ବୋଉ କହିଲେ
ହଳେ ଆଖି
ଆଖି କହିଲେ
ଉଜ୍ଜ୍ୱଳ ନକ୍ଷତ୍ର।
ହଁ,
ବୋଉ ଜୀବନ ଵଂଚିଵାର ସରଳ ସୂତ୍ର।

-

ସବୁଠି ସଂଘର୍ଷ....
ବସ୍ ରେ ସିଟ୍ ଟିଏ ପାଇବା ପାଇଁ ବି ସଂଘର୍ଷ କରିବାକୁ ପଡେ।
ଲେଡିଜ୍ ସିଟ୍
ଏମ୍.ପି ସିଟ୍
ହ୍ୟାଣ୍ଡିକାପ୍ ସିଟ୍
ଆଉ
ସିନିୟର ସିଟିଜେନ୍ ସିଟ୍ ଡେଇଁଲାପରେ ଯାଇ
ତୁମକୁ ଶେଷ ଭାଗରେ
ସାଧାରଣ ଉଇଣ୍ଡୋ ସିଟ୍ ଟିଏ ମିଳେ।
ତା' ବି ବହୁତ କଷ୍ଟରେ
କେବେ ଥାଏ କେବେ ନଥାଏ।
ନହେଲେ ତ ଆମ ଭାଗ୍ୟ
ଏମିତି ସବୁବେଳେ Emergency Exit Door ପଟେ ହିଁ ଥାଏ।

-

ଅଫିସ୍ କୁ
ମୁଣ୍ଡ ଝୁଲେଇ ହସି ଆସୁଥିଵା ସୁଇପର୍
ସର୍ଭିସ୍ ଏରିଆରେ
ଝାଳନାଳ ହେଇ ଅକ୍ଲାନ୍ତ ଖଟୁଥିଵା କେଇଟା ଟେକ୍ନିସିଆନ୍
ସେଲସ୍ ରେ ଥିବା
ସିନିୟର ଭାଇଙ୍କ ସମୟ ସମୟର ଉଗ୍ର ରୂପ
ଭିନ୍ନ ଭିନ୍ନ ଫାଇନାନ୍ସ କର୍ମଚାରୀମାନଙ୍କ
ଅବାଧ ପ୍ରବେଶ, ଗୁଲିଖଟି ସାଙ୍ଗକୁ ଅକସ୍ମାତ୍ ପ୍ରସ୍ଥାନ
ଏସବୁ ତ ବାଧ୍ୟ କରେ
ଜଣେ ଲେଖକକୁ ଆଉ କିଛି ନୂଆ ଲେଖିବାର......

-

ମୁଁ ଜୋଛନାକୁ ଭଲପାଏ ଵୋଲି
ସେ ଜହ୍ନ ରଂଗରେ ନିଜକୁ ସଜାଏ।

-

ବସନ୍ତର ସ୍ବପ୍ନ ସବୁ
ଲୁହ ହୋଇ ବହିଯିବ ଶ୍ରାବଣରେ
କୃଷ୍ଣଚୂଡା ଅପେକ୍ଷା କରି ମରିଯିବ ମେଘକୁ
ମେ ଆଉ ଜୁନ୍ ମାସର ଖରାରେ
ମୁଁ ନିଜକୁ ପୁଣିଥରେ ପୋତୁଥିବି କୃଷ୍ଣଚୂଡା ପରି....

-

ବସନ୍ତର ସ୍କେଚ୍
/୧/
ବସ୍ ର ଯାତ୍ରୀ ମୁଁ
ଝରକା ଖୋଲିଛି।
ସୁଦୂରରେ ଚିହ୍ନା ଆମ୍ବ ତୋଟା
ବିଭଙ୍ଗ ସ୍ମୃତିରେ ନାଚିଯାଏ
ପିଲାଦିନର କେତେ ଖଟାମିଠା କଥା।
/୨/
ବସନ୍ତକୁ କଏଦ୍ କରିହୁଏନା
ଆଉ କ୍ୟାମେରାର ଲେନ୍ସରେ
ସହରଟା ଆଜିକାଲି କୁହୁଡି ନୁହେଁ
ଏବେ ସିଗାରେଟ୍ ଧୂଆଁର ଵଳୟରେ ।

/୩/
ଚାହୁଁ ଚାହୁଁ ଆଙ୍କିଦେଲି
ମୁଁ ଵସନ୍ତର ତିନିଗୋଟି ସ୍କେଚ୍
ସେ କହିଲା ତୁମେ ଖାଲି କବି କି ଚିତ୍ରକର ନୁହଁ
ତୁମେ ଗୋଟିଏ ଚଳନ୍ତା ସୁପରଫାଷ୍ଟ ଏକ୍ସପ୍ରେସ।

-

Attachments-
ଇ-ମେଲ୍ ରେ
Mentions-
ଇନଷ୍ଟାଗ୍ରାମରେ
ଆଉ
Friends-
ଫେସବୁକ୍ ରେ
Status-
ହ୍ବାଟ୍ସ ଆପ୍ ରେ
ଯାହା କେବଳ ଭଲ ଲାଗେ
କିନ୍ତୁ ବାସ୍ତବ ଜୀଵନରେ ନୁହେଁ।

-

ମୋତେ ଲାଗେ
ପୁରୁଷଟିଏ ନାରୀକୁ
ତା' ଠୁ ଅଧିକ ବୁଝିପାରେ।
ଏକଥା କେବଳ ମୁକ୍ତ କଣ୍ଠରେ
ଜଣେ ନାରୀଟିଏ
ପୁରୁଷ ଆଗରେ ସ୍ବୀକାର କରିପାରେ।

-

କିଏ ସେ ପଚାରେ ଯେ
କା' ଦେହରେ ବହଳ ରଙ୍ଗ ପରି ଜମିଥିବା
ଅଭିଜ୍ଞତା ଅସଜଡା ଡାଳପତ୍ରର ଗହଳ ଭିତରକୁ୍।
ବେଶି ସମୟ ବିତାଇ ହୁଏନି ଏକାକୀରେ ବୋଲି
ଶସ୍ତା ଲାଗେ ନିଜକୁ ବେଳେବେଳେ।
ସତରେ କେହି କଣ ନଥାନ୍ତି କେତେବେଳେ?

-

ମୁଁ-ପାଇଵା କ'ଣ ହରାଇବା?
ସେ-ହଁ" ନୁହେଁ ତ ଆଉ କ'ଣ?
ମୁଁ-କେମିତି?
ସେ-ନଖରୁ କେଶାଗ୍ର ତ ସବୁ
ଦୁଇ ଶହ ସେଣ୍ଟିମିଟର ଭିତରେ ଶେଷ।

-