சிந்தனையில் இன்று
ஔவையார்..!!

-

தாயிற் சிறந்ததொரு கோயிலும் இல்லை...

தெய்வமே குடி இருக்கும் இடம்
அன்னையின் உள்ளம்....
அனைத்து வளம் பெற,
அவளை‌ வணங்கிடு....

-

திரைகட லோடியும் திரவியம் தேடு

வாலிபம் இருக்கையில்
வாய்ப்புகள்  அமைத்து
உலகை அளந்து 
பொருள் ஈட்டிடு....

-

மோனம் என்பது ஞான வரம்பு

வார்த்தைகள் அற்ற மௌனம்
மிகச் சிறந்த ஞானமாகும்

-

சான்றோர் என்கை ஈன்றோட் கழகு...

கோடிகள் ஆயிரம்
இருந்தால் என்ன
அன்னையின் மகிழ்ச்சி
பிள்ளையின் பெருமையில்....

-

தந்தை சொல் மிக்க மந்திரம் இல்லை

தெய்வத்திற்கு நிகராம்
தந்தை..
வாழ்வின் வழிகாட்டி...
அவர் வாக்குகள் எல்லாம்
நல் வாக்கே...
என்றும் அளிக்கும் செல்வாக்கே...

-

சந்ததிக்கு அழகு வந்தி செய்யாமை...

வம்சம் தழைக்க
உறவுகள் சிறக்க
தலைமுறை தொடர
மக்கட்பேறு அவசியம்...

-

வளவன் ஆயினும் அளவு அறிந்து அழித்து உண்

அரசனுக்கு இணையான
செல்வமே இருந்தாலும்
வரவும் செலவும்
கணக்கில் வைத்திடு.....

-

நெஞ்சை யொளித்தொரு வஞ்சக மில்லை

மறைத்து செய்யப்படும்
தவறுகள் எதையும்
மறைத்திட‌ இயலாது
மனதிடம் இருந்து...

-

பிறன்மனை புகாமை யறமெனத் தகும்

கொண்டவளை
கண்ணுக்குள் 
கொண்டவர் ...
பிற பெண்களை
கண்ணெடுத்தும்
பாரார்....

-