ಯುವ ಮನಸ್ಸಿನ ಹುಮ್ಮಸಿರಲಿ
ಗಾಳಿಯ ಹಾಗೆ ಮನ ಹಗುರಿರಲಿ
ದಿಗಂತದಷ್ಟು ವಿಶಾಲ ವಿಚಾರವಿರಲಿ
ವಿಶ್ವಾವಸು ನಾಮ ಸಂವತ್ಸರ
ಹೊಸ ವರುಷದ ಈ ಯುಗಾದಿಯು
ನಿಮಗೂ ನಿಮ್ಮ ಹಿತೈಷಿಗಳೆಲ್ಲರಿಗೂ ಶುಭತರಲಿ.

-

ನರಕವನು ಅಪ್ಪಿರುವೆ ನೀ ಜೊತೆ ಇರುವ ಕಾರಣ
ಅಪರೂಪದ ನಿನ್ನೊಲವೆ ನನ್ನ ಬಾಳಿಗೆ ತೋರಣ

ನಿನ್ನ ಬಿಡುವಿಲ್ಲದ ಕೆಲಸದಲ್ಲಿ ನನ್ನ ನೆನಪು ಬಾರದು
ನಿನ್ನ ಮಾತಿಗೆ ಹರ್ಷಿಸಲು ಕಾಯುವುದು ನನ್ನ ಕರಣ

ನಿನ್ನ ಮುಗ್ಧ ಮೊಗದ ಮಗುವಿನಂತಹ ನಗು ಚಂದ
ನಿನ್ನ ಪೇಚಾಟ ಹಿಡಿಸುವುದು ನನ್ನ ಮಾತಿಗೆ ಗ್ರಹಣ

ಅನುದಿನವು ಬೇಕಿಲ್ಲ ಪ್ರೀತಿ ಪ್ರೇಮದ ಸಲ್ಲಾಪ ರಾಯ
ಅಕ್ಕರೆಯ ನಿನ್ನ ಭಾವ ಮಿಡಿತವೇ ನನಗೆ ಸಿಹಿ ಹೂರಣ

ಯಾರೇನೇ ಹೇಳಲಿ ನೀ ನನ್ನ ಸರ್ವಸ್ವ ಎಂದೆಂದಿಗೂ
ನಿನ್ನಲ್ಲಿರುವ ನಂಬಿಕೆ ಭರವಸೆ ಆಗದೆಂದೂ ಹರಣ

ವಸ್ತ್ರ ಒಡವೆಗಳ ಆಸೆ ನನಗಿಲ್ಲ ನಿನ್ನೊಲುಮೆ ಸಾಕಲ್ಲ
ನಿನ್ನೊಂದಿಗಿನ ಕ್ಷಣಗಳು ನನ್ನ ಜೀವಕೆ ಆಶಾ ಕಿರಣ

ಮಲ್ಲಿಗೆ ಸುಮದ ಪರಿಮಳ ಭಗವಂತನಿಗೆ ಮೀಸಲು
ದೇವರಲಿ ಮೊರೆಯಿಷ್ಟೇ ನಿನ್ನ ಮಡಿಲಲ್ಲಿರಲಿ ಮರಣ.

-

ಕೋಪ ನಿರಾಸೆ ದುಃಖ ವೇದನೆಗೆ ಕಾರಣ ,
ನಾನು
ನನ್ನದು
ನನಗೆ
ನನ್ನಿಂದ.

-

ಬಹಳ ಇಷ್ಟ ನೋಡುವುದು ನಕ್ಷತ್ರಗಳ
ಕಾರಣವಿಷ್ಟೇ
ನನ್ನಲ್ಲಿ ಸಂವಾದಿಸುವುದು
ನೀ ಅಲ್ಲಿ ಸಲ್ಲಾಪಿಸಿದ ನಕ್ಷತ್ರಗಳು.

-

ದೈನ್ಯದ
ಜೀವನ
ಇಲ್ಲದ
ಸಾವೆ
ಧನ್ಯ

-

ಹಣದಿಂದ ಬರುವುದಲ್ಲ,
ವಸ್ತುಗಳಲ್ಲಿ ಕಾಣುವುದಲ್ಲ,
ಶಾಂತ ಮನ,
ನೆಮ್ಮದಿಯ ದಿನ,
ಇದ್ದಲ್ಲಿ ಸಿಗುವುದೇ ಸಂತೋಷ.

-

ತಾವರೆ ಮೇಲಿನ ನೀರಿನಂತಿರಲಿ ದೃಷ್ಟಿ
ಪಕ್ಷಪಾತವಿಲ್ಲದ ಪ್ರಕೃತಿಯಂತಿರಲಿ ಕಿವಿ
ಸೂರ್ಯ ಚಂದ್ರರಂತಿರಲಿ ಕೃತಿ

-

ಮಾತಿನ ಮೌಲ್ಯ ಅರಿವಿರಬೇಕು
ಮೌನದ ಮಿತಿ ಅರಿತಿರಬೇಕು.

-

ದೊರೆಯುವ ಮೊದಲು ಕಾಯುವ ಸಹನೆಯಿಲ್ಲ
ದಕ್ಕಿಸಿಕೊಂಡಾದಮೇಲೆ ಅದಕ್ಕೆ ಬೆಲೆಯಿಲ್ಲ.

-

ಹೆಂಗರುಳಿನ ಪುರುಷನವನು
ಅನ್ಯ ಹೆಂಗಸರ ನೋವಿಗೆ ಮರುಗುವನು
ತನ್ನ ಸತಿಯ ನೋವು ಸಹಜ,
ಅತಿಯಾಲೋಚನೆ ಎನ್ನುವನು.

ಪುರುಷ ದ್ವೇಷಿ ಅಲ್ಲ ಇವಳು
ಪರ ಪುರುಷರ ಪರೋಪಕಾರ ಶ್ಲಾಘಿಸುವಳು
ತನ್ನ ಪತಿಯ ಸಹಾಯ ಗುಣಕೆ
ಪ್ರಚಾರ ಪ್ರಿಯ ಎನ್ನುವಳು.

ಅನ್ಯರ ಸೊಸೆ ಮುಗ್ಧೆ ಮಿತ ಭಾಷಿಣಿ ಎನ್ನುವ ಅತ್ತೆ
ತನ್ನ ಸೊಸೆಯ ವಿಧೇಯತೆಗೆ ಪೆದ್ದು
ಯಾರೊಂದಿಗೂ ಬೆರೆಯದ ಮೂದೇವಿ ಎನ್ನುವಳು
ಅಳಿಯ ಮಗಳ ಓಲೈಸಿದರೆ ಪ್ರೀತಿ ಎನ್ನುವ ಮಾವ
ಮಗ ಸೊಸೆಯ ಅಕ್ಕರೆಸಿದರೆ ಗುಲಾಮ ಎನ್ನುವನು

ಜಗದ ನಿಯಮವೇ ಇದೇನಾ ಗಾಲಿಬ್
ಪರರ ಅವಗುಣಗಳೂ ಮೆಚ್ಚಿ
ತಮ್ಮವರ ಸುಗುಣಗಳು ಕಾಣದ
ಜಾಣ ಕುರುಡರೆ ಹೆಚ್ಚು.

-