Har Roz ma'asiyat me izafa dekha hai,
In ankhon ne zaalim Ko bebaak dekha hai,,
Daljit,muflees,mazlum Ko be-qusoor marte dekha hai,
Fir bhi har zubaan Ko khamosh dekha hai,,
Mazluum Ko dekh ke yahaa'n kadam na sahi haath zaroor uth jaate hai,
Lekin un hatho'n Ko faqat photo, video's banate dekha hai,,
Jin afsaro'n Ko insaaf tha karna,
Unhe pairvii-e-ahl-e-siyasat dekha hai,,
Ameer ko chiink bhi aye to ban jaati hai Breaking news,
Gareeb mar bhi jaaye to camera Ko band dekha hai,,
Jab bhi uthi awaaz zulm ke khilaaf,
Us awaaz Ko dabake jail me band karte dekha hai,,
"Ashraf-ul-makhluq" laqab ke saath,
Bashar Ko fitna-o-fasaad barpa karte dekha hai,,
Yahaa'n insaan hi insaan ka Dushman hai,
Guzarte waqt ke saath insaaniyat Ko gum hote dekha hai,,
Har kamzoor pe taqatwar hai haavi,
Be-shumaar alaamate'n qurb-e-qayamat kii dekha hai,,
Har Roz Ma'asiyat me izafa dekha hai,
in ankhone zaaleem ko bebaak dekha hai...!
-