అటు వైపు నుండో చెయ్యొచ్చి
ఇటు వైపునున్న నన్ను లాగుకుపోవాలని చూస్తోంది
సరే సరే అనుకుని పోదాం అనుకున్నా
ఇటు వైపు నన్ను చుట్టుకున్న ధారాలూ
గాయాలైనా చేస్తున్నాయే కానీ కదలనివ్వడం లేదు
ఆ చెయ్యి పట్టు వదిలి విడిచిపోవడమూ లేదు
రోజులు గడుస్తున్నాయి, ఋతువులు మారుతున్నాయి
ఆడిచిపెట్టిన వూపిరితో ఆకులు రాలుతున్నాయి
నేను మాత్రం కదలలేదు
నన్ను చుట్టుకున్న ధారాలకీ
నన్ను పొంచివున్న ఆ చేతికీ
మధ్య పడి నలుగుతూనే ఉన్నా
ఎటూ తేల్చుకోలేక దిగులుతోనే ఉన్నా
ఇరువురినీ ఒప్పించలేక రగులుతూనే ఉన్నా
అకస్మాత్తుగా ఒకరోజు
గడియారంలో ముళ్ళులు కలిసాయి
ఒక్కటిగా కత్తెరలయ్యాయి
ధారాలు తెగిపడిపోయాయి
నీరసించి క్రిందకు రాలిపోయాయి
ఆ చెయ్యి ఒక్కసారిగా నన్ను లాగుకుపోయింది
అటువైపుకు
ఇటువైపు నన్ను హత్తుకున్న ధారాలకి
ఏమవుతుందో తెలుసుకోలేని
అటువైపుకు
అటువైపునుండి మాట్లాడితే
ఇటువైపుకు
ఏది ఏ వైపో తెలుసుకోలేని
ఆ వైపుకు
-Sri Harshitha
-