ಗಂಡಸರು ಗೆದ್ದು ಬಂದಿದ್ದಾರೆ
ಬ್ರಹ್ಮಾಸ್ತ್ರ, ಪಾಶು
ಪತಾಸ್ತ್ರ
ಗೆಲ್ಲಲಿಕ್ಕೆ ಇನ್ನೂವರೆಗೂ
ಆಗದಿರುವುದು ಹೆಣ್ಣಿನ
ಕಣ್ಣಸ್ತ್ರ

-

ರುಚಿ
ತಾತ್ಕಾಲಿಕ
ಹಿಡಿಸಲಿಲ್ಲವೆ ಮಡದಿಯ ಅಡುಗೆ ?
ಇರಿ ತೆಪ್ಪಗೆ
ಇಲ್ಲವೆ ಕೇಳಿ ಉಪ್ಪಿನಕಾಯಿ
ಮೆತ್ತಗೆ

-

ಹರಿದ ಬಟ್ಟೆ
ಹೊಲಿದಂತೆ
ದಾರ ಸೂಜಿ
ಹರಿದ ಸಂಸಾರ
ಹೊಲಿಯುವುದು
ಸಣ್ಣ ರಾಜಿ

-

*ದಾಂಪತ್ಯ*

ಗಂಡ ಹೆಂಡತಿ ಅಂದ್ರೆ
ಸೂಜಿ ದಾರದಂತೆ
ಆಕೆ ಸೂಜಿ
ಇವ ದಾರ

-

ಎಸ್ ಎಸ್ ಎಲ್ ಸಿ ಪರೀಕ್ಷೆಲಿ
ಇವನದ್ದೇ ಕಡಿಮೆ
ಅಂಕ
ಮಿನಿಸ್ಟ್ರಾಗವ್ನೆ ಈಗ
ನಮ್ ಕ್ಲಾಸ್ಮೇಟ್
ವೆಂಕ

-

ಪ್ರತಿ ವರ್ಷ ಹೆಚ್ಚುತ್ತಿದೆ
ಇವನ ಆದಾಯ
ತಿಳಿಯಬೇಕೆ ಏನಿದರ
ಮೂಲ ?
ಇವನು ಬಾಸಿನ
ಚೇಲಾ

-

ವಿಸ್ಮಯ

ಕೈಗೆ ಸಿಗದ, ಕಣ್ಣಿಗೆ ಕಾಣದ ಹಾಗೆ
ಗಾಳಿಯನ್ನು ತುಂಬಿ ಹಾರುವಂತೆ
ಬಲೂನು‌
ಸಂಬಳವನ್ನು ಹಾರಿಸಿತ್ತಿದೆ
ಲೋನು

-

ಗಂಗೆಯಲ್ಲಿಯೇ ವಿಲೀನವಾಗಬೇಕೆ
ನಿಮ್ಮ
ಅಸ್ಥಿ ?
ಮಾಡಿಡಿ
ಮೊಮ್ಮಕ್ಕಳೂ ಕೂತು ತಿನ್ನುವಂತೆ
ಆಸ್ತಿ

-

ಉಳಿಸಬೇಕು ನಾವು
ಹೋದ ಮೇಲೂ ಒಂದಷ್ಟು
ಆಸ್ತಿ
ಇಲ್ಲವಾದಲ್ಲಿ ಯಾರೂ
ಮುಟ್ಟುವುದಿಲ್ಲ ನಮ್ಮ
ಅಸ್ಥಿ

-

ಇದು ಬಣ್ಣದ ಹಬ್ಬ
ಆಡಿ ಬಣ್ಣದಿಂದಷ್ಟೇ
ಹೋಳಿ
ಎಂದು ಎಲ್ಲರಲ್ಲಿ
ಮನವಿ ಇಟ್ಟಿದೆ
ಮೊಟ್ಟೆಯೊಳಗಿನ
ಕೋಳಿ

-