Tu bhul gaya humko to kya
Taa-umra teri yaad me ro lenge
Tu tod gaya sapne to kya
Fir se naye sapne sanjo lenge
Koi ummid bachi na ab
Ashq ke aramaan piro lenge
Sab jeet gaye hum haar gaye
Ye daag ko hum bhi dho lenge
Koi jo kahe ke hum na rahe
Khush hona, bas tu mat rona
Apne the tere par ab na rahe
Meri khatir apno ko mat khona
Sau janam bhi kare intezar tera
Sau janam bhi kam intezar kiya
Saans-saans ko jod ke tujhse
Har saans bas tujhse pyar kiya
Ek aag uthi seene me jo
Us aag me khud ko kho lenge
Tujhse ki thi suruaat apni
Ab maut ki neend bhi so lenge

-

Ek Saaz Likhu, Mai Raaz Likhu
Mera Kal Mai Likhu, Mera Aaj Likhu
Judaa Huye Mai Uske Hisaab Likhu
Mai Dard Me Dabi Aawaz Likhu
Jo Tu Samjhe Wo Baat Likhu
Jitna Likhu Bas Jazbaat Likhu
Tere Mere Halaat Likhu
Jo Gujare Wo Lamhaat Likhu
Kaisi Thi Pehli Mulaqat Likhu
Din Likhu Ya Pehli Raat Likhu
Kare Yaad Tu Wo Ehsaas Likhu
Kuchh Aisi Mai Alfaaz Likhu
Kya Karu Ke Tujhko Paas Likhu
Likhu Rab Tujhe Ya Ardaas Likhu
Dhadkan Likh Du, Meri Saans Likhu
Tere Naam Mai Sab Kuchh Aaj Likhu
Kaise Gayi Tu Wo Andaaz Likhu
Chal Fir Se Wahi Aaghaz Likhu.

-

Log bharosa karte hain, Kuchh Bharose ko tod jaate hain
Kuchh galat fehmi ki wajah se apno ko chhod jaate hain
Koshish laakh kare koi khud ko sabit karne ki
Is jahaan me apni marji wale log aksar muh mod jaate hain
Kon samjhaye unko ke daulat dosti se badi nahi hoti
Hum aksar wapas sapno se apno ke liye daud aate hain
Mauka milega kabhi hume bhi khud ke jazbaat rakhne ka
Aaj ajnabiyo ke juba se mere yaar ko bade shor aate hain
Koi fark nahi padta agar koi hume kuchh kehta bhi hai to
Afsos is baat ka hai ke hum yaron ko bhi najar chor ate hain
Bikhar gayi khushiyan paison ke raste me chal kar
Soch rahe hain rishte me ab bas dosti ka daur laate hain

-

Kahaan pata tha ek din ye bhi humare kisse me aayega
Jitna hum fenk diya karte the, bas utna humare hisse me aayega

-

Jinki yaadon se lagte the lab muskurane
Unki yaadon se ab dard hota hai kyu
Khush hain bahut ab hume wo bhula ke
Dil humara mohabbat me rota hai kyu

Kismat ki hai saajish hain bichhade jo hum
Ulfat ki to humne ibadat bhi ki
The bigde se hum unke aane se pahle
Unke aane par humne sharafat bhi ki
Ki thi har koshish humne unhe pane ki
Ishq ka aisa anjaam hota hai kyu
Khush hain bahut ab hume wo bhula ke
Dil humara mohabbat me rota hai kyu

Dekhte hain kyu hum unki khidkiyon ko
Aur chhat dekh kar muskurate hain hum
Kyu jaate hain galiyon me ab bhi hum unke
Unka ghar dekh jaane kya paate hain hum
Pata hai nahi hain wo abhi us jagah par
Kadmo ka safar wahaan hota hai kyu
Khush hain bahut ab hume wo bhula ke
Dil humara mohabbat me rota hai kyu

-

Kise dikhau zakhm apne
Wo haqeem bhi jab na samajh saka

-

Chhoti si galti par jo gussa karte the
Door jaane par mujhse lade kyu nahi
Tadap uthte the jo tadapne pe mere
Unki aankhon me ansu bhare kyu nahi
Kyu samajh na saka dil, dil ki hi chahat
Kyu khud ka wajud khud mita raha
Tadap hai raha aaj pahle se jyada
Kyu khud ko jala kar sukoon paa raha
Saham jaate the mujhe khone dar se
Kahne se alvida wo dare kyu nahi
Tadap uthte the jo tadapne pe mere
Unki aankhon me ansu bhare kyu nahi
Nazar aakhiri humne dekha tha unko
Wo mud ke bhi dekhna jaruri na samjhe
Wo chalte gaye apni raahon pe aage
Humari haalat samajhna jaruri na samjhe
Kehte hain sab kuchh khuda karta hai
Khuda se fir shikwa kare kyu nahi
Tadap uthte the jo tadapne pe mere
Unki aankhon me ansu bhare kyu nahi

-

तुम्हे महसूस हर धड़कन के साथ करते हैं
तुम्हे क्या पता तुम्हे कितना याद करते हैं

-

Meri mohabbat hai tu bas itna yaad rakhna
Pahle mai hu, jamaane ko mere baad rakhna
Juda kare hume khuda to kar lene de use bhi koshish
Zindagi meri teri hai, bas tu mujhe sath rakhna

-

Fursat nahi hai ke soche tujhe
Fursat nahi hai ke intezaar kare
Kismat nahi ke tu mujhe mil jaye
Himmat nahi ke fir se aitbaar kare

-