અડધા હિંદનું રાજ પામવા , ચિત્તોડને એ છોડી નહીં શકે
એકલિંગજીનો એ દાસ , તારી સાથે સમાધાન કરી નહીં શકે
છે સ્વાભિમાન એમને જાનથી'ય પ્યારું, હજારો જાન કુરબાન કરશે
હોય તારામાં દમ તો ઉતાર એમનું મસ્તક , પણ એ હાથ તારી પાસે જોડી નહીં શકે
રાજભોગને બાજુ પર ધકેલી એ ઘાસની રોટલી પણ ખાઈ લેશે
જો એમના કદમ વધ્યા સ્વરાજ તરફ તો એ કદમ પાછા વાળી નહીં શકે
હલ્દીઘાટીમાં કરવાને કેસરિયા , એ લોહી પોતાનું બધું નિચોવી દેશે
તું કર એના પર ઘાવ હજાર , તોયે લીલો પરચમ તું લહેરાવી નહીં શકે
તારી મુઘલ તોપોના ગોળાને , ચેતક ખુદથી આગળ વધવા નહીં દે
બખ્તર એમનું ભલે ચિરાતું , પણ એમની હિંમતને તું તોડી નહીં શકે
તું આવ કુત્તાઓની ફોજ સાથે , એ સાવજ લઈને ઊભો હશે
જાણશે જગ આખું એની મહાનતાને , તું અકબર ક્યારેય મહાન થઈ જ નહીં શકે
- શુભમ્
-