ऑनलाइन खेळप्रिय
'माणिक' क्रीडा खात्यास लाभले;
कृषि खाते रिक्त होताच
'दत्त' म्हणून उभ्या
राहिलेल्या प्रसंगाशी लढण्या
जाणकार, शांत, संयमी
नेते 'भरणे' क्रमप्राप्त झाले.
☺️😀☺️

-

तुझ्या चाहुलीने माझा श्वास दीर्घ होतो;
अस्तित्व माझे विरून मी माझा न राहतो.
शोधतो सर्वत्र तुला,पण तो एक भास असतो;
चाहुलीचा हा खेळ असाच प्रदीर्घ सुरू राहतो.

-

कुणी आपले 'फेक' अकाउंट काढून पैसे
उकळत असेल तर समजून जावे की,
आपण अशा उंचीवर पोहचलो आहे की,
जेथून आपल्याला फेकण्यासाठी खूप
लोकं उतावीळ झाली आहेत.

-

आयुष्याच्या वाटेवरचा सरळपणा
सगळ्यांनाच सहजपणे लाभत नाही;
वाटेला आलेली संघर्षाची लढाई
कित्येकांची शेवटपर्यंत पाठ सोडत नाही.

-

सहजपणे जे जे भेटत गेले तुला
त्यामागे धडपडणारे अदृश्य हात होते;
कुतज्ञ असावे तयाप्रति, कारण लाभले
तुला जे, अजूनही कुणाचे स्वप्न होते.

-

तु गायलेल्या सुरेल मैफिलीतील
स्वरांना संवेदनांची साथ नाही;
भलेही ते वाहवा करतील वरवर
पण त्यात आपुलकीची ओल नाही.

निर्जीव शब्दांना चैतन्य बहाल करेल
असा तुझा सूर अजूनतरी दूर आहे;
अंतरीच्या काजळीने वेदनेला वेदनेशी
जोडणाऱ्या वाटेवरती अजूनही अंधार आहे.

टाळ्यांच्या गजरात तू उन्मत असताना
आर्त हाकांचा टाहो, तुझ्या कानी कसा पडेल
शब्दसुरांची वरवरची मलमपट्टी तुझी
खोल वेदनेच्या जखमांना कशी भरेल

सर्वच बरे! असे भासविणे फसवे
सोडून दे, ते चेहऱ्यावरचे हास्य गोजिरे
येथे वेदना सलतात जिवंत माणसाला
प्रत्येक सुरातून वाहू दे, ते दुःख गहिरे
©️©️©️, सोमचंद्र

-

वारी
एकमेका गळाभेट घेती,
विसरून धर्म, जात, गौत्र.
वारीतील वारकऱ्यात,
चराचरात तूच आहे रे सर्वत्र.
माणुसकीचा वसा घेऊन,
वाट चालती सर्व एकत्र.
तूच असता सहप्रवासी,
पंढरपूर तर निमित्तमात्र

-

तु केसात माळलेल्या फुलांचा 'सुगंध' काही और आहे
त्यात हरवतो मी इतका की, तुला टाळणे गैर आहे.

तू कानात घातलेल्या कर्णफुलांची 'चमक' काही और आहे
त्यात भुलतो मी इतका की, तुला टाळणे गैर आहे.

तू गळ्यात घातलेल्या माळेची 'गुंफण' काही और आहे
त्यात गुंततो मी इतका की, तुला टाळणे गैर आहे.

तु हातात घातलेल्या कंकणाचा 'सूर' काही और आहे
त्यात तल्लीन मी इतका की, तुला टाळणे गैर आहे.

तू पायात घातलेल्या पैंजनांचे 'मंजुळस्वर' काही और आहे
त्यात मंत्रमुग्ध मी इतका की, तुला टाळणे गैर आहे.
@@@सोमचंद्र

-

हल्ली तो काही तीच्यावर
मस्त लिहीत नाही;
कारण; लिहिण्यापेक्षा
तीचं सोबत असणं
अनुभवण्यात
तो जास्त व्यस्त आहे.

-

कारण तो पुरुष असतो म्हणून....

कठोर शिस्तप्रिय बापाच्या
हृदयस्थ वेदना, व्यथाही असू शकतील
हे साफ झिडकारलं गेलंय
कारण तो पुरुष असतो म्हणून..

खोट्या पुरुषसत्ताक व्यवस्थेचा डिंगोरा पिटताना
तो सुद्धा आजच्या घडीला 'पीडीत' असू शकतो
हे जाणीवपूर्वक नाकारलं गेलंय
कारण तो पुरुष असतो म्हणून..

व्यक्ती निरपेक्षतेची ग्वाही देणारी
आजची न्यायव्यवस्था तपासाआधीच
त्याला आरोपी सिद्ध करण्यास पेटून उठते
कारण तो पुरुष असतो म्हणून...

वात्सल्यरुपी आईच्या ममत्वाचा गोडवा
सर्वदूर असला तरी लढण्याचे बाळकडू
पाजणाऱ्या पित्याला सोईस्कर दूर ठेवलं गेलंय
कारण तो पुरुष असतो म्हणून...
- सोमचंद्र

-