"ନା ନାହିଁ କିଛି ଅଭିଯୋଗ ମୋର ତମ ପାଇଁ
ତମ ସ୍ମୃତି ସାରା ଜୀବନ କାଟିବାକୁ ଯଥେଷ୍ଟ..."

-

ଓଃ ତମ ବି ପରା ଡର ଉପେକ୍ଷାକୁ
ତ ଅପେକ୍ଷା କରିବ କାହିଁକି ?
_subha

-

ଓଃ..! ଥାଉ ଥାଉ ସେତିକି ତୁମ ଭାବନା
ବୁଝି ପାରେନି ମୁଁ ଏ ତୁମ ଛନ୍ଦାଛନ୍ଦି ଶବ୍ଦ ଗୁଚ୍ଛକୁ..

-

ମୋ ଓଠ ସିନା ମିଛ କହି ଦେବ
ହେଲେ କଣ ଗଭୀରତା ଖୋଜିବ କିଏ ମୋ ମନର..
ବୁଝି ପାରିବ କିଏ କଣ ମୋ ସ୍ପନ୍ଦନର ସତ୍ୟତା
କଳୁଷିତ ହେଇ ପରେ ମୁଁ.. ମୋ କଥା..
ହେଲେ ଅପବିତ୍ର ନୁହେଁ ମୋ ମନ..

-

.

-

ଅଳସୁଆ ଏକ ବର୍ଷା ଭିଜା ସକାଳର
ଶୀତଳ ବାତାବରଣ
ମୃଦୁମୃଦୁ ସମୀରଣ
ମୌସୁମୀର ହାଲ୍କା ଛୁଆଁ
ସାହାସ ହୁଏନି ସେ ଝରି ପଡୁଥିବା
ରିମଝିମ୍ ବର୍ଷା ବିନ୍ଦୁକୁ ସ୍ପର୍ଶ କରିବାକୁ...
ହେଲେ ସେ ତ ବଡ଼ ବଦମାସ୍ ଅଝଟିଆ
ଲୁଚି ବସିଥିଲେ କଣ ହେବ
ଝର୍କା ଫାଙ୍କରେ ଉଡ଼ିଆସି
ଛୁଇଁ ଦେଇଯାଏ ଆଉ ଶୀତେଇ ଉଠେ ଦେହ
ପୁଣି ନିଜକୁ ଚାଦରରେ ଢାଙ୍କି
ଅନେଇ ରୁହେ ମୁଁ
ସେମିତି... ଯେମିତି କାହା ଅପେକ୍ଷାରେ
କାହା ଉସ୍ୱାଦନ ଜୀବନରେ ଭରିଦେବ ସବୁଜତା
ଚା ଥଣ୍ଡା ହଉଛି ପରା..
କଣ ଚା' ରୁ ସର୍ବତ ହେଲେ ଯାଇ ପିଇବୁ
ଦୃଷ୍ଟି ପରିବର୍ତ୍ତନ ନ କରି
କପ୍ କୁ ଓଠରେ ଲଗାଏ
ସତରେ ଯେମିତି ଶୀତଳ ଦେହରେ ଚା' ର ଉଷ୍ମତା
ସନ୍ତୋଷଜନକ
ଭାବେ ..ଜୀବନରେ ବି ତ କାହାର
ଉପସ୍ଥିତି ସମ୍ପୂର୍ଣ ମୋଡ଼ ବଦଳେଇ ଦେଇପାରେ
ଏ ଗତିହୀନ ମନର.....!

-

କାହିଁ ଗଲ ଶ୍ୟାମ ତୁମେ ପ୍ରକାଶ ଦେଖାଇ...,
ଅନ୍ଧକାରେ ମନ ମୋର ପୁଣି ଭରିଦେଇ....!!!🥺🌸

((ପଢ଼ନ୍ତୁ...... ଅନୁଶିର୍ଷକରେ))

-

ସକାଳ ଧୂପରେ ନ ଥିଲେ ତୁ ପଛେ
ମୋ ସଞ୍ଜ ସଳିତାରେ ଥାଉ
ସ୍ୱପନେ ନ ଥାଉ ପଲକ ସେପଟ
ଅନ୍ତର ଭିତରେ ରହୁ
ଖୋଜେ ନାହିଁ ତତେ ହଜି ଗଲା ପ୍ରାୟ
ଜାଣିଛି ପାଖରେ ନାହୁଁ
ବିରହର ଅଗ୍ନି ଦହନ କରଇ
ଯେତେ ଅଭିମାନ ପଛେ ଥାଉ..

ସନ୍ଦେହରେ କେବେ ମନ ମୋ ଜଳେନି
ଜାଣିଛି ତୁ ଏକା ମୋର
କିଏ କାଳେ କେବେ ଚୋରେଇ ନେବ କି
ମନରେ ଲାଗଇ ଡର....
ଈର୍ଷାରେ କୁହୁଳେ ମୋ ମନ ଭିତର
ନାଆଁ ନେଲେ କିଏ ତୋର
ବନ୍ଧୁ ବୋଲି ତତେ କହିବାକୁ ମଧ୍ଯ
ନାହିଁ କାହା ଅଧିକାର...!

ଅଦିନ କୁହୁଡ଼ି ବଉଳ ପୋଡଇ
ଦୋଷ କଣ ବସନ୍ତର
ଚନ୍ଦନ ବନର ବାସ୍ନା ଚୋରି ହେଲେ
କି ଦୋଷ ମଳୟର..?!!
ବଣ ମଲ୍ଲି କଢ଼ି ସୋନ୍ଦର୍ଯ୍ୟ ଆଗରେ
କି ରୂପ ଗୋଲାପର
ଅତର ଠାରୁ ବି ତୋ ଦେହର
ବାସ୍ନା,ଅତି ପରିଚିତ ମୋର...!

_🌸Subha🌸

-

ସେ ସମ୍ପର୍କର କି ମୂଲ୍ୟ..!
ଯେଉଁଠି ଶ୍ରଦ୍ଧା ନାହିଁ ;
ଅଧିକାର ସାବ୍ୟସ୍ତ କଲେ କଣ ହେବ....?
ଯଦି କର୍ତ୍ତବ୍ୟ ପାଳନ ନାହିଁ....
କହି କି ଲାଭ...,
ଯଦି କଥାର ମୂଲ୍ୟ ନାହିଁ....।
"ଆମର" ଶବ୍ଦ ବି ଅର୍ଥହୀନ ଲାଗେ
ଯଦି ନିଜର ହୋଇ ବି
ଆନ୍ତରିକତା ନାହିଁ....!

-

ନୀଳାଚଳ ନାଥ ଅନାଦି ଅନନ୍ତ
ପରଂବ୍ରହ୍ମ ପରାତ୍ପର
ସ୍ୱଚକ୍ଷୁରେ ବାରେ ଦେଖି ପାରିଲିନି
ବାହୁଡ଼ିଲ ତୁମେ ଘର ।

ଜଗତ ଡାକଇ ହରି ହରି ବୋଲି
ଯୋଡ଼ି କରି ବେନି କର
ହେଲେ ତୁମେ କାଇଁ ନାଥ ଲାଗୁଛ ବ୍ୟାକୁଳ
ମନେ ଘରଣୀ ପାଇକି ଡର...?!

ଯଦି ଏତେ ଚିନ୍ତା ଆହେ ପିତାମ୍ବର,
ସଙ୍ଗେ ଲକ୍ଷ୍ମୀଦେବୀଙ୍କୁ ନ ନେଇ
କାହିଁ ପାଇଁ ନାଥ
ଗଲ ନନ୍ଦିଘୋଷେ ବନ୍ଧୁ ଘର...!

ଏବେ ରୋଷ ଘେନ
ମହାମାୟୀଙ୍କର
ଭକତ ମେଳରେ ପତ୍ନୀଙ୍କୁ ପାଶୋରି
ଆନନ୍ଦେ କର ବିହାର..!

ନିଜେ ତ ରଚିଛ ସକଳ କାରଣ
ପୁଣି କାହିଁ ପାଇଁ ଆଡମ୍ବର
ପୁଣି ବର୍ଷ କରେ ବାହାରିବ ବୁଲି
ମାଉସୀ ମାଆ ର ଘର..!

-