रिस्ते का जंजीर है ये यारों
ऐसी थोड़ी ना टूटेगा
बढ़ जाए तो बढ़ जाने दो दूरियां
दिमाग से सोच कभी ना हटेगा ।।
येसी है ये रिस्ता दोस्तों
टिकता है जो जुबान की भरोसे मैं
लेन देन तो बाजार मैं भी होता है
खामोसी भी अच्छा लगता है रिस्ता मैं ।।
बस घमंड दिखाना है तो दिखाइए इसमें
की आपको भी रिस्ता निभाना आता है
प्यार मैं जियो और प्यारा इतना हो जाओ
की सारा जगह एक हो जाए ।।

-

ମିଶିଯିବ ଏଇ ଦେହଟା ଯେବେଲୋ
ଗାଁ ମଶାଣୀରେ
ଭାବିବୁନି ହଜିଗଲି,
ଆତ୍ମାର କାହାଣୀ ଆରମ୍ଭ ସେଇଠୁ
ହେବଲୋ ଗୋରୀ
ଏବେ ଠାରୁ କହିଦେଲି ।।
ପାଖରେ ନ ପାଇ ପ୍ରତି ମୁହୂର୍ତ୍ତରେ
ଭାବିବୁନି କେବେ
ପାଖରେ ମୁଁ ଯେ ନାହିଁ,
ଆଖି ବନ୍ଦ କରି ନୀରବେ ରହିଲେ
ମୋ ଉପସ୍ଥିତି
ପବନ ଦେବ ଯେ କହି ।।

-

ମନରେ ଲାଗିଛି ନିଆଁ
ଯୁବ ପୀଢ଼ି କି ଆଜି ଯାଇଛି ବଦଳି !
କିଏ ସେଇ ସାରଥୀ ଶ୍ରୀକୃଷ୍ଣ
ପରଷି ଦେଇଛି ଯିଏ ଗୀତାର ଥାଳି ?
ଆଜି ହୃଦୟ ନାଚୁଛି
ଜ୍ଞାନ ଚକ୍ଷୁ କି ଖୋଲି ଯାଇଛି ସମ୍ପୂର୍ଣ୍ଣ !
କୁରୁକ୍ଷେତ୍ର ଆଜି ଅଜ୍ଞାନୀ ମନଟା
ବିବେକ କରୁଛି ଗର୍ବକୁ ଚୂର୍ଣ୍ଣ ।।
ପୁଣି ଜନ୍ମିଛି ଅର୍ଜୁନ
କର୍ଣ୍ଣ ବି ଜନ୍ମି ସାରିଛି ଜ୍ୟେଷ୍ଠ ହୋଇ,
କିନ୍ତୁ ଏଥର କର୍ଣ୍ଣ ଧର୍ମର ସାଥୀ
ଅର୍ଜୁନ ସାଥେ ଲଢ଼ୁଛି ଏକତ୍ର ହୋଇ ।।
ତଥାପି କାଳ ରାତ୍ରି ପାହିନି
କୌରବ ଆଜି ବି ଅନ୍ୟାୟ କରିଚାଲିଛି,
ଆଜି ବି ଦ୍ରୌପଦୀ ଅସହାୟା
କିନ୍ତୁ ସମଗ୍ର ଯୁବ ପୀଢ଼ି ଆଜି ପାଣ୍ଡବ ସାଜିଛି ।।
ଏକ ନୂତନ ସୂର୍ଯ୍ୟ ଉଇଁବ
ଖୁବ୍ ଶୀଘ୍ର ପୃଥିବୀ କନକିତ ହେବ
ନିଜକୁ ବଦଳାଅ ଅଧର୍ମୀ,
ନଚେତ ନିଶ୍ଚିତ କର୍ଣ୍ଣ ଅର୍ଜୁନର ସମ୍ମୁଖୀନ ହେବ ।।

-

ବିତିଯାଉ ଜନ୍ମ ପରେ ଜନ୍ମ
ସାଥୀ ତୁ ଥା ମୋରି ପାଖରେ
ଜୀବନ ଯୌବନ ଭାରି ଭଲ ଲାଗେ
ସମୟ କଟିଲେ ତୋ ସାନ୍ନିଧ୍ୟରେ ।।
ତୁ ବନ୍ଧୁତାର ଶିଖର ପ୍ରଦେଶ
ଆତ୍ମାକୁ ଛୁଇଁଛୁ ସରଳ ପଣରେ
ମୋ ଓଠର ତୁ ଲୋ ହସ ଧାରାଟିଏ
ସମୟ ବିତେ ମୋ ତୋ ଭାବନାରେ ।।
ତୁ ଖରା ମୋର ଶୀତ ସକାଳର
ଛାଇ ମନଲୋଭା ଗ୍ରୀଷ୍ମ ସାୟାହ୍ନର
ଯେଉଁ ରୂପେ ତୁ ଲୋ ଛୁଇଁ ଦେଲେ ମୋତେ
ଅବିରତ ବହେ ଝରଣା ପ୍ରୀତିର ।।
କଥା କୁହା ଦୁ୍ଇ ଆଖି ମିଟିକାରେ
ହଜିଯାଏ ମୁଁ ଲୋ ପ୍ରତି ମୁହୂର୍ତ୍ତରେ
ସପନେ ଚୁମ୍ବନ ଆଙ୍କି ଦେଉଥାଉ
ଶୟନ ସଜାଇ ଏଇ ମୋ ଅଙ୍କରେ ।।
ମୁହୂର୍ତ୍ତ ଦୂରତା କାହିଁ ଯେ ଅସହ୍ୟ
ତୁ ବୋଧେ ମରୁତ ଏଇ ମାରୁତି ମନର
ପ୍ରାଣବଲ୍ଲଭି ଲୋ ପ୍ରତୀତ ହେଉଛି
ପୀୟୂଷ ଧାରା ତୁ ମୋ ଜୀବନର ।।

-

ତୋ ଆଖିର ନିଶା
ଚଢ଼ିଗଲା ଯେବେ ମୋ ଉପରେ
ଚଗଲା ମନ ଥମିଗଲା ଟିକେ
ପଡ଼ିଗଲା ସିଏ ତୋ ପ୍ରେମରେ ।।
ଧୀରେ ଧୀରେ ଜୀବନ ନଦୀ
ବହି ଚାଲିଗଲା ତୋ ପାଖକୁ
ତୁ ହୋଇଗଲୁ ତଟ ଦେଶ ମୋର
ଶାନ୍ତ କରିଦେଲୁ ପ୍ରୀତି ଜୁଆରକୁ ।।
ସାନ୍ନିଧ୍ୟ ତୋର ଅଦ୍ଭୁତ କେତେ
ବୋଳି ହୋଇଗଲା ଚନ୍ଦନ ହୋଇ
ମନ ଉପବନେ ତୁ ପାରିଜାତ
ଘୂରେ ମୁଁ ତୋ ପାଖେ ଭଅଁର ହୋଇ ।।
ତୋ ପାଇଁ ସୁନ୍ଦର ପୃଥିବୀଟା ମୋର
ତୁ ତାର ସେଇ ସବୁଜ ବନାନୀ
ତୋ ଚାନ୍ଦୁଆ ତଳେ ହୃଦୟ ଭାବନା
ଲେଖୁଛି ଗୋପନେ ଜୀବନ କାହାଣୀ ।।

-

It's a dream of life
Don't take it easy,
Work on it
being little crazy.
Time will come
flag will rise high,
it's your destiny
to get give a try .

-

ଏଇ ତ ଏବେ ଏବେ ଖୁସି ଧରା ଦେଇଥିଲା
ସୀମା ଜଗୁଥିବା ସେବକ ବେଶରେ
ଦାଉ ଦାଉ ହୋଇ ଜଳୁଥିଲା ସିନ୍ଥିରେ ସିନ୍ଦୂର
ଫାଟି ପଡୁଥିଲା ଛାତି ଛାତିଏ ଗର୍ବରେ ।।
କେଇଟା ଅମାବାସ୍ୟା ରାତି ପାଲଟିଥିଲେ ପୂର୍ଣ୍ଣମୀ
ଖୁସିର ଜୁଆର ଆକାଶ ଛୁଉଁଥିଲା
ସୀମା ଜଗୁଆଳିର ବାହୁ ବନ୍ଧନରେ ଅଦ୍ଭୁତ
ଏକ ଶୀହରଣ ଖେଳିଯାଉଥିଲା ।।
ସବୁ କିନ୍ତୁ କ୍ଷଣସ୍ଥାୟୀ ସମୟ ହିଁ ସତ୍ୟ ଏକା
ସୁଖ ଦୁଃଖ ମନଇଛା ବାଣ୍ଟି ଦେଇଗଲା
ସୀମନ୍ତିନି ଖୁସି ହରି କେଇ ନିମିଷରେ ଦେଖ
ଶଙ୍ଖା ସିନ୍ଦୂରଠୁ ବହୁ ଦୂରେ ନେଇଗଲା ।।

-

ଆସିଛି କି ଆଉ ସୁନାମୀ ଆଖିରେ
ବାହାରିଯାଉଛି ଅକୁହା କୋହ
ଗରିବ ଲୋକର ତକିଆ ତଳେ
ଧରା ପିଉଅଛି ଅଦେଖା ଲୁହ ।।
କାହାକୁ କହିବ କିଏ ବା ଶୁଣିବ
ବାବୁମାନଙ୍କର ଭିଡ଼ ଚାରିଆଡ଼େ
ଗଦି ପଲଙ୍କରେ ରାତି ତ ପାହୁଛି
ଗରିବ ପେଚାଟା ଝୁମ୍ପୁଡ଼ି ଉହାଡେ ।।
କି ଭାଗ୍ୟ ଇଏ କେମିତି ସମ୍ଭବ
ଜନ୍ମର ଦୋଷ ନା କର୍ମର ଦୋଷ
ସବୁ ଥାଇ ଏଇ ଦୁନିଆ କୋଳରେ
କାହିଁକି ଗରିବ ଅଣନିଃଶ୍ବାସ ।।
ବଡ଼ ପଣ୍ଡାମାନେ ଆଶ୍ୱାସନା ଦେଲେ
କାଳେ ବର୍ଷକରେ ଦୁଃଖ ନିବାରିବେ
ସତ୍ତାକୁ ଆସିଲେ ଏଇଥର କାଳେ
ଗରିବ କୁଆଡେ ମୁକୁଟ ପିନ୍ଧିବେ।।
ଗରିବ ସରଳ ଲୋଭି ବି ଟିକିଏ
ମତ୍ତ ଦେଇଥିଲା ତାଙ୍କ ସପକ୍ଷରେ
ସୁବିଧା ସବୁକୁ ପାଇଯିବ ବୋଧେ
ଭାବି ନାଚିଥିଲା ମହୁଲି ନିଶାରେ ।।
ନାଚର ପାଉଣା ପାଞ୍ଚଶହ ମୁଦ୍ରା
ପାଇଯାଇଥିଲା କେଉଁ ଏକ ରାତିରେ
ସତ୍ତାକୁ ଆସିଲେ ବଡ଼ ପଣ୍ଡା ଯେବେ
ଲାତ ମାରିଦେଲେ ଗରିବ ପେଟରେ ।।
ସେଦିନୁଁ ଗରିବ ଲୁଚିକି କାନ୍ଦୁଛି
ଦେଖାଇପାରୁନି ମୁହଁ କାହାରିକୁ
ମାଟି କାମୁଡ଼ିକି ଘରେ ପଡ଼ିଅଛି
ଦାଦନ ଖଟୁଛି ଯାଇ ବାହାରକୁ ।।

-

ଗେରୁଆ ରଙ୍ଗରେ ରଙ୍ଗାୟିତ ମନ
ଫେରିଲେ ଶ୍ରୀରାମ ନିଜ ଧାମେ
ଭକତ ନାଚୁଛି ପ୍ରଗଳ୍ଭ ପରାୟେ
ଧରା କମ୍ପୁଅଛି ରାମ ନାମେ ।।
ଅପେକ୍ଷା ଥିଲା ତ ପଞ୍ଚଶତ ବର୍ଷ
କେତେ ଓଠ ଲୁହ ପିଇଯାଇଥିଲେ
ସାରା ବିଶ୍ୱବାସୀ ଶବରୀ ପାଲଟି
ପୁରୁଷୋତ୍ତମଙ୍କୁ ଚାହିଁ ରହିଥିଲେ ।।
ଅନ୍ତ ହେଲା ସବୁ କଷ୍ଟ ଭକ୍ତଙ୍କର
ସ୍ଵଚକ୍ଷୁରେ ଦେଖି ରାଜଭିଷେକ
ଜୟ ଶ୍ରୀରାମ ଧ୍ଵନୀ ଘୋଷ କରି
ଖୁସିରେ ପିଉଛି ଓଠ ଯେ ଲୋତକ ।।

-

ଆଜି ମନେପଡେ ପୁରୁଣା ଦିନ ଲୋ
ଯେଉଁଠାରୁ ପ୍ରେମ ଆରମ୍ଭି ଥିଲା
ଛୋଟିଆ କୋଠରୀ ବନ୍ଦୀ କରିନେଇ
ସେ ସ୍ମୃତି ଫରୁଆ ହାତରେ ଦେଲା ।।
ଫରୁଆ ଖୋଲି ତୁ ମୁହଁ ଦେଖାଇଲୁ
ହୃଦୟ ଭାବନା ତୋ ଆଖି ପଢିଲା
ବୁଝିନେଲୁ ତୁ ଲୋ ଏ ମନ ସାହିତ୍ୟ
ଭାବନା ଜୁଆର ପ୍ରଶମିତ ହେଲା ।।
ଖୁସିର ସଂଜ୍ଞାଟା ନବ ରୂପେ ଆଜି
ଲିଖିତ ଏଇ ମୋ ମନ କାଗଜରେ
ତୋ ସାନ୍ନିଧ୍ୟର ମିଠା ଅନୁଭୁତି
ଝରୁଛି ଆଜି ଲୋ କବିତା ରୂପରେ ।।

-