నీ వలపుల జడివానలో
నా దేహము తడిసింది
నీ పెదవుల తాకిడితో
నా హృదయం మురిసింది
ఈ తమకపు ఘడియలలో
నా ఊపిరి నీలో కలిసింది..!!

-

నా ప్రేమ తాలూకు జ్ఞాపకాల్ని
కన్నీటి సిరాతో
కాగితం పై అంటించా...
పోయెట్రీ అందువో...
పోయే కాలం అందువో..!!

-

ఈ మౌనానికి కారణం
నీ మనసు కౌగిట్లో
నా మాటలు బంధికావడమే..!!

-

కదిలించిన ప్రతి దృశ్యం
అక్షరరూపంగా కాగితాల్లోకి
చేరాల్సిందేనా..!!

-

నీ జ్ఞాపకాలను మోస్తూ
నా మనసుని నిందిస్తూ
ముందుకు సాగుతున్న
విరహ గాలుల్ని వెనక్కి తోస్తూ...

-

మది నీ ఊసులనే నెమరేస్తుంది...
నీ ఊపిరి చప్పుడు కూడా నన్నొదలనటోంది..
నీ జ్ఞాపకాల గంటలు నాలో
మార్మోగుతూనే ఉన్నాయి..
వింటున్నావా ...
మది గోడల్లో ఏ మూల దాక్కున్నావో...!!

-

ఆశకు-ఆశయానికి
లక్ష్యానికి-కాలానికి
కాలే కడుపుకి-రేగే ఆలోచనకి
నిత్యం సంఘర్షణే

-

మనసే కదలనంటోంది
నీ జ్ఞాపకాలను వీడనంటోంది.!!

-

బతుకే
కదలనంటోంది..!!

-

ఏదో వెలితితో విలవిలలాడుతూంటుంది...
నా ఊపిరి లో దాగిన నీ జ్ఞాపకాలలో
తేలుతూంటుంది..!!

-