Ek dost hey jissey kabhi kabhi baat hoti hey,
Per usney mughy likhna sikha diya,

Ek dost hey jissey bhoole bisrey mulaakaat hoti hey,
Per usne mughy chalna sikha diya,

Ek dost hey jissey bahut ladayia hoti hey,
Per usney mughy maaf kerna sikha diya,

Ek dost hey jissey yun hi mil gaya tha mein,
Per usney mughy zindagi jeena sikha diya....

Happy Birthday to Lopu🥳🥳

-

Tum toh mughe maaf ker sakti ho
Per apne aap ko kese maf kerun....
Tughy hurt kerkay mein,
Tughsey kese aankhe chaar kerun....

-

kya bhawanaao me beh gaya tha,
Ya puraani yaadon me uljha hua tha,
Jo bhi ho, per jab tughsey milne ka man kerta tha,
Toh bas chini lene chale aata tha....

Kya apne atit se me bhaag raha tha,
Ya apne prarabdh me ja raha tha,
Jo bhi ho, per jab tughsey milne ka man kerta tha,
Toh bas chini lene chale aata tha....

Kya tere saath jud ker, mey mukti ki raah dekh raha tha,
Ya tughsey band ker, mein aazaad hona chahta tha,
Jo bhi ho, per jab tughsey milne ka man kerta tha,
Toh bas chini lene chale aata tha....

Kya in sab baaton ka matlab dhund raha tha,
Yaa tere saath zindagi bhar ka saath nibhana chahata tha,
Jo bhi ho, per jab tughsey milne ka man kerta tha,
Toh bas chini lene chale aata tha....
Toh bas chini lene chale aata tha....

-

Krishna

-

Aaj dil ye udaas hey, na jaane kesi ab bas aas hy....
Jinhe apna maan ker chal raha tha, aaj unhi se ye man niraash hy....

Such a disappointment really.

-

Wakt mila toh zaroor bataunga,
Ki aaj bhi teri kavitayein padh ker muskra deta hun....
Aur Kabhi purane chats dekh ker yun hi apne zakhmo ko khuraid deta hun....

Yaad aaney per bas aayina dekh leta hun....
Aur bhul jaane per khud hi ko daant deta hun....

Jab bhi baat kerney ka man kerey toh, bas kaanha se baat ker leta hun....
Jaanti hy tughey paane ki koshish mey, mein apne aap se mil betha hun....

Dur reh ker bhi, tere bahut paas mein rehta hun....
Teri her aaney waali hichkiyon k liye, abhi hi maafi maang leta hun....

Haan, agar wakt mila toh zaroor bataunga....

-

Kabhi kisi panno mein, kabhi kisi kavitaon mein, tughy khojney ki kosish kerta hu,
Haalaat chaanhey jo bhi ho, har din sirf tughey yaad kerta hu....

Vaadon aur iraadon se ab meney tauba ker liya hy,
Bas khud sey mil jaaun, khud hi mein sama jaun, haan essa kuch iraada ker liya hey....

Dil lagana bhi chaahun toh kya keru, dil ko toh ghumsuda ker diya hey,
Saayad, tughsey alag hoker meney khud ko hi juda ker liya hy....

Ab bas dil ko fir sey jodney ki mein saazish ker raha hu,
Per, fir kabhi kisi panno mein toh kabhi kisi kavitaun me tughy khojney ki koshish ker raha hu....

-

Mein khud hi ki talaash mey chal raha tha,
Toh uska milna toh laazhmi tha....

Riston ka kerz toh bas yuhin chuka raha tha,
Varna dil toh mera baagi tha....

Kahaniyaan aur kavitaun ki potli, dilon mein baandh ker na jaaney kab se jie raha tha....
Bas uhey panno per utaarna baaki tha....

Her khusi, her derd k aasun, mein yun hi nahi samet raha tha,
Bas tera intezaar tha, aur aayina dekhna baaki tha....

Sayad isiliye, khud hi ki talaash mey chal tha,
Aur uska milna toh laazhmi tha....

-

Aaj janamdin hy unka,

Kya kahun ye nahi jaanta, per khus hu ki aaj janamdin hy unka

-

Zindagi na ider se udhar ho gayi in do saalo mein,
Kabhi nahi socha tha ki kisi sey itna pyar ho jaayega ki mein Prem ka arth hi samgh jaunga,
Aham mitta diya uskey ishk ney, aur mughy meri Raadha maa aur Kaanha k kareeb pahuncha diya,
Likhney ki chah ko jaga diya mera "ok lo" ney....
Kya pata ab kab mulakaat hogi, but likhna zaari rahega, saayad yahan, yaa fir kahin aur.... Aakhirkaar mera lekhan hi mera Prem hey, mera lekhan hi mera "ok lo " hy.

-