My poem
Is my strength
Though always holds silence
Filled with emotions
Holding commotion.

-

घाव होती जरी शरीरावर, जखमा त्याच्या उमटत मनावर
अंतरीच्या त्या गहिऱ्या जखमा,पुन्हा पुन्हा करती प्रहार
तरी जगावेच लागते सहन करीत सारा अत्याचार
कारण असते भिती समाजाची भय - भीड स्वकीयांची
अन मनात असंख्य विचार.
खिन्न त्या मनाने चालत रहायचे काळजावर झालीत घाव
शांत निवांत क्षणांचा शोधीत ठाव
सहन करायचे तेही असे की..
उघड्या डोळ्यांसमोर मिट्ट अंधार तर मिटलेल्या पापण्यांत प्रखर अंगार.
बोलक्या त्या "माझ्या जखमा" मी आहेत जरी ऊरी जपल्या.
भळभळून वाहती त्या रक्ताळलेल्या गळून पडता त्यावरल्या खपल्या.
आता न आस कशाचीच ना कसली ओढ राहिली
कारण माझीच विझती वात, मी ह्या डोळ्यांनी पाहिली.

-

Distrust
Hatred
Ignorance
Disrespect
Betrayal

-

"वादळ "
मनांतलं असो वा भोवतालचं,
एकदा आलं की सगळंच चित्र बदलून टाकतं.
क्षणार्धात होत्याचं नव्हत करून जातं.
आणि स्वतःची छाप मात्र कायमची मागे सोडून जातं.

-

विश्वासघात.....

अस्तित्व याचे ज्याच्या शिरावर
असा तो विश्वासच नसेल समोरच्यावर
तर कसले भय, कसली चिंता,
असेल तरी का मग याची सल वा ओझे मनावर.

-

किती कुरवाळू किती सांभाळू,
एक ना अनेक सहन करीत घाव,
घेत माझ्यात हरवलेल्या माझाच ठाव,
वाट एक चालते मी रोज ती नवखी,
वाटे जी परिचित जरी असे अनोळखी.

भळभळत्या जखमांसवे चालायचे आहे,
क्षितिज विलोभनीय मज गाठायचे आहे.
सखा माझा सागर मज खुणावित आहे.

विशाल विराट खवळलेल्या लाटेत एका,
घेऊनी मनीच्या साऱ्या "माझ्या जखमा",
शांत निवांत मज निजायाचे आहे.

-

जन्मोजन्मी साथ एकमेका लाभो निरंतर ,
तुम्हा दोघांच्या प्रितीत न येवो अंतर .
नात्यात तुमच्या मिसळो गोडवा साखरेचा ,
आयुष्यात दरवळो सुगंध सुख सुमनांचा .
सुख समृद्धी अन् सुखी सहजीवन लाभो तुम्हा ,
हीच ईश्वर चरणी प्रार्थना अन् सदिच्छा .🙏💐
🌷लग्नाच्या वाढदिवसाच्या हार्दिक शुभेच्छा !🌷

-

दिवस म्हणाला रात्रीला,आहे का कुणी सोबतीला ?
तुझ्या नशिबी नुस्ता अंधार, माझे अस्तित्व दिमाखदार.
तू येता सारे निजती, माझी सगळे वाट पाहती.
तुझ्या स्वागता कुणी न जागे, तुला दिव्यांची गरज लागे.
माझे मात्र तसे नाही, मला दिव्यांची गरजच नाही.
ऐकूनी म्हणणे दिवसाचे, उत्तर दिले रात्रीने त्याचे.
दिमाख तुझा पाहूनी मजला, होतो आनंद खराखुरा.
एकच सांग रे सख्याराया, कोण उजळवी तूझी काया ?
आहे का प्रकाश तुझा तुझ्याकडे, जर घेतली सुट्टी सूर्याने ?
माझ्या नशिबी असो अंधार, चंद्रकळेचा लेऊनि हार, जगते मी तर सुखात फार.
निजले असता सारे जगती, मीच तर देते त्यांना गती.
विसावून ते माझ्या कुशीत, स्वागत करतात तूझे खुशीत .
'सुप्रभात' हा शब्द एकच, माझ्यासाठी निरोप त्यांचा .
तुझ्या हवाली त्यांना करूनी, जाते मी हसत निघूनी.
कारण असते ठाऊक मजला, यायचे आहे मलाच फिरूनी.
गरज त्यांना जेव्हां तुझी, तेव्हा जाते मी तर निघूनी .
परंतु तुला आराम देण्यास, येतेच ना मी मागे वळूनी .
पाठशिवणीचा खेळ अपुला, चाले निरंतर असाच जगती .
निसर्ग देई साथ जोवरी, तोवर खेळू हा खेळ भूवरी .

-

The unsent messages....
mean a lot....speak a lot ...
and truly reveal your feelings
and emotions to yourself.

-

Forgive and Forget





Hold on Grudges

-