का असू नये ही अभिलाषा
कळावे न साधी तिला
मौनातली भाषा...!

-

पुन्हा ती येणार
वारंवार येणार ;

आणि काही बोलण्या आधीच
आपल्या सोबत घेऊन जाणार...!

आठवण

-

ना वाहे मंद वारा
ना चमके चंद्र तारे ;

तिच्या एका अबोल्याने
मौन झालेत सारे...!

-

गंधाळुनी दाही दिशा
कवेत घेऊन सारा आसमंत ;

चिंब करून सारी धरती
पाऊस मगच घेई उसंत...!

-

मानवीय भावनांचे
अव्यक्त स्वरूप
म्हणजे "अश्रू" !

-

क्षण हे विरहाचे
सोसू कसा एकटा ;

गेली ना रात्र एकही
तिच्या आठवणीत न जागता...!

-

धुक्याने झाकोळलेली दरी
तिच्या स्वभोवार हिरवीगार झाडी;

गवतावर सावरून बसलेल्या थेंबांना
ढग भेटायला आले खाली...!

-

पावसा तू दे एक थेंब सुखाचा
जो भिजवेल काळे ढेकळे
आणि सुगंध आणि मातीला
तू दे असा एक थेंब सुखाचा...!

-

पहिल्या पावसाच्या सरीने
भिजवून मला अंगभर ;

जागवून तिच्या आठवणी
जळत ठेवले रात्रभर...!

-

फिक्या आहेत साऱ्या अत्तरच्या राशी ;
भिडताच पाऊस थेंब मातीशी...!

-