നിലാപ്പെണ്ണിന്
അഴിച്ചിട്ട രാവിതിൽ ചൂടാൻ
ഇത്തിരി താരകപ്പൂമാല
കിട്ടാതെപോയി..
നിശ്ചയം കൊണ്ടരുമെന്ന്
വാക്കുപറഞ്ഞു പോയൊരാൾ
മഴ കണ്ട് വഴിയിലെവിടെയോ
കയറിനിൽക്കയാവാം..

-

ഇനി
ഒരു മടങ്ങി വരവിന്റെ സമയമാണ്

-

ആദ്യമായിനിയൊന്ന് കാണുമ്പോൾ
നോട്ടമുനകൊണ്ട് നിന്റെ
നെഞ്ചിലെഴുതുന്നുണ്ട് ഞാൻ

-

പെയ്ത് തോരും വരെ
കയറി നിൽക്കാനൊരിടം വേണ്ടേ..
ചേർത്ത് നിർത്തി നടന്നുപോകാൻ
കുടയരികിലൊരാള് വേണ്ടേ..

ആ ഇടമിങ്ങനെ
ആ ആളുമിങ്ങനെ
നീണ്ട് നീണ്ട് പോയെങ്കിലോ..
പെയ്‌ത്തിലും കാറ്റിലും
വെന്ത വേനൽച്ചൂടിലും..

-

-

-

അവൾക്ക് പറക്കാൻ
ഇവിടെ ആകാശങ്ങളില്ലെന്ന്..
അവൾക്ക് ഒരിക്കലും
ഇവിടെ ചിറകുകൾ മുളയ്ക്കരുതെന്ന്..

വേലിപ്പടർപ്പിൽ വിടരുന്ന
കാട്ടുചെമ്പരത്തിയാകൂ..
ഋതുഭേദങ്ങളില്ലാതെ പൂക്കുന്ന
ചുകന്ന ചെമ്പരത്തി..!!

-

യാത്ര..

-

ചിരിച്ചുകരയുന്ന കണ്ണുകളിലും...
അകലെയെങ്കിലും
അരികിലുണ്ടെന്ന് വിളിച്ചുപറയുന്ന
എന്നിലെ
നിന്റെ ഹൃദയപാതിയിലും...
കോർത്തുപിടിച്ച് നീ ബാക്കിവെച്ചുപോയ
ഈ വിരലുകൾക്കിടയിലും....
ഇപ്പോളും...

നീ ഉണ്ട്..

-

അടക്കിവെക്കാനാവാതെ
തീരത്ത്
നുരഞ്ഞുപൊന്തുന്ന
തിരകളെ അറിയാമോ???

എന്നിലെ നിന്നെപ്പോലെ....

-