நிலத்தை நனைத்திட
உருவாகும் மேகமொன்று...
முதலில் தன்னை குளிரூட்டியிருந்தால்..
இத்தனை பயங்கரத்துடன்..
பால்யத்தை பயமுறுத்தாமல்..
நிலம் வந்து சேர்ந்திருக்குமோ...

-

நான்கு வழிச்சாலையில்.,
காற்றை கிழித்துக்கொண்டு
முன்னேறும் வேகம்.,
பட்டாம்பூச்சியின் வருகையால்.,
சீற்றத்தை தணிப்பது என்னவிதியோ...

அதன் இறக்கை காயப்படுமென்பதாலா..?

இல்லை

அதன் மெல்லிய வருடலை மனம் அறியவா..

புரியாமல் மீண்டும் சீறுகிறது... வேகம்..

-

மரக்கிளையை விட்டு,
பிரியும் பறவை, தன்
இறகில் ஒன்றை பரிசளிப்பது..
கிளையின் தனிமை போக்கிடவோ..

-

என் மனக்கரையில்.,
கால்தடம் பதித்த, பாதத்தின்
பிரதிபலிப்பாய்....

என் கள்ளத் தூரிகா...

இன்று முதல்...

-

பக்கம் பக்கமாய்.,
வார்த்தைகளைக் கோர்த்து.,
வரிகளுக்குள் உந்தன் அழகை
அடக்கிட நினைத்தேன்...
நினைவு சங்கிலியில், தடுமாற்றம்.,
எனதருகே நீ என்பதால்...

இருவருக்கள்ளும் சிறு
இடைவேளை வேண்டும்.. உனை
ரசித்து வர்ணிக்க..

-

எத்தனை ஆயிரம் மிதிகளை.,
தாங்கியதோ கைத்தறியின் பலகை...
நெசவுத் தொழிலின் நேர்த்தியை..,
அவளின் வளைவு, நெளிவுகள்..
நேர்த்தியுடன் பிரசுரம் செய்கிறதே...

-

வெண்பனி புதைத்த பாதையில்.,
தண்டவாளத்தின் குளிர்போக்கிட..
கரும்புகையை கக்கிக்கொண்டு,
பனிமூட்டத்தை கிழித்துச் செல்கிறதோ...

-புகைவண்டி

-

ஒற்றை காலால்,
ஓராயிர நிமிடங்களை தாண்டி..
காத்திருக்கும் கொக்கு...
தன் அலகில் சிக்கிய
மீனை கொண்டு..,
பறந்திடும் அழகில்..
மீன் தான்...
வியத்திருக்குமா.. இல்லை
பசியாற்றியிருக்குமா...?

-

சிதறிப் போன
இலைகள் மீதுதான்..
எத்தனை ப்ரியம்,
கிளைகளுக்கு...

தடயத்தை,
தழும்பாக்கி காத்திருக்கிறதே...

-

இதழைத் தாண்டி உன்
செவி சேரக் காத்திருக்கும், சில
வார்த்தைகள் தட்டுத் தடுமாறி.,
தயங்குவதை உணர்ந்து., உன்
இதழால் படித்திடும் மாயமென்னவோ...

-