Pehla Tumhari Ankhon Se Aur Dusra Tumse Hua Hai.
Tumhari Zulfon Ki Thandi Hawa Se Mujhe Ishq Hua Hai.

K Aise Lagta Hai Umr Bhar Ka Mera Ek Kaam Hua Hai.
Mehfil Mein Jab Tere Sath Mera Naam Hua Hai.

Aur Yuhi Chand Sitaro Ko Duniya Ne Sir Pe Chada Rakha Hai.
Galti Unki Bhi Kaha Unhone Bhi Mera Mehboob Kaha Dekh Rakha Hai

-

Ek Shaam Ki Aur Ek Jaam Ki Hadd Hai.
Kaise Samjhau Main Uss Mehfil Ko Ke Mujhe Kis Naam Ki Hadd Hai.

Ek Sabar Ki Aur Ek Khabar Ki Hadd Hai.
Chehre Mile Hain Lakhon Par Mujhe Uss Purani Nazar Ki Hadd Hai.

Aur Jo Kabhi Kehte Thy Kitni Mohabbat Karte Ho Hadd Hai.
Wahi Keh K Chale Gaye Itnihi Mohabbat Karte Ho Hadd Hai.

-

Mohobbat Kahaniyo Mein Hoti Hai
Isse Kahaniyo Mein Hi Rehne Do.

Wafa Khayalo Mein Hoti Hai
Isse Khayalo Mein Hi Rehne Do.

Aur Lagta Hai Ishq Kisi Ko Bech Aaye Ho Mera.
Bachi Yaadein Hai Yaadon Ko Mere Saath Hi Rehne Do.

-

Kahani Adhuri Rakhna Jaaiz Hai Kya.

Tasveero Ki Yaaden Sahna Jaaiz Hai Kya.

Aur Jaaiz Najaaiz Ki Baat Karte Ho Tum Mohabbat May.

Aise Tumhara Ishq Karna Bhi Jaaiz Hai Kya.

-

Manzar


Khile Mausam Se Phoolo Ko Ruthte Dekha Hai.
Maine Khuli Ankhon Se Khwabon Ko Tutte Dekha Hai.

Aur Mehendi Bhare Haatho Me Tere Kisi Aur Ke Parchai Hai.
Chalo Aaj Insaaf Ki Woh Raat Toh Aayi Hai.

Aur Jaise Haath Chume Tha Mere Uske Bhi Chum Paaoge Kya.
Saat Phere Loge Jab Wahi Waade Ushe Se Kar Paaoge Kya.

Aur Kahate Thy Tum Bachon Ko Sunayenge Kisse Hamare.
Ye Batao Bidaai Tak Aansu Rok Paaoge Kya.

-

Abb Soch Mein Pada Hu Ki Ilzaam Kis Per Dalu.

Tum Keh K Chale Gaye Ki
Main Kismat Mein Itna Hi Likha Tha.

-

Kuch Teri Yaadon Ka Hisaab Lagaya
Kuch Teri Baaton Ka Hisaab Lagaya

Karze Mein Doob Gaye Hum
Jab Tere Wado Ka Hisaab Lagaya

-

Woh Muskurahat Samajhna Itna Mushkil Bhi Nahi.
Jo Kabhi Toota Hi Nahi Woh Dil Bhi Nahi.

Aur Kahani Zara Lambhi Hai Puri Na Ho Payegi.
Tum Ek Umr Le Aao Fir Baat Ki Jayegi.

-

Humne Samjha Tha Manzil Tumhe.
Rasto Ka Matlab Toh Tumhe Aata Nahi Hai.

Humne Samjha Tha Chandani Tumhe.
Raato Ka Matlab Toh Tumhe Aata Nahi Hai.

Humne Bhi Samajh Lia Tanhai Ka Matlab Tumhe.
Kyoki Mohabbat Ka Matlab Bhi Tumhe Aata Nahi Hai.

-

Kisi Anjaan K Kisse Aaj Woh Humse Keh Gaye.
Hum Unke Ek Muskaan K Liye Daftar Jate Reh Gaye.

-