പായാരംപറഞ്ഞ ഇന്നലേകളെത്രപെട്ടന്നാണ്‌ ശൂന്യതയുടെ ആഴിയിൽകൊണ്ടിട്ട് വട്ടംകറക്കി ഒറ്റപ്പോക്ക്‌പോകുന്നത്

-

ദാഹിച്ചു വലഞ്ഞു ഒരുതുള്ളിവെള്ളം ചോദിച്ചാൽ അണ്ണാക്കിലേക്ക് ഒരുകോരി കനലിട്ടുവിഴുങ്ങിക്കോളാൻ പറയുന്നപോലെയാണ് ഉപദേശികളോട് മനസിലെ വിഷമം പറയാൻ പോയാൽ

-

ഭയക്കണം കുഞ്ഞേ
കേട്ടു തഴമ്പിച്ച കെട്ടുകഥകളിലെ ഭൂതത്തെയും പ്രേതത്തെയുമല്ല ഉള്ളിലെ  പൈശാചികത പുഞ്ചിരിയാൽ മറിച്ചിടാൻ കഴിയുന്ന സാത്താന്മാരായ ചിലമനുഷ്യരെ...

-

സ്വന്തമായെന്നറിയുമ്പോ പലതിനെയും അർഹിക്കുന്ന വിലനൽകാതെ മാറ്റിനിർത്താറുണ്ട് അതുനഷ്ടമാവില്ലെന്നു നമുക്കത്രമേൽ ഉറപ്പുള്ളതുകൊണ്ടാണ് പക്ഷെ കാലം കരുതിവെച്ച നഷ്ടപ്പെടലുകളിൽ കുറ്റബോധം വേട്ടയാടാതിരിക്കാൻ ഒരിഷ്ടത്തെയും നഷ്ടത്തിന്റെ കയ്യിലേൽപിക്കാൻ ശ്രമിക്കാതിരിക്കുക.......

-

ഇരുട്ടിനോട് കൈകോർത്തു മൃതിയടഞ്ഞ പല ഓർമ്മകൾക്കുമിന്നും ശാപമോക്ഷം നൽകാറുണ്ട് പുനർജനിക്കുന്ന നിന്റെ പ്രണയത്തെയൊന്നു കൂടെ കണ്ടുമുട്ടാൻ....

-

ബാഹ്യമേ അഹങ്കാരത്താലൊരു കവചം പണിയണം
അകമേ സിരകളെ അഹങ്കാരത്താൽ തിളപ്പിച്ചുകൊണ്ടേയിരിക്കണം
അധരങ്ങളിലൊരു പുച്ഛഭാവം നിഴലിച്ചുകൊണ്ടേയിരിക്കണം
വാക്കുകളിടങ്ങാത്ത അഭിനയ പാഠവം പ്രകടമാവണം
അന്യന്റെ കണ്ണീരിനു മധുരമാണെന്നങ്ങു ധരിച്ചേക്കണം
സ്നേഹമെന്നൊന്നില്ലെന്നു സ്വയം പറഞ്ഞു പഠിപ്പിച്ചേക്കണം
ഇനിയുമനുകമ്പ നിന്നെ വരിഞ്ഞുമുറുക്കുകയാണെങ്കിൽ ഹൃദയത്തെ അഹംഭാവത്തിലൊരു കല്ലറപണിഞ്ഞതിൽ കുഴിച്ചുമൂടണം ഒരിറ്റു ദയപോലും പുറത്തുവരാനിടവരരുത് ഇവയെല്ലാം ചേർന്നാൽ നീ മനുഷ്യനായി ഇന്നിന്റെ യഥാർത്ഥ മനുഷ്യൻ.......

-

പത്തുമാസം ഉദരത്തിലും ആയുഷ്കാലം ഹൃദയത്തിലും കൊണ്ടുനടക്കുന്ന ഗർഭങ്ങളാണൊരോ മക്കളുമമ്മക്ക് .....

-

തളിരിൻതുടുപ്പിനു വേരാണ്ടകൈപ്പു വഴിയേ

-

ചില ചിന്തകളെ ചങ്ങലക്കിട്ട് മൗനിയാവാനെനിക്കാവില്ല തളക്കപ്പെടാത്ത പല ചിന്തകളും എന്റെ ഇഷ്ടങ്ങളാണ്

-

അരോചകമായ ഉപദേശങ്ങൾ അർത്ഥവത്തായിരുന്നെന്നറിയുന്നത് കാലം നമ്മളിലേക്കാ കടമകൾ ചാർത്തി തരുമ്പോഴാണ്

-