ଶୁଣିଲି
ମୋ ନାଁ ବି ଏବେ ଚର୍ଚ୍ଚାରେ
ମଦ ଭାଟି
ଦାଦାବଟି
ପରେ
ଏବେ ଚା' ଖଟିରେ......

-

ତୁମେ ପ୍ରଜାପତି ପରି ଖାଲି ଚଞ୍ଚଳ ଉଡିପାର
କିନ୍ତୁ କିଛି ସଂଗ୍ରହ କରିବାର ଅଭ୍ୟାସ ତୁମର ନାହିଁ।
କିନ୍ତୁ ମୁଁ ମହୁମାଛି ପରି ନିଜକୁ ଗଢି ତୋଳିଛି।
ସେଥିପାଇଁ ତ ତୁମକୁ ସଵୁବେଳେ କୁହେ
ପ୍ରତ୍ୟେକ ମୂହୁର୍ତ୍ତର ମୂଲ୍ୟ ଅଛି।
ଜୀବନଟା ଖାଲି ବିଳାସର ନୁହେଁ।

-

ନା କଥା ହେଵା ଲାଗି ବିଷୟ ଖୋଜେ
ନା ହସିବା ଲାଗି
ସେ କୌଣସି କାରଣର ଅପେକ୍ଷା.....
ପ୍ରତିକୂଳ ପରିସ୍ଥିତିରେ ଵି
ସେ ମୋ ପାଖରେ ଆସି ଖାଲି ହାତରେ ଠିଆ ହୋଇଥାଏ।
ଯେଉଁଠି ଥାଏ,
ସେଠାକାର ଶୂନ୍ୟ ସେ ଏକୁଟିଆ ପୂରଣ କରିଦିଏ।

-

ମୁଁ ଆଜି ଫେଲ୍ ମାରିଯାଇଥିବା
ବ୍ୟାଙ୍କରେ ଗୋଟିଏ ମୂଲ୍ୟହୀନ ଚେକ୍
ଆଉ ତୁମେ
ରେଜିଷ୍ଟ୍ରି ପୋଷ୍ଟରୁ ପରିବର୍ତ୍ତିତ ହୋଇ
ସ୍ପିଡ୍ ପୋଷ୍ଟରେ ଆସି ପହଞ୍ଚିଥିବା
ଏକ ବହୁମୂଲ୍ୟର ଡାକ ଟିକେଟ୍।

-

''ତୁମେ ଯେତେ ନେଇପାର....
ତା' ଠାରୁ
ମୁଁ ଵେଶୀ ଦେଇପାରେ......!!''

-

ଅଭିଜ୍ଞତାରୁ ଜାଣିଛି ଯେ.....

ଯେ ଯେତିକି ନୀତିବାଦୀ
ସେ ସେତିକି ନିଷ୍ଠୁର
ଯେ ଯେତେ ଲମ୍ପଟ
ସେ ସେତେ ପରୋପକାରୀ।

-

ସୁଯୋଗକୁ ଅପେକ୍ଷା କର।
ସେ ନିଜେ ଆସି ଧରାଦେବ ଶେଷରେ.....

-

ତା' କୌତୂହଳକୁ ଚରିତାର୍ଥ କରିବା ପାଇଁ
ମୁଁ କିଛି ବି କରିପାରେ....

ଏମିତିକି ମିଛରୁ କେତେ ପ୍ରତିଶତ ଯୋଡିପାରେ
ଆଉ ନିଜର ପରିଚୟକୁ
ଖୁଵ୍ ସାବଧାନତାର ସହ ଗୋପନୀୟ ରଖିପାରେ।

ଏସବୁ ବାସ୍ ଖାଲି ଟିକେ
ସେଇ ଆତ୍ମସମ୍ମାନ ବଂଚେଇବା ପାଇଁ
ଆଉ ନହେଲେ କିଛି ନୁହେଁ.....

-

ସେ ପଚାରିଲା ତୁମେ କେମିତିକା?
ଆଉ ମୁଁ କହିଲି.....
.
.
.
.
.

ସ୍ଵାଧୀନ,ଉଦ୍ଧତ,
ଅନମନୀୟ,ପଟାନ୍ତର ଵିହୀନ ଏକ ଚରିତ୍ର ମୁଁ।

-

କେହିଜଣେ କହିଥିଲେ-
Slave Mentality
is the secret of success in service.
ଅର୍ଥାତ୍ ଦାସ ମନୋବୃତ୍ତି ହିଁ
ଚାକିରିରେ ସାଫଲ୍ୟର ଗୋପନୀୟ ରହସ୍ୟ।
କିନ୍ତୁ ମୋର ଅବଚେତନ ମନ ଭିତରେ
ରହିଯାଇଥିଲା ସେଇ ଦାସ ମନୋବୃତ୍ତିର ଅଭାବ।

-