ತಾಯಿಯ ಆರೋಗ್ಯ
ಸರಿ ಇಲ್ಲದಿರುವಾಗ
ಅಥವಾ ತಾಯಿಯು ಬೇರೆ
ಊರಿಗೆ ತೆರಳಿದಾಗ ಮಾತ್ರ
ತಾಯಿಯ ದಿನ ನಿತ್ಯದ
ಬಿಡುವಿಲ್ಲದ ಕೆಲಸಕಾರ್ಯಗಳ
ಅರಿವಾಗುವುದು

-

ನನ್ನಿಷ್ಟ ದೈವನ
ಮನದಲಿ ಸ್ಥಾಪಿಸಿ,
ಭಕ್ತಿಯ ಗೋಪುರವನು
ಕಟ್ಟಿರುವೆನು..
ಗಂಟೆಯ ನಾದಗಳು
ಮೊಳಗಲಿ
ಭಯ ತಲ್ಲಣಗಳು
ದೂರ ಸರಿಯಲಿ
ಮನವು ಭಕ್ತಿ ಸಾಗರದಲಿ
ಮಿಂದೇಳಲಿ
ಹನುಮನ ಧ್ಯಾನದಲಿ
ಮುಳುಗಲಿ
ಶಕ್ತಿ, ಸದ್ಬುದ್ಧಿ, ಜ್ಞಾನವು
ಬೆಳಗಲಿ
ಪವಿತ್ರ ಭಕ್ತಿಯ
ಧಾರಣೆಯಾಗಲಿ
ಶಾಂತಿ ನೆಮ್ಮದಿಯು
ಸಮೃದ್ಧವಾಗಲಿ
ಮನದ ಕಲ್ಮಶಗಳು
ಸುಟ್ಟು ಭಸ್ಮವಾಗಲಿ
ಜೈ ಶ್ರೀರಾಮ್
ಜೈ ಹನುಮಾನ್
ಜೈ ಭಜರಂಗಬಲಿ

-

ಅವಳ ಕಾಲ್ಗೆಜ್ಜೆಯ ಝಣ ಝಣ ನಾದ
ಅವನೆದೆಯಂಗಣದಲ್ಲಿ ಪುಂಖಾನುಪುಂಖವಾಗಿ ರಿಂಗಣಿಸಿತು..!

ಅವನಕ್ಷಿಯ ಮಯೂಖ ನೋಟ
ಅವಳಂತಃರ್ದೃಷ್ಟಿಯ ಮುಸುಕನು ಮರೆಮಾಚಿಸಿತು..!

-

ಅಪ್ಪನೆಂದರೆ ಹಾಗೇನೇ..
ಮನಸ್ಸು ನೋವಿಲ್ಲದ ತಿಳಿಯಾಗಸ ಅನ್ನಿಸಿದರೂ
ಒಳಗೆ ಮೋಡ ಕಟ್ಟಿ ಮಳೆ ಸುರಿಯುವಷ್ಟು ವ್ಯಥೆಗಳು!!

ಅಪ್ಪನೆಂದರೆ ಹಾಗೇನೇ..
ಮಕ್ಕಳ ಕಾಲ್ಗಳನ್ನು ಹೂ ಮೇಲೆ ನಡೆಸಿ
ತಾ ಮಾತ್ರ ಅದೇ ಸವೆದ ಚಪ್ಪಲಿಗೆ ಕಾಲೊಡ್ಡಿದವನು!!

ಅಪ್ಪನೆಂದರೆ ಹಾಗೇನೇ..
ತನಗಿಲ್ಲದಿದ್ದರೂ ತನ್ನವರಿಗೆಲ್ಲಾ ಸಿಗಬೇಕು ಎಂದು
ಬಯಸಿದವನು!!

ಅಪ್ಪನೆಂದರೆ ಹಾಗೇನೇ..
ಹಬ್ಬದ ದಿನ ಮನೆಯವರಿಗೆಲ್ಲ ಹೊಸ ಬಟ್ಟೆ ಕೊಡಿಸಿ
ತಾ ಮಾತ್ರ ಅದೇ ಹಳೆಯ ತೂತು ಬಿದ್ದ ಬನಿಯನ್ನೆ ಸಾಕೆಂದವನು!!

-

ಉರಿಬಿದ್ದು ಹುರಿಹಗ್ಗದಂತಾಗುವೆವೆಂದು ತಿಳಿದರೂ,
ಬೆಳಕನು ಚುಂಬಿಸಲು
ಸೊಡರಿನ ಸುತ್ತ ಹಾರುವುದೇಕೆ ಈ ಹಾತೆಗಳು!?

-

ಅವಳ ಸೀರೆಯ ನೆರಿಗೆಯಲಿ ಅವಿತಿರುವ
ತೇಪೆಯು ಸಹ ಕಸೂತಿಯಂತೆ..

-

ನಾ ನುಡಿಸುವ ಕೊಳಲಿನ ರಂಧ್ರದಿಂದ ಹೊಮ್ಮುವ
ರಾಗಕ್ಕೂ ನಿನ್ನ ಭಾವನೆಗಳ ಸವಿ ನೆನಪುಗಳೇ..!

-

ಕಪಾಟಿನ ಅಮ್ಮನ ಸೀರೆಗಳೆ ಹೇಳುತ್ತವೆ
ಅವಳ ಪಾಲಿನ ಹಬ್ಬಗಳೆಲ್ಲವು ಮಕ್ಕಳದೆಂದು...!

-

ಅಗಣಿತ ಅನನ್ಯ ನೆನಪುಗಳ ಸರಮಾಲೆ ಈ #ಬಾಲ್ಯ!!

-

ಪ್ರತಿ ದಿನ ನಿದ್ದೆಗೆ ಬಡ್ಡಿ ಸೇರಿಸಿ ಹಾಯಾಗಿ ಮಲ್ಗುತಿದ್ವಿ..
ಆದ್ರೆ ಪರೀಕ್ಷೆ ಹಿಂದಿನ ದಿನ ಮಾತ್ರ ಚಕ್ರ ಬಡ್ಡಿ ಸಮೇತ ನಿದ್ದೆಗೆ ಎರವಲಂತೆ..

-