ഇഷ്ടമാണെന്നു
തുറന്നുപറഞ്ഞിട്ടും
ഒരിക്കൽപോലും
സ്നേഹിക്കാനാവാതെ
മനമറിഞ്ഞു പരസ്പരം
ചിരിക്കാനാവാതെ
ഓർമ്മകളിൽ മൺമറിഞ്ഞ
നഷ്ടകഥയാണ് പ്രണയം..!

-

ഒറ്റപ്പെട്ട
മനുഷ്യന്റെ
തീരാദുഃഖങ്ങളാണ്
ഓരോ കവിതയും..!

-

പ്രണയത്തെ ചോല്ലിയുള്ള
യുദ്ധക്കാഹളത്തിലും
പോർവിളികളിലും
ഞാൻ ഒറ്റയ്ക്കായിരുന്നു,
രക്തചൊരിച്ചിലുകളുടെ
അതിർത്തികളിൽ
വരികളിലൂടെ നിനക്കെതിരെ
പോരാട്ടം തുടർന്നെങ്കിലും,
മൗനങ്ങളിലൂടെ പറന്നുയർന്ന
ചാവേറാക്രമണങ്ങളിൽ
വെടിയേറ്റു വീഴാനായിരുന്നു
എന്റെ വിധി...!

-

ഒരാളെ
ഇഷ്ടമാണെങ്കിൽ
സ്നേഹിക്കുക,
എത്രയധികം
സ്നേഹത്തിന്
ആഴമുണ്ടെന്ന്
അറിയുക,

ഇഷ്ടമല്ലെങ്കിൽ
പരിഹസിക്കാതെ
തുറന്നു പറയുക,
സ്നേഹമൊരു
കൊടുംപാപമല്ലെന്ന്
തിരിച്ചറിയുക..!

-

ഇരുട്ടുമുറിയുടെ
ചെറുകോണിലിരുന്നു
നിശബ്ദമായി ഞാനവളെ
ഓർത്തുകൊണ്ടിരുന്നു,
തൊട്ടടുത്തൊരു ചിരിതൂകി
അവളരികിലുണ്ടെന്ന
തോന്നലിൽ കൈകൾ
ചുറ്റിലേക്കും വാചാലയായി,
നിഴലുകൾ അവശേഷിക്കാതെ
പോയത് സമ്മതിക്കാനാവാതെ
ഹൃദയവും അസ്വസ്ഥമായിരുന്നു...!

-

കുളിപ്പിച്ച്
കുളിപ്പിച്ച് കുഞ്ഞ്
ഇല്ലാതായ കഥ
പോലെയാണ്
ചില എഴുത്തുകളും..
എഴുത്തിന്റെ മിനുക്ക്
കൂട്ടാൻ വെട്ടിതിരുത്തിയും
വീണ്ടും എഴുതാൻ ശ്രമിച്ചും
എത്രയെത്ര കവിതകളാണ്
ആരുമറിയാതെ ഇല്ലാതായത്..

-

ആദ്യം ഞാൻ എന്തൊക്കോയോ എഴുതി തുടങ്ങി..
ശേഷം കാര്യമായി കുറെ എഴുതികൊണ്ടിരുന്നു..
അവസാനം ഞാനൊരു എഴുത്തുഭ്രാന്തനായി മാറി...

-

മറക്കാൻ ആഗ്രഹിക്കുന്ന
അക്ഷരങ്ങൾക്കൊപ്പം നിന്നെയും
മറക്കാൻ ശ്രമിക്കാറുണ്ട്...
ശേഷം ഓർത്തെടുക്കുന്ന
അക്ഷരങ്ങൾക്കൊപ്പം
പുതിയ മുഖമുടിയണിഞ്ഞ്
എന്തിനു വരുന്നു നീ പിന്നെയും...

-

എനിക്ക് പ്രിയപ്പെട്ട അക്ഷരങ്ങളെ,
എന്റെ എഴുത്താണിയിൽ
വന്നൊന്ന് തൊടുക നിങ്ങൾ..
ഞാനൊന്ന് എഴുതി തുടങ്ങട്ടെ...

-

എനിക്കായ്
ദൈവമൊരുക്കിയ
എഴുത്തിന്റെ പറുദീസയിൽ
ഞാനെന്റെ ഹവ്വായെ കണ്ടുമുട്ടി,
അക്ഷരങ്ങൾക്കൊണ്ടവളെ
മേലങ്കി അണിയിച്ചു,
എഴുത്താണിയാൽ അവളുടെ
നെറ്റിയിൽ സിന്ദൂരം തൊട്ടു..!

-