ஒரு சின்ன பார்வையில்
ஆயிரம் ரசனைகளை என் மீது பொழிகிறாய்..
அதில் முழுவதுமாய் நனைந்துவிட்டேன்,
உன் அன்பு என்னை உலர்த்துவதற்குள்.....

-

உனக்காக பழகுகிறேன்.
அழகாய் ருசிப்பதற்கும்,
அழகை ரசிப்பதற்கும்....

-

நாம் நேரம் செலவிட,
நமக்காக காத்திருக்கிறது
இந்த
மழையும் தேநீரும்...

-

பிழைகள் இருந்தாலும்,
என் அர்த்தங்களை சரியாய்
புரிந்துகொள்பவள்
அவள் மட்டுமே....

-

என்னை அழகாக்கும்
அழகி அவள்...

-

மறைந்தாலும் அழகுதான்
மறைத்தாலும் அழகுதான்
உன் வெட்கம்....

-

அவ்வளவுதான்..
கவிதை முடிந்துவிட்டது....

-

அடைபட்டு இருப்பதை
உணர்ந்தால்தான்,
வாய்ப்புகளின் வழியே
சிறகை விரித்து பறக்க முடியும்...

-

அவளை பத்திரமாக
கூட்டி செல்ல வேண்டும் என பதட்டப்படும் கணவனும்,
அவர் பார்த்துக்கொள்வார்
என பதட்டத்தை வெளியே காட்டிக்கொள்ளாத
மனைவியும்,
இன்றும் இருக்கத்தான்
செய்கிறார்கள் நம்மை சுற்றி.....

-

நானும் ஒரு
நீர்க்குமிழிதான்
உங்களிடம்,
மிக எளிதாய்
உடைந்துவிடுவதில்....

-