ನಿನ್ನ ನೆನಪುಗಳೆ ಹಾಗೆ....
ಅದೆಲ್ಲೋ ಎದೆಯಡಿಯಲ್ಲಿ ನಿಂತ ನಿನ್ನೊಲವ
ಕದಡಿದ ಹಾಗೆ..
ಈ ಕರುಣೆಯಿಲ್ಲದ ಸಂಜೆಗಳೋ,ಇವುಗಳಿಗೆ ಅದೆನೋ
ಮುನಿಸು..
ಸೂರ್ಯನಿಗೆ ವಿದಾಯ ಹೇಳುತ್ತಲೇ,ನಿನ್ನೆನಹುಗಳ
ತಂಗಾಳಿಯ ಬೀಸುತ್ತವೆ...
ನೀನೆ ಹೇಳು ,ಈ ಚಂಚಲ ಹೃದಯದ ಪಾಡು,
ಆಯತಪ್ಪಿದ ಎದೆಯ ತುಂಬೆಲ್ಲಾ,
ಮತ್ತದೇ ಹಳೆ ಪ್ರೇಮ
ಮತ್ತದೇ ನವ ಭಾವ..
ಕೆಂಬಣ್ಣವ ಕೆನ್ನೆಗೆ ಜಾರಿಸಿ ,ಅವನ ಗುಂಗಲ್ಲಿ ಮೈಮರೆಸಿ,
ಅವನುಸಿರ ಬಯಸಿ,ಅವನ ಹಂಬಲಿಸುವ ಹೃದಯದ
ಭಾವಗಳ ತಳ್ಳಿ ಹಾಕುವಂತೆ ಮಾಡಿ,
ತೆಪ್ಪಗೆ ಕತ್ತಲೆಯಲ್ಲಿ ಕರಗೋ ಸಂಜೆಗಳಿಗೆ ನನ್ನದೊಂದು ಧಿಕ್ಕಾರವಿರಲಿ..
-Shreyanka Kamadhen
-