ಬರಹ ಕಾಗದದ ಮೇಲೆ ಬರೆದಾಗ
ಮೌಲ್ಯವಿತ್ತು
ಆಧುನಿಕ ಕಾಲದಲ್ಲಿ
ತಂತ್ರಜ್ಞಾನದೊಳಗೆ ಬಿತ್ತರವಾದ ನಂತರ
ತನ್ನ ಮೌಲ್ಯವು ಕೊಂಚ ಕೊಂಚವೇ
ಕಳೆಗುಂದಿತು, ಕಾರಣ ಇದಾಗಿರಬಹುದೇ
ಅಂದು ಸಾವಿರಕ್ಕೆ ಒಬ್ಬ ಬರಹಗಾರ
ಇಂದು ಸಾವಿರಕ್ಕೆ ಸಾವಿರ ಬರಹಗಾರ...

-

ಒಂದು ಸಲ ಬೇಡ ಎಂದರೆ
ಅದು ಬೇಡವೇ ಬೇಡ
ಪುನಃ ಮನಸು ಒಡೆದರೆ
ರಿಪೇರಿ ಮಾಡಲು ನಾನು ವಸ್ತುವಲ್ಲ
ಭಾವನೆ ತುಂಬಿರುವ ಮನುಷ್ಯ...

-

ಒಬ್ಬರ ಬೆಳವಣಿಗೆಗೆ
ನಮ್ಮ ಬೆಂಗಾವಲು ಬೇಕು
ಬೆಳೆದ ನಂತರ ಅವರ
ವರ್ತನೆ ನೋಡಿ
ನಾವು ಕಂಗಾಲಾಗಬೇಕು
ಪ್ರಸ್ತುತ ನೆಡೆಯುತ್ತಿರುವುದು ಇದೇ...

-

ಎಲ್ಲಿಂದ ನಿನ್ನ ಬೆಳವಣಿಗೆ ಪ್ರಾರಂಭವೋ
ಅಲ್ಲಿಂದಲೇ ಸಂತೋಷ ಮತ್ತು ದುಃಖವೂ
ನಿನ್ನೊಂದಿಗೆ ಸುತ್ತುವರಿದಿರುತ್ತದೆ...

-

ಎಷ್ಟೋ ಪ್ರೀತಿಯು
ಇಷ್ಟ ಪಟ್ಟು ಒಂದಾದರೂ
ಹೊಂದಾಣಿಕೆಯೆಂಬುದೇ ಇರುವುದಿಲ್ಲ
ಆದರೆ ಬೆಟ್ಟದಷ್ಟು ಪ್ರೀತಿ ಇರಿಸಿಕೊಂಡು
ಕಾಯುವ ಹೃದಯಕ್ಕೆ ಇಷ್ಟಪಡುವ
ಜೀವದೊಂದಿಗೆ ಬದುಕುವ ಭಾಗ್ಯವೇ
ಇರುವುದಿಲ್ಲ...

-

ಇರಬಹುದೇ ನಿಮ್ಮ ನಾಮವ ಭಜಿಸದೆ
ಸದಾ ಕಾಲ ಕಾಯುವ ನಿಮ್ಮ ನೆರಳಿನಲ್ಲಿರುವೆ
ಹರನಿಲ್ಲದ ನರ ಜನ್ಮವಿಲ್ಲ ಈ ಲೋಕದೊಳು
ಸಮಸ್ತ ಬ್ರಹ್ಮಾಂಡವ ಆವಾರಿಸಿರುವ ಅನಂತ ನೀವು
ನನಗೆ ತಿಳಿದಿದೆ ತಂದೆ ಹರ ನಾಮ ಇಲ್ಲದೆ
ಪರಿಪೂರ್ಣವಾಗದು ಪ್ರತಿ ಜನ್ಮವು ಎಂದು...

-

ರೋಮ ರೋಮದಲ್ಲು
ಪ್ರಭು ಶ್ರೀರಾಮ ನಾಮ ತುಂಬಿಕೊಂಡ
ಸ್ವಾಮಿ ಭಂಟ ಪ್ರಾಣದೇವ
ಶ್ರೀ ಆಂಜನೇಯನ ಕಂಡ ಕಣ್ಣುಗಳು
ಎಷ್ಟು ಧನ್ಯವಾದವೋ ಎಷ್ಟು ಪುಣ್ಯಮಾಡಿದವೋ...

-

ಮನುಷ್ಯತ್ವವನ್ನು ಮರೆಯಾಗಿಸಿ
ಕರುಣೆಯಿಲ್ಲದ ಕಲ್ಲಿನಂತಿರಬೇಡ
ಹೃದಯ ವೈಶಾಲ್ಯತೆ ಮೆರೆದು ನೋಡು
ಕಾಣದ ದೇವರಾಗಿ ನಿಂತು ಬಿಡುವೆ ಎಲ್ಲಾರೆದುರು...

-

ಸಿಗುವುದೋ ಇಲ್ಲವೋ
ಎಂಬ ಅಂದಾಜು ಇರದೆ
ಪ್ರೀತಿಗೆ ಬಿದ್ದವರು
ಇಂದು ನೋವಿನ ಸಾಲಿನಲ್ಲಿ
ಸಾಲುಗಟ್ಟಿ ನಿಂತಿದ್ದಾರೆ...

-

ನೆನಪಿಟ್ಟುಕೋ
ಇಲ್ಲದಿರುವ ಜೀವದ ನಿರೀಕ್ಷೆಗೆ
ಇರುವ ಬದುಕು ಸೂತಕದಂತೆ ಜೀವಿಸಿದರೆ
ಮರುಗುವುದು ನೀನೆ ಮರಣಿಸುವುದು ನೀನೆ...

-