सखींवेळा..
सखे, तू सोबत नाहीस.. जवळ नाहीस.. अंतर आहे.. समांतर आहे..!
सखींवेळा एकामागोमाग हात धरून फेर घालत, मला मध्ये उभं करतात. कुठली वेळ जिव्हाळ्याची, कुठली वेळ काळजीची, कुठली वेळ मायेची, कुठली रुसव्याची..कुठली वेळ लडीवाळ अपेक्षांची तर कुठली वेळ लाघवी संयमाची..!
अलबेल आहे, अल्हाद आहे... पण संवाद नाही.. स्पर्श नाही.. जरासं अंतर आहे .. मनानं व्यापलेलं.. तेवढं मिटलं कि सुसह्य होईल बघ..
सखींवेळानं आवर्तने पहावी.. आणि मी ही त्या आवर्तनात कुठेतरी लुप्त व्हावं.. तुझ्यापाशी तुझ्याचसाठी !!
-