माहिती तंत्रज्ञानाच्या
युगात एका क्लीकसरशी
'इमेज काढणं'
सहज शक्य झालंय.
परंतु, समाज मनातील
आपली 'प्रतिमा तयार करणं'
अजून तरी तंत्रज्ञानाला
शक्य झाले नाही.

-

AI च्या माध्यमातून बाह्य सौंदर्य खुलविण्याची किमया अफाट आहे. अंतरंग ही निर्मळ आणि सुंदर करता येईल अशी कामगिरी करण्याची क्षमता अजून तरी तंत्रज्ञानापासून कोसो दूर आहे.

-

निरुपयोगी
ठरवले जाण्यापेक्षा
'दूर-उपयोगी' तरी
होऊ, जेणेकरून
चालू स्थितीत
तरी राहता
येईल.

-

#साला, आयुष्याचे लागलेत घोडे
बायको गाते दररोज तक्रारींचे पाढे
सासू-सुनेच्या वादात उपवास घडे
कुणाला द्यावं झुकतं माप, हा पेच पडे
साला, आयुष्याचे लागलेत घोडे

टार्गेट पूर्ण झाले नाहीतर, बोट माझ्याच कडे
डर्टी पॉलिटिक्सचे ऑफिसात वळवळतात किडे
बॉस,झाप झाप झापतो; मग झोपही उडे
साला, आयुष्याचे लागलेत घोडे

आर्थिक मदतीला घालताच साकडे
जिगरी मित्रही करतात तोंड वाकडे
कोणी घेई आढे, कोणी घेई वेढे
साला, आयुष्याचे लागलेत घोडे

कुणीही येतं आणि शिकवतं रोज नवे धडे
कधीही होते परीक्षा, मग काळीज धडधडे
निकाल हाती येताच सारेच हसे, मी मात्र रडे
साला, आयुष्याचे लागलेत घोडे

-

जिद्द असू दे निरंतर....

वाटेवरचे फोडून पत्थर
घर्मबिंदूचे करुया अत्तर
उभे ठाकले प्रश्न सत्तर
तरी सडेतोड देऊ उत्तर

आव्हानांना करून मैतर
संकटांचेही उडवू लक्तर
भिडला मृत्यू तरी बेहत्तर
प्रारब्धालाही करू निरुत्तर

वाट असू दे कितीही खडतर
ध्येय गाठणे हा एकच मंतर
धावण्यावाचून नसे गत्यंतर
भले कितीही असू दे अंतर

संकटे जरी सावध सत्वर
लढण्या आपण सदैव तत्पर
आयुष्याचे जरी सरले मध्यांतर
तरीही जिद्द असू दे निरंतर...
-सोमनाथ गावडे

-

हृद्यातल्या देव्हाऱ्यातला देव हरवला तर,
पूर्वीसारखी सजावट तरी करावी कशाची?
तेंव्हा किती मोठी व्हायची आरास बाप्पाची
आता मात्र मूर्ती पाहताच आठवण येते पपांची

-

#AI च्या गावात
प्रोग्रामिंग कोडिंग,सॉफ्टवेअर टेस्टिंग
सुरू आहे AI च्या गावात
अशाने IT वाले तज्ज्ञ,इंजिनिअर
चाललेत बाराच्या भावात

लेख, कविता, ग्राफिक्स डिझाईन
आता आयतं मिळतं AI च्या गावात
अशाने विचारवंत, प्रतिभावंत
चाललेत बाराच्या भावात

कारखान्यातील कामे रोबोट
करू लागलेत AI च्या गावात
अशाने कामगार, कष्टकरी
चाललेत बाराच्या भावात

शास्त्रीय विश्लेषण संशोधन सुरू
झालेत AI च्या गावात
अशाने संशोधक, विश्लेषक
चाललेत बाराच्या भावात

हिशोब तपासणी आता जलद व
अचूक सुरू आहे AI च्या गावात
अशाने लेखापाल, बुककीपर्स
चाललेत बाराच्या भावात

अन्न, धान्य अजून तरी तयार
केले जात नाही AI च्या गावात
म्हणून बळीराजा माझा अजूनही
कष्ट करण्या उभा आहे शेतात

-

डोळ्यात प्रगतीची स्वप्ने घेऊन
बँकेत येणाऱ्या गरीब शेतकऱ्यांशी सुद्धा
अदबीने,आत्मीयतेने वागणारा
मॅनेजर/स्टाफ भेटला की,
नक्की विचारा....
तुम्ही 'ऍग्रीकॉस' आहात का?

आधुनिक शेतीची कास धरणारा
शेतीत नवनवीन प्रयोग करणारा
नवीन कृषी तंत्रज्ञान प्रसार करणारा
एखादा प्रवर्तक/शेतकरी भेटला की,
नक्की विचारा....
तुम्ही 'ऍग्रीकॉस' आहात का?

एखादया अनोळखी प्रांतात
अडचणीत सर्वार्थाने धावून येणारा
धर्म/प्रांत याचे अडसर न जुमानणारा
एखादा व्यक्ती/समूह भेटला की,
नक्की विचारा....
तुम्ही 'ऍग्रीकॉस' आहात का?
-©️सोमनाथ गावडे,
तंत्र अधिकारी (कृषि)

-

तुम्ही ऍग्रीकॉस आहात का?

प्रशासनात प्रामाणिक,
निस्वार्थीपणे काम करणारा
लोकहिताला प्राधान्य देणारा
अधिकारी/कर्मचारी भेटला की,
नक्की विचारा....
तुम्ही 'ऍग्रीकॉस' आहात का?

सामाजिक बांधिलकी जपणारा
सर्वांना सन्मानाने वागवणारा
तन्मयतेने समस्या समजून घेणारा
नेता/कार्यकर्ता भेटला की,
नक्की विचारा....
तुम्ही 'ऍग्रीकॉस' आहात का?

तळमळीने जीवनाचे तत्वज्ञान सांगणारा
आपल्याकडे असणारे ज्ञान मुक्तहस्ते वाटणारा
श्रीकृष्णासारखा पाठीराखा असणारा
एखादा शिक्षक/प्रशिक्षक भेटला की,
नक्की विचारा....
तुम्ही 'ऍग्रीकॉस' आहात का?

-

ऑनलाइन खेळप्रिय
'माणिक' क्रीडा खात्यास लाभले;
कृषि खाते रिक्त होताच
'दत्त' म्हणून उभ्या
राहिलेल्या प्रसंगाशी लढण्या
जाणकार, शांत, संयमी
नेते 'भरणे' क्रमप्राप्त झाले.
☺️😀☺️

-