सुरविद्य सरस्वती, मन चंचल लक्ष्मी
वाजंत्री वाजवते आपुल्या अंगणी
अश्विनी धनवंतरी
दिपमाळा इमारती

अभ्यंगस्नानासवे उजळून
भाग्य क्षण ही चतुर्दशी
गोवर्धन पुजनी
दिपावली पाडवा

कार्तिक द्वितीयेस
भाऊबीज साजरा
वाजंत्री लावण्या होयी
उत्साहाने हात कापरा

नव चैतन्य, नव पोषाखी
दर्शवी आनंद, चंद्रमुखी
पुनःश्च शुभेच्छा आमुच्या मुखी
दिपावली आपली व्हावी सुखी

-

"बाबा"

निश्चयी ठाकला; पाठीशी सर्वदा
निशब्द - संयमी; असशी सदा
कधीही थकला; न पाहिला कदा
निर्मळ - सौज्वळ; जाणला सदा

असा तुझा "बाबा", असा माझा "बाबा";
सांग तुला "बाबा" कळला का रे?

"बाबा" म्हणजे मेरू; अभिमान बिंदू
जन्माचा उद्धारू; निरपेक्ष साधू
दिपस्तंभ तेवणारा; अखंड झिजणारा
परी प्रकाशस्वरुप; देव माझा

असा तुझा "बाबा", असा माझा "बाबा";
सांग तुला "बाबा" कळला का रे?

-

हात एकटा आहे किती एकटे शक्ती सांगू
संपून जाईल एके दिवशी बेभान सांगू

प्रत्येकाची मर्जी जपते ती दमछाक सांगू
दमणे बसणे हार मारणे जमत नाही कसे सांगू

पळता पळता होवून जाते वाताहात सांगू
कोण कोणाचे नसते मित्रा इतकेच सांगू

-

मज सांग काय आहे
रुप तुझे राम राया
मन चित्त रोखू पाहे
अशी आहे तुझी काया

राम नाम घेतो आहे
ध्यानी तुझे रुप आहे
ध्यानी मुखी तूच आहे
विदेही मी वाट पाहे

मज सांग काय आहे
रुप तुझे राम राया
मन चित्त रोखू पाहे
अशी आहे तुझी काया

-

अशात तुझे खरं फार लक्ष असते माझ्यावर
ओळखतेस नेमके कधी चित्त नसते थाऱ्यावर

-

उगाच चांदण्यांचे रुसणे नकोच आहे,
नकोच आहेत मनाचे असे स्फंदणे तोडणे.
शब्दांना भेटीची जराशी जरी ओढ आहे,
नकोच आहेत कवितेचे असे शब्द वेचणे.

-

तुला माझं मला तुझं
सगळंच कसं भावतं अगं
चार पावलं सोबत चालणं
म्हणजेच प्रेम असतं अगं

-

पसरून लाली फुललीच होती मनसोक्त राधा प्रेमाने जणू
निनादून येतो स्वर बासुरीचा जसा कृष्ण साक्षात गातो जणू

-

तू तुझं ओळख बरं, पाणी कुठे मुरतं आहे!
ओंजळीतलं पाणी नेमकं कुठे झिरपतं आहे!

-

कशाला कशाची उगा दूषणे
मनाला मनाचे जरा सांगणे
नको व्यर्थ वाचाळ होवू
शहाणे उगा का मूर्ख होवू

-