तुझ्यातच आहे सार्थ आणि तुझ्यातच आहे अनर्थ योग्य काय निवडावं आणि शिल्लक ते पाखडावं हे तुझं तूच ठरवावं...! कविता मला सांगते आशा लावून बसून अपेक्षा हातात घ्यावी की काहीही गमावण्याची भितीच मुळात काढून टाकावी हे तुझं तूच ठरवावं...! कविता मला सांगते उगाच परिस्थितीला आणि नशिबाला दोष द्यावा की स्वतः प्रयत्न करून हाती येईल त्यात समाधानी व्हावं हे तुझं तूच ठरवावं...! कविता मला सांगते इतरांकडून स्तुती ऐकण्यासाठी कान टवकारावे की स्वतःच्या कामात स्वतःला झोकून देणं पसंत करावं हे तुझं तूच ठरवावं...!
आनंदाचे चार क्षण लेकरांचे तुमच्या बघा बाबा सुखाचं आयुष्य आमचं बघण्या एकदा परत या बाबा!
शिकलो आम्ही सुधारलोही तुमच्या स्वप्नांच चीझ झालं बाबा आमचा कोरडा रुबाब पाहायला एकदा परत या बाबा !!
गाडी , बंगला आता सारंच काही घेतलंय तुमचे लेकरंही आता पुढे जात आहेत बाबा उच्च शिक्षणं घेतोय आता तुमची शिक्षित लेकरं पाहण्या एकदा परत या बाबा !!
संविधानाच घेऊन बळ उंच भरारी घेतोय आम्ही बाबा तुमच्याच पावलावर पाऊल ठेवण्याचा करतोय प्रयत्न आम्ही आमचे प्रयत्न बघण्या एकदा परत या बाबा !!! एकदा परत या बाबा !!!