शब्द माझा प्राण आहे, मिटणारे वाक्य नाही
प्रेम नावाच्या फुलाला,वयाचे वार्धक्य नाही...
एक तू,एक मी, सोबतीने चालतांना
हात हातात आहे, याविना दुसरे सौख्य नाही...
आळवितांना सूर मनांचे, रेखाटल्या संवेदनांचे
ओठांनी ही मूक व्हावे, एवढे विरहाचे भाग्य नाही...
सांधलेल्या जाणिवांनी,डोहात या विरुन जावे
भावनेच्या श्वासांना ही आता कसलेच वैराग्य नाही...
तू होतास,तू आहेस, रुधिरांच्या कंठामध्ये
विसरून तुला कधीच,जगणे मला शक्य नाही...
-