एकट्याची धूव ती दुसऱ्याची सुन.
आनी एकट्याची आवय ती दुसऱ्याची सासूमाय.
म्हणजे मनीस एकूच पूण नातीं दोन.....
बरोबर न्ही??????

आतां म्हाका एक सांग......
सगळ्योच धूवो बऱ्याे, सामकी भांगर
मागीर सुनो जातगेर तांका जाता कितें कांय???

सगळ्योच आवयो म्होवाळ आनी मायाळू
मागीर सगळ्यांक वायट कशी मेळटा सासूमाय????

-

महात्मा

आरे, म्हाका एक सांग........
जर वायट सहन करप पाप.
वायट जाता तें पळोवन, आयकून,
ओग्गी रापव पाप.

जाल्यार........
वायट जातना दिश्टी पडल्यार पळयनाका, दोळे धाप.
वायट कानार पडल्यार आयकनाका , कान धाप.
वायटाचेर उलोवं नाका, तोंड धाप म्हणपी
महात्मा कसो जालो रे?????????

-

देव आनी खुदा

पयर म्हाका, म्हजो एक इश्ट मेळलो
आनी म्हणूंक लागलो, आरे कितलें रे तुमचें देव... तुमकां तरी खबर आसता मरे???
आमचो बाबा एकूच खुदा.

हांवें तेका सांगलें, बाबा रे आयक,
आमचो परब्रम्ह एकतत्व निराकार आनी बहूतत्व साकार दोनूय रूपांत आसता......
हांवें गाईंत देव पळयलो, म्हाका कामधेनू मेळली.
हांवें अस्तुरेंत देव पळयलो, म्हाका दुर्गा मेळली.
हांवें नुस्त्यांत देव पळयलो, म्हाका मत्स्यावतार मेळलो.
हांवें कासवांत देव पळयलो, म्हाका कूर्मावतार मेळलो.
हांवें झाडांत देव पळयलो, म्हाका तुळशी माता मेळली.
हांवें पुस्तकांत देव पळयलो, म्हाका सरस्वती मेळली.
हांवें उदकांत देव पळयलो, म्हाका गंगा मेळली.
हांवें फातरांत देव पळयलो, म्हाका शिवलिंग मेळले.
हांवें चक्रांत देव पळयलो, म्हाका शाळीग्राम मेळलो.
हांवें ज्या वेळार, ज्या जाग्यार, ज्या रूपांत देव सोदलो...
त्या वेळार, त्या जाग्यार, त्या रूपांत म्हजो निराकार परब्रम्ह साकार जालो.
आनी तुज्या खुदाचे कशें कितें रे अस्तित्व???
हें आयकून म्हजो इश्ट उठून गेलो.

-

फर्क

तुवें वाटेर मस्ती लेगीत केल्यार
तो तुजो रायट ऑफ एक्सप्रेशन.
हांवें शोभायात्रा जरी काडलीं
बुध्दीजिव्यांक जाता टेंशन.

तुवें मोनजात मारल्यार जाता
ती तुजी परब, तुजो अधिकार.
हांवें गोमातेक पुजल्यार
हांव अंधविस्वासी, म्हजो धिक्कार.

तुवें स्पिकराचेर बोवाळ केल्यार
तो शांती संदेश.
हांवें भजन, चालीसा म्हणल्यार
धोक्यांत येता देश.

तुवें तुजो धर्म पाळल्यार
तो तुजो हक्क, तुजो रिलीजीयस रायट.
हांवें हिंदुत्व बुलंद केल्यार मात
हांव सांप्रदायीक, हांव वाायट.

आरे, कसले हे कायदे
आनी कसले हे सेक्युलर तर्क.
केन्ना समजतलो कांय हिंदू समाज
हो दमनकारी फर्क.

-

लाख यत्न केले जरी
खरें तें लिपचेना....
कितलेंय आसलें वजन फटींगपणाचे
तरी सत्य पोंदा चेपचेना...

-

दर दिसाक जिखपाची आस तूं धरू नाका
हावेसान धावताना पापाची रास करू नाका.

बरीं वायट कर्मा आमकां हांगाच तागडेन जोखची आसा.
सगळ्या कर्माची फळां ह्याच जल्मान भोगची आसा.

म्हणून मनशा, जाता जाल्यार बरें चित आनी बरें कर,
पुण्याची जोडून साथ जिवीत आपलें सुखी कर.

-

जिवाची तळमळ, पोटांत मळमळ
कमरांत किस किस.
अस्तुरे... कशें काडटा गे तूं
मासीक पाळयेचे ते दीस????

अस्थीर मन, थकलेले पुराय तन
रगताचो घसघसो.
अस्तुरे... इतलें सोसूनय, तुज्या तोणार
कसो गे तो हांसो????

-

खंड पडलो लेखणेक म्हज्या
उजो पालोवन जालो थंड.
बंड चलोवंक फटींगपणाचे
आता फुडारपण करतात शंड.

नाव लौकीक मेळोवंक ते
करता संस्कृतायेचो तिरस्कार.
तरणाटेय भुलुन उतरांक
करता असल्यांचोच पुरस्कार.

चला आतां युध्द लडोया
हांवूय लेखणेक काडटा धार.
शब्दाचो खेळ खेळटल्यांक
शब्दांनीच घालया मार......

-

मरा रे खय वचून....
हांव तुमकां सकाळच्यान सांगू लागीलो.
पाण्णीतल्यान वतनाकात, थय बाबू हागीलो.

तशेत तुमकां, आयकनातीली देड शाणी.
गु मांडोन येवन पुराय वाड्यार घातला घाणी.

गुवाड्यानो आता होळो कन्न किद जावचे आसा.
नाका घट्ट धन्न.... सोण्ण घेन पाय घासा.

हेकात लागून ते, जाण्टेल्यान सांगील आयकू जाय.
मेळत तश धिंगाण घातल्यार गुवा पडटा पाय....

-

मोगा......
जेन्ना हांव तुजेकडेन उलयता
तेन्ना म्हजी तान भूक न्हिंवता.
आनी हांव तुज्या मोगांत
मनसोक्त, मनमेकळो पेंवता.

केन्ना राग, केन्ना मोग, केन्ना हांसो केन्ना गंभीर
तुजें दर रंग जगत जीणेची पावलां मारत
एक जावपाचे दिकेन तुज्या सांगातान चलत रावता.
मोगा.. ज्या वाटेन वळटा नदर त्या वटेन फक्त तुजीच मुर्त......
म्हज्या मोगाची.....

-