""ನನ್ನೊಂದಿಗೆ ನನ್ನ ಜೀವವೊಂದೇ""
ಜೀವನ ಪಯಣಕೆ
ಎಲ್ಲರೂ ಅತಿಥಿಗಳೇ,
ಸುತ್ತ ಬೆಳಕು ಅಥವಾ ಕತ್ತಲೆ
ಆವರಿಸಿದರೇ ನನ್ನ ನೆರಳೆ
ಮಾಯವಾಗುವಾಗ,
ಇನ್ಯಾರು ಬರುವರು ನನ್ನೊಂದಿಗೆ,
"ನನ್ನೊಂದಿಗೆ ನನ್ನ ಜೀವವೊಂದೆ ಉಳಿವುದು ಕೊನೆಗೆ"

-

ಕಷ್ಟದ ಸಮಯ ಬಂದಾಗ,
ಇಷ್ಟಪಟ್ಟವರು ದೂರವಾಗುತ್ತಾರೆ.
ಎಷ್ಟೇ ಬಂದುಮಿತ್ರರು ಇದ್ದರೂ,
ನಮ್ಮನ್ನು ಇರುವ ಹಾಗೆ ಇಷ್ಟ ಪಡುವ
ಆಪ್ತರೆಲ್ಲಿ ಸಿಗುವರು...

-

ನಿದ್ರೆಲಿ ಕಾಣೋ ಕನಸುಗಳಿಗಿಂತ
ಈಡೇರದ ಆಸೆಗಳ ಹಿಂದೆ ಬಿದ್ದು,
ಮನಸು ಹಾಳಾಗಿದ್ದೆ ಹೆಚ್ಚು...

-

ಪ್ರಯತ್ನವಿಲ್ಲದೆ ಫಲವಿಲ್ಲ,
ಫಲ ಸಿಗಲು ಯೋಗವಿರಬೇಕು,
ಯೋಗ ಸಿದ್ದಿಸಲು ಉತ್ತಮ ಕರ್ಮವಿರಬೇಕು,
ಕರ್ಮದ ಆಯ್ಕೆ ನಮ್ಮ ನಡತೆಯು ಧರ್ಮವಾಗಿರಬೇಕು...
"ಇಲ್ಲದಿದ್ದರೆ ಶೂನ್ಯ ಫಲ"

-

ನೋವಿಗೆ ಕಣ್ಣಂಚಲ್ಲಿ
ಸುರಿದ ಕಣ್ಣಿರಿಗಿಂತ
ತುಟಿಯಂಚಲ್ಲಿ ಮೂಡಿದ
ಹುಸಿನಗುವೇ ಹೆಚ್ಚು...

-

ನಮಗೆ ವಿಶೇಷ ಎಂದೆನಿಸಿರುವ
ವ್ಯಕ್ತಿಗಳಿಗೆ ನಾವು ವಿಶೇಷ ಎನಿಸದಿದ್ದಾಗ,
""ನಮ್ಮನ್ನು ವಿಶೇಷಚೇತನರು ಎಂದೆನ್ನಬಹುದು""

-

ಸಿಗದಿರುವ ಅವಳೊಲವು, ಬರಿ ನಗುವಿಗೆ
ನಲುಗುತ ಬಲವು ಅಸುನಿಗುವ ಹೊಸಪರಿಯೇ ಸೋಲು..

-

ಬಯಸುತಿದೆ ಮನಸು,
ಕನಸಲ್ಲೂ ಕನವರಿಸುತ,
ಗಮನಿಸದೆ ಹೋದೆ
ನಾನಿರುವದನ್ನೆ ಮರೆತು,
ಚುಚ್ಚಿದಂತಾಗುತಿದೆ ಎದೆಗೆ
ಬಿಚ್ಚಿ ಹೇಳಲು ಇನ್ನೆನಿಲ್ಲ ಮಾತು,
ನಿನ್ನಚ್ಛೆಯಂತೆ ಇರು
ಸದಾ ನಗುತ ನಲಿಯುತ...

-

ಇನ್ನೊಬ್ಬರ ಉನ್ನತಿಯನ್ನ ಸಹಿಸದೇ,
ಅವರನ್ನು ಶಪಿಸುವ ಹೀನ ಮನಸಿನ ಕೆಟ್ಟ ಭಾವವೇ
"ಕೆಡಕು".

-

ದುರುಪಯೋಗವಾಗುವ
ಒಳ್ಳೆತನಕ್ಕಿಂತ,
ಉಪಯೋಗವಾಗುವಂತಹ
ಕೆಟ್ಟತನವೇ ಉತ್ತಮ.

-