Ma dhageeysanayaan
Dhibta hadhow timaadiyo
Dhiilo qaadi maayaan....— % &

-

Quwadeyda maahee
Qaaliyeey hadaan karo
Murugta aad qosolkiyo
Ku qarineeso dhoolaha
Soow kaama qaadeen

-

Inkastoon cataaw
Caro badan qabo
Ma cad goostee
Cafis iga gudoon

-

Ehel baad u tahay sharaf
Magac iyo isir habboon
Udug baad u tahay nolol
Iyo ileys kaahoonan damin
Farax baad u tahay udub
Iyo tiir adag oonan jabin
Astaan baad u tahay qurux
Iyo xishood iyo asturnaan
Inkastood qof qura tahay
Anaad ii tahay adduun

-

War Nacasoow jaceyloow
Nuxuusiyoow dilaayoow
Markaan nabar bogsiiyaba
Sii nusqaami mooyee
Naxariis miyaad garan?

-

Caqabadaha noloshana
Cashar weeye mudanoo
Lagu dhigin culuumtee
Wax ka baro culeesyada
Cabashana ka dheeroow

-