Ishq alfazon mein kaise bayan kare?
Aap duniya ho meri
Mere khuda aap ho...
Aap se he hain hamari shakshiyat,
Aap hi meri puri kaynaat.
Khaakh mein ummeed talash raha hoon ab...
Kaise kahein, bina saansoon ke jee raha hoon ab!
(MSA)

-

Shikast-e-zindegi ki daastaan-e-bulandi suno...
Mukammal shayari mein bhi kamzor
lehza suno!
Durust tabiyat ke hum maalik,
Fir bhi dil-e-nadaan ki
Nakaam aarzo suno!!!
(MSA)

-

Ibadat mein shikast,
Barha wohi gustakhi...
Ilteza bhi meri unhone na maani,
Aisi this apni aarzo-e-khalish...

Gumnam unki kaynaat se ruksat hua,
Khwaish ek aakhri rubaru ki...

Unko khush, unki hoton pe hansi dekh lu,
Phir itminaan hogi kafn ki aaghosh mein!
(MSA)

-

Maut se darr ke,
Log zindegi ke faisle lete hain...
Aur hum hain jo,
Zindegi se darr ke maut ka faisla le baithe!
(MSA)

-

Akela rahe gaya - marzi nahi majboori thi.
Akela rahoonga - majboori nahi yeh faisla hain!
(MSA)

-

Barson ke khaakh mein bhi na khoi khusboo uski,
Aisi thi woh dastaan-e-jazbaat!
Abke saal ka yun hain kissa,
Ki kal ke afhsaane bhi khaakh ho gaye!!!
(MSA)

-

Hanste hanste qurban kar doon,
Meri har khushi teri ek hansi ke liye...

Mere bikhre hue ummeedon ki kasam,
Ek vaada aakhiri dum tak nibhayenge!

Mere wafa ki dor itni paak hogi,
Teri har bewafai dhundli ho jayegi!
(MSA)

-

Muskurata hoon hamesha,
Fayda hota hain...
Bhale toota ho dil hamara,
Log sawal to nahi poochte haal ka!
(MSA)

-

Nahi hota aur...
Chale itni door ek safar mein,
Ke lautna nahi hota aur.
Daastan mein aeb hain itne,
Ke ab fir aghaaz nahi hota aur.
Kismat pe yun chod diye anjaam-e-manzil,
Ke ab himmat-e-koshish nahi hota aur!!!
(MSA)

-

Ravayat-e-duniya aur dastaan-e-ishq mein,
Farq bas faqt itna hain...
Ek mein,
Ummeed hi mukammal daman,
Dooje mein,
Zeenat-e-gustakhi...!!!
(MSA)

-