पुन्हा तुझं नावच घेणार नाही
शपथ घेवून ती फसली l
अन् लग्नाच्या बोहल्यावर
माझंच नाव घेवून बसली ll

© Sanket

-

जेव्हा जेव्हा पत्नीचं
माझ्यावरच प्रेम वाढतं l
बजेट त्या महिन्याच
आपोआप कोलमडतं ll

© Sanket

-

घे उंच उंच भरारी
पादाक्रांत कर तू शिखरे सारी l
यशोदिप कर्तृत्वाचा तेवावा अंगणी
जगावे बेधुंद तू स्वतःत रंगूनी ll

तुझी सारी स्वप्ने पुर्ण व्हावीत हीच इच्छा l
जागतिक महिला दिनाच्या हार्दिक शुभेच्छा ll

-

अनेक रस्ते असेही होते
जे तुझ्या पावलांनी दरवळून यायचे l
तू येवून गेल्याचे मग
आपसुकच मला कळून यायचे ll

© Sanket

-

श्रीमंताघरचं पोरगं
जेव्हा तिला पाहून गेलं l
माझं शेणाचं घरटं
त्याचदिवशी वाहून गेलं ll

© Sanket

-

माझं नाव जेव्हा
तुझ्या नावाशी जुळून आलं l
माझ्या नावातील सौंदर्य
अधिकच खुलून गेलं ll

© Sanket

-

आजही तुझं नाव रेखाटण्याची
सवय काही जात नाही l
अन् ही सवय आहे तोवर
माझं वय काही होत नाही ll


© Sanket

-

रोजच तुझी भेट हवी l
सखे मी, मिठीजीवी ll









© Sanket

-

स्पर्श तुझा झाला अन्
देहाचा विणा थरारुन गेला l
फुले भावनांची उमलून आली
हृदयी वसंत जणू बहरुन आला ll

© Sanket

-

आहेस तिथे सुखी आहेस
म्हणून मी शांत आहे l
तशी सलण्याकरिता मनात
तेवढीच एक खंत आहे ll

© Sanket

-