"ଆରେ ଲତା,କୁଆଡେ ଡବଡବ ହେଇ ପଳେଇ ଯାଉଛ ମ?",କୃଷ୍ଣା ପଚାରିଲେ ।
ଲତା ଦୀର୍ଘଶ୍ୱାସଟେ ଛାଡ଼ି କହିଲେ,"କ'ଣ ଆଉ କହିବି ଭାଉଜ!! ବୋହୂଟା ପୁରା ମୋ ପୁଅକୁ ବଶ କରି ସାରିଲାଣି।"
ପ୍ରାୟ ପନ୍ଦର ମିନିଟ୍ ଧରି ଲତାଙ୍କର ଅଭିଯୋଗ ଶୁଣିବା ପରେ କିଛି ସ୍ମୃତି ଭାସି ଉଠିଲା କୃଷ୍ଣାଙ୍କର ଆଖି ପଲକରେ ।
ଯେତେବେଳେ ଲତା ଶାଶୁ ହେବା ଆଗରୁ ବୋହୂଟିଏ ଥିଲେ,ପ୍ରତିଦିନ ନିଜ କଲୋନୀର ମାଇପିମାନଙ୍କ ଆଗରେ ନିଜ ଶାଶୁଙ୍କର ନିନ୍ଦା କରି କହୁଥିଲେ ଯେ ସେ କୁଆଡେ ଲତାଙ୍କର ସ୍ଵାମୀ ମାନେ ତାଙ୍କ ପୁଅଙ୍କୁ ବଶ କରିକି ରଖିଛନ୍ତି ।
"କ'ଣ ଭାବୁଛ କି ହୋ??", ଲତା ଟିକିଏ ହଲେଇ ଦେଇ ପଚାରିଲେ କୃଷ୍ଣାଙ୍କୁ ।
କୃଷ୍ଣା ଅଳ୍ପ ହସିଦେଇ କହିଲେ,"ତମେ ମନ ଦୁଃଖ କରନି।ଯିଏ ଯାହା କରିବ,ତା'ର ଫଳ ପାଇବ।"
ପରେ ପୁଣି ଦେଖାହେବା ପାଇଁ କଥା ଦେଇ ଦୁଇଜଣ ସଙ୍ଗିନୀ ପରସ୍ପରଠାରୁ ବିଦାୟ ନେଲେ ।
କୃଷ୍ଣାଙ୍କୁ ଲାଗୁଥିଲା ସତେ ଯେମିତି ତାଙ୍କ ମନ ଭିତରେ ବାଜି ଉଠୁଛି ଟେଲିଭିଜନର ସେ
"କ୍ୟୁକି ଶାଶ୍ ଭି କଭି ବହୂ ଥି" ଗୀତଟି ।
-