ఒకసారి ముళ్ళు గుచ్చుకున్నా
మళ్ళీ గులాబీని కోరడం
అమాయకత్వమా?
మన అవసరమా?

అల మింగేసే ప్రమాదం ఎంతున్నా
సంద్రపు అంచుల్లో సేద తీరడం
నమ్మకమా?
మూర్ఖత్వమా?

చెరగని దూరం నడుమున ఉన్నా
వెన్నెలనే చూస్తూ ఉండడం
నిస్వార్థపు ప్రేమా?
అనాలోచిత అలవాటా?

-

Watching you, I dream of a ripple
A tiny, But lasting ripple
Trivial, Yet beautiful
No, not the ripple
But you, Beautiful with the ripple
Contrastingly beautiful, With that ripple
I decide to fall, In you
I decide to be the ripple, Feeling you
In the Sea that you are
The calm, tranquil, serene sea you are, I fall
Wanting to be the leaf
That floats alone, That floats along
With you, Rippling forever, I fall
It doesn't hurt, Doesn't better either
It's calm, Calm as always, Calm as before
As before I fell, As before we met
It's calm
There's no ripple, I am no ripple
I make no difference
But I am there, Just there
Floating alone, Floating away
With your indifference, In your indifference
Indifference

-

మొహానికి పౌడరు అద్దనే లేదు... మతాబులా వెలిగేస్తున్నా
కట్టిన చీర కొత్తదేం కాదు... కొంగు తిప్పుకుంటూ తిరగేస్తున్నా
కళ్ళకు కాటుక దిద్దుకోలేదు... కనుబొమ్మలతో నర్తిస్తున్నా
పెదాలకు ఏ రంగూ పూయలేదు... చెక్కిళ్ళు ఎత్తెక్కేలా నవ్వేస్తున్నా
నచ్చిన చెలిమి ఎదురవ్వలేదు... రివ్వున ఎగిరే ఎదని పట్టుకోలేకున్నా
ఎవరో చూస్తున్నారని కాదు... అయినా అల్లరి చేసేస్తున్నా
అయ్యయ్యో ఈ సిగ్గంతా... సింగారించేది ఎవరి కోసమంట
చాల్చాల్లే ఈ పూటకింక... జీవితాంతం నేను నాతోనేగా
నచ్చింది చేస్తుంటే... అబ్బబ్బో ఎంత అందం
నన్ను నేను ప్రేమించేస్తుంటే... అమ్మమ్మో ఇంత ఆనందం
మనసు మెచ్చినట్టు బతుకుతుంటే... కావాలా వేరే ఆర్భాటం
నిన్ను చూసి నువ్వు పొంగిపోతుంటే... కోరుతావా ఇంకొకరి అభినందనం

-

చలిగాలుల ప్రోత్సాహం చిరుఝల్లుల సహకారం
వారిస్తూ సంకోచం చెలిఅలకల సహగమనం
ఎదురుచూపు సింగారం ఎదబాటే శృంగారం
మోమాటపు దరహాసం తడబాటే దాసోహం
మౌనాలా సంగీతం ముడివిప్పెను సుకుమారం
మృదువెచ్చని మందారం పూసెనుగా ఆహ్వానం
ఇరువురిదీ ఆరాటం తనివితీరు ఏకాంతం
శృతిమించెను వయ్యారం ముగిసిందిక ఉపవాసం
ఎదురవ్వగ మధుమాసం దిగివచ్చెను కైలాసం
సాక్ష్యంగా ఇతిహాసం పరిపూర్ణం దాంపత్యం

తనువుల తపస్సున మనసుకు ఫలితం
వయసుల వచస్సున పరువపు గుణింతం

-

నేల దాహం తీర్చగలదా ఒక్క చినుకుతో మేఘమైనా
ఎండుకొమ్మకు ఊపిరూదగలదా ఒక్కసారిలో పవనమైనా
తగ్గిపోదులే ఒక్క మాటతో మనిషి గాయం ఏదైనా
తీరిపోదులే ఒక్క తోడుతో గుండె భారం ఏమైనా

ఏ మేఘమూ కురవకపోతే ఇంకిపోదా సంద్రమైనా
ఏ పవనమూ వీయకపోతే నిర్జీవి కాదా వృక్షమైనా
తగ్గిపోదులే, తీర్చలేవులే మరొకరి కష్టం ఎంతైనా
అయినా సరే మేఘపూతమై, గాలివాటమై ఊరటనివ్వడమే మన వంతు సాయం కదా
ప్రకృతి నేర్పిన ధర్మం కదా

-

ఒక సారి చూసేసిన తరుణం
గతమే మరో అవకాశం ఇచ్చినా
మర్చిపోగలమా గాయం!?
ఒక సారి చేసేసిన పయనం
మరో బాటసారితో మాత్రం
మారిపోతుందా గమ్యం!?

-

क्या तुम मानोगे...!?
(In Caption)

-

గతించిన కాలంలో శృతించిన తప్పులతో
మతించిన మనసుని ఎన్నాళ్ళని శిక్షిస్తావు!?
వారించే వేకువలో పొలమారే పొద్దిటిలో
నీవైన నవ్వులని ఎన్నాళ్ళని వాయిదాలేస్తావు!?

రేపటిని కాదనేంత
పెద్దదా నీ గతం!?
ఈరోజు మళ్ళీ రాదన్నంత
చిన్నదిగా జీవితం!!

-

in between
everything & nothing
can you ever
be happy with
just being
someone's
something

-

వెలితిగా ఉందంటే... ఏదో లేదని కాదు
అలాగని నీకు చోటు లేనంత ఇంపుగా ఏం లేదు
గుర్తొస్తున్నావు అంటే... ఇంకెవ్వరూ లేరని కాదు
అయినా నిన్ను మరెవ్వరితోనూ పోల్చలేను
కావాలనుకుంటున్నాను అంటే... నాకు నేను సరిపోక కాదు
నీతో ఉంటే నాకు నేనే ఇంకొంచెం నచ్చేస్తున్నాను

ఒడ్డున హాయిగానే ఉన్నా
అలవాటుగా అలల వైపుకు వెళ్తున్నట్లు
రాతిరి నిండుగానే ఉన్నా
అలవోకగా వెన్నెలను వెతికేస్తున్నట్లు
ఏదో లేక కాదు...
లేనిది పూరించడానికి కాదు...
ప్రేమ వొట్టి కోరిక కాదు!!
ఎంతున్నా ఏమున్నా ఏదున్నా లేకున్నా...
ప్రేమ మనసుకో ఊరట!!

-