***प्रेम म्हणजे***
प्रेम म्हणजे काय भावनांचा खेळ सारा,
एकमेकांच्या स्वभावाचा ताळमेळ जरा।।
त्याचा प्रत्येक विनोद नसो बरा,
नात्यात विश्वास मात्र असावा खरा।।
रागात तिच्या कपाळावर चुंबन घ्यावा जरा,
त्याच्या रागात चेहऱ्यावर थंड फुंकणं मारा।।
प्रेमाच्या तिसऱ्या महिन्यातच लॉजवर नेणारा कसा असेल खरा,
थोडा वेळ तर द्या मनमोकळे तरी होऊदे ना जरा।।
भांडणात दोघे कितीही बडबड करा,
नंतर मात्र प्रेमाने एकमेकांना मिठीत भरा।।
तिच्या खुशीसाठी स्वतः ही हरावे कधी जरा,
असावा प्रेमात दोन जिवांचा मेळ खरा।।
गर्दीत एकमेकांचा हाथ घट्ट धरा,
आयुष्यभर सोबत राहू विश्वास ठेवा जरा।।
एकमेकांना जाणून घेण्याचा प्रयत्न असावा खरा,
प्रत्येक परिस्थितीत साथ देईन प्रतिज्ञा करा।।
प्रेम म्हणजे काय भावनांचा खेळ सारा,
एकमेकांच्या स्वभावाचा ताळमेळ जरा।।
-