രണ്ട് പേർക്ക് ഇങ്ങനെയും പ്രണയിക്കുവാൻ സാധിക്കുമോ.. ഉപാധികൾ ഒന്നുമില്ലാതെ..
അതെ! എല്ലാവർക്കും ഒരുപോലെ "പ്രേമനഗര" ത്തെ ഉൾക്കൊള്ളുവാൻ കഴിഞ്ഞെന്ന് വരില്ല.
നോവൽ വായിച്ച് തീരുമ്പോൾ മനസ്സിൽ ഒരു വിങ്ങൽ അവശേഷിക്കുന്നു..
ജീവിതത്തിൽ ഒരിക്കൽ എങ്കിലും പ്രണയിക്കുവാൻ കഴിഞ്ഞിരുന്നെങ്കിൽ എന്ന് ആശിച്ചു പോകുന്നു..
എന്നാൽ ഒന്നാലോചിക്കുമ്പോൾ എല്ലാത്തിനോടും മനുഷ്യന് പ്രണയം തന്നെയല്ലേ!
അല്ലെങ്കിൽ പിന്നെ ജീവിതം മടുത്ത് പോകില്ലേ....

"ഇനിയൊരിക്കലും ഒരു ഋതു പിറക്കില്ലിതുപോലെ നാം പരസ്പരം തൊട്ടമാത്രയിൽ പൂത്തുലഞ്ഞ പ്രപഞ്ചമെന്നപോൽ"

-

അരികെ നിന്നവർ അകന്നുമാറും
ആരും കൂട്ടിനില്ലാതായ് തോന്നും
ആരെങ്കിലും കൂടെ ഉണ്ടായിരുന്നു-
വെങ്കിൽ എന്ന് മനസ്സും മന്ത്രിക്കും
മിഴിയും നിറഞ്ഞ് തുളുമ്പി ഒഴുകും
ഒരു അരുവി പോലെ ഒഴുകും
ചിന്തകളും ഇളകി മറിയും
കൊടും ചൂടിൽ...
ഒന്ന് കേൾക്കാനായി ആരെങ്കിലും
ഉണ്ടായിരുന്നെങ്കിലെന്ന് കൊതിക്കും
അവസാനം വരെ കാത്തിരിക്കും
ഉറ്റവർ തിരികെ വരുമെന്ന
വ്യർത്ഥ സ്വപ്നവുമായ്.....

-

അനന്തമാം ആകാശവീഥിയിലൂടെ
ചിറക് വിടർത്തി പറന്ന് നടക്കേണം..
വശ്യമാം നിലാവിൻ രഹസ്യമറിയേണം..
ഭൂമിയിലേക്ക് നോക്കുമ്പോൾ
നിന്നെ കാണേണം..
മലയും പുഴയും കാടും കടന്ന്
പറന്ന് പോകുമ്പോൾ..
മഴ തുള്ളികളെ പറ്റിച്ച്
മേഘങ്ങൾക്ക് മേലേ ഒളിക്കേണം..
ആകാശനീലിമയിൽ അലിഞ്ഞ് ചേരണം!

-

പഴയതൊക്കെ ഒന്ന് പൊടി തട്ടി എടുത്തു.. ഓർമകൾക്ക് ഇത്രയും സുഗന്ധമോ!
എന്ന് ആലോചിച്ചും കൊണ്ട് ഓരോന്നായി തുറന്ന് നോക്കി അടച്ചു വെച്ചു..അവയിൽ ഒന്നിനെ മാത്രം നീക്കി വയ്ക്കുവാൻ കഴിഞ്ഞില്ല..
നെഞ്ചോടു ചേർന്ന് ഇപ്പോഴും ഇരുപ്പാ!

-

"ഇടവഴികൾ കടന്നുപോകുന്ന
ഈറൻകാറ്റ് മൂളുന്നു
നാം ഇവിടെ കുറിച്ചിട്ട വരികൾ
നമ്മുടെ സൗഹൃദത്തിൻ സ്വരങ്ങൾ"

-

ജീവിതത്തിൽ നാം പ്രഥമസ്ഥാനം
നൽകിയവർ അകലുമ്പോൾ ,ചേർത്തു പിടിക്കുവാൻ എത്തുന്ന ചില ഹൃദയങ്ങളുണ്ട്; നാം വീണു പോകാതിരിക്കാൻ താങ്ങാകുന്നവർ!
ആത്മാർഥ സ്നേഹമാണെന്ന് തെറ്റിദ്ധരിപ്പിച്ചവരെക്കാൾ എത്രയോ ഭേദമാണ് ഇക്കൂട്ടർ...

-

പ്രതീക്ഷകൾക്ക് ജീവിതത്തിൽ സ്ഥാനമില്ലെന്നു മനസിനെ പറഞ്ഞു പഠിപ്പിച്ചു.
ഒപ്പം പുത്തൻ അവസരങ്ങളെ കൈയ്യെത്തി പിടിക്കുവാനുള്ള പ്രയാണത്തിന്റെ ദിനങ്ങളാകണേയെന്ന് സർവ്വേശ്വരനോട് പ്രാർത്ഥിച്ചു

-

പെണ്ണ് ഒരു ശാപ ജൻമമാണോ ?
സാധിക്കുവാൻ പറ്റാതെ പോയ
ഏറെ ആഗ്രഹങ്ങളുണ്ട്
ഒരിക്കലും സാധിക്കാൻ പറ്റാത്തവ..
അവളിൽ മാത്രമാണോ
കുറവുകളുടെ കൂമ്പാരം??
ഉത്തരം കിട്ടാതെ അലയുന്ന
ചോദ്യപ്രേതാത്മാക്കളുണ്ടിവിടെ
അവരുടെ നടുവിൽ ഞാനും
പേടിക്കണം !!

-

കുറേ നാൾ കാണാതെയായപ്പോൾ പലരും ഓർമിക്കുവാൻ തന്നെ മറന്നു🙂
എന്നാൽ അപ്പോഴും ചിലർ ഓർത്ത് ചോദിച്ചു കൊണ്ടേയിരുന്നു
നീ എവിടെയാണ് എന്നതിനും അപ്പുറം നിന്റെ എഴുത്തുകൾ എവിടെയാ,നീ എഴുതാൻ മറന്നോ എന്നൊക്കെ🤗
പ്രോത്സാഹിപ്പിച്ചവർക്കും പിന്തുണച്ചവർക്കും നന്ദി പറയാൻ ന്റെ അടുത്ത് വാക്കുകളുടെ വിപുല ശേഖരണം ഇല്ലായെ😊
ഒന്നു മാത്രം - ഒത്തിരി സ്നേഹം മാത്രം 💕💞

-

ഞാൻ

-